Fjárhagsáætlun Akureyrarbæjar 2019-2022

Bæjarráð felur sviðsstjóra fjársýslusviðs að vinna málið áfram.

Bæjarráð samþykkir framlagða tillögu um fjárhagsáætlanaferlið.

Afgreiðslu frestað.

Bæjarráð samþykkir framlagðar forsendur með áorðnum breytingum.

Bæjarráð frestar ákvörðun fjárhagsramma til næsta fundar.

Meirihluti bæjarráðs samþykkir framlagða tillögu að fjárhagsramma vegna vinnu við gerð fjárhagsáætlunar.

Eva Hrund Einarsdóttir D-lista og Gunnar Gíslason D-lista sátu hjá við afgreiðslu.

Bæjarráð vísar fjárhagsáætlun 2019-2022 til fyrri umræðu í bæjarstjórn.

Bæjarstjórn samþykkir með 11 samhljóða atkvæðum að vísa fjárhagsáætlun Akureyrarbæjar 2019-2022 til frekari yfirferðar í bæjarráði og síðari umræðu í bæjarstjórn.

Bæjarfulltrúar minnihlutans þau Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista lögðu fram eftirfarandi bókun:

Það er ýmislegt að athuga við fjárhagsáætlun Akureyrarbæjar fyrir árin 2019-2022. Þar ber fyrst að nefna að fasteignamat er að hækka mjög mikið annað árið í röð. Þetta þýðir að með óbreyttri álagningu hækkar fasteignaskattur á heimili og fyrirtæki mikið. Nú liggur fyrir í áætluninni að hækka nær allar gjaldskrár til samræmis við verðlagshækkanir og sumar nokkuð umfram það. Það er því full ástæða til að lækka álagningarhlutfall fasteignaskattsins á heimili t.d í 0,32%. Til þess að mæta þeirri tekjulækkun sem af því hlýst þarf að skoða lækkun á útgjaldaramma áætlunarinnar milli umræðna. Í öðru lagi þarf að endurskoða framkvæmdaáætlunina m.t.t. framboðs á leikskólarýmum næstu 3-4 árin, forgangsröðunar framkvæmda innan íþrótta- og tómstundamála og framkvæmda í miðbænum þar með talið bílastæðahús sem er ekki lengur í framkvæmdaáætlun. Í þriðja lagi er full þörf á því að skoða útgjaldarammann m.t.t. þeirra tillagna sem fram eru komnar um fjölgun stöðugilda í ýmsum málaflokkum. Þar má velta fyrir sér hvort ekki sé möguleiki á því að endurskipuleggja störf og verkefni á ýmsum sviðum til þess að draga úr þörf fyrir fjölgun starfa.

Eva Hrund Einarsdóttir D-lista, Gunnar Gíslason D-lista og Þórhallur Jónsson D-lista lögðu fram eftirfarandi bókun:

Bæjarfulltrúar Sjálfstæðisflokksins leggja til að framkvæmdaáætlunin verði endurskoðuð með tilliti til þess að sumarið 2022 verði komin í notkun a.m.k. 120 ný framtíðarrými í leikskólum til viðbótar þeim rýmum sem bætast við þegar nýr leikskóli rís við Glerárskóla. Þá verði hægt að taka inn í leikskóla öll eins árs gömul börn. Það er afar brýnt að leysa þetta verkefni vel af hendi ef á að fjölga barnafólki í bænum, ungu fólki sem er undirstaða þróunar samfélagsins. Við teljum að þetta eigi að vera forgangsmál. Þá leggjum við einnig til að inn í áætlunina verði tekin að nýju bygging bílastæðahúss í miðbænum í þeirri von að fyrr en seinna verði hafist handa við uppbyggingu þar.

Andri Teitsson L-lista, Dagbjört Elín Pálsdóttir S-lista, Guðmundur Baldvin Guðmundsson B-lista, Halla Björk Reynisdóttir L-lista, Hilda Jana Gísladóttir S-lista og Ingibjörg Ólöf Isaksen B-lista lögðu fram eftirfarandi bókun:

Meirihluti bæjarstjórnar Akureyrar setur fræðslumál í forgang og ætlar með metnaðarfullum hætti að koma til móts við þarfir barnafjölskyldna. Uppbygging leikskóla við Glerárskóla og Lundarsel á kjörtímabilinu, auk aðgerða til að fjölga dagforeldrum og niðurgreiða kostnað við vistun barna hjá dagforeldrum eru sett á oddinn í fjárhagsáætlun og framkvæmdaáætlun Akureyrarbæjar.

Bæjarráð samþykkir framlagðar gjaldskrár 2019 með þeim breytingum sem gerðar voru á fundinum og vísar þeim til afgreiðslu bæjarstjórnar.

Bæjarráð samþykkir að vísa fjárhagsáætlun 2019-2022 til bæjarstjórnar til síðari umræðu og afgreiðslu og lítur svo á að þar með hafi verið afgreidd erindi og tillögur um fjárveitingar sem borist hafa bæjarráði og vísað hefur verið til gerðar fjárhagsáætlunar.

Áætlunin tekur til eftirfarandi þátta:

Samstæðureikningur Akureyrarbæjar A- og B-hluti

Samstæðureikningur, Sveitarsjóður A-hluti

Rekstraryfirlit samstæðureiknings 2019

Rekstraryfirlit samstæðureiknings 2020

Rekstraryfirlit samstæðureiknings 2021

Rekstraryfirlit samstæðureiknings 2022

Framkvæmdayfirlit Akureyrarbæjar 2019-2022



A-hluta stofnanir:

Aðalsjóður

Eignasjóður gatna o.fl.

Fasteignir Akureyrarbæjar

Framkvæmdamiðstöð

B-hluta stofnanir:

Bifreiðastæðasjóður Akureyrar

Byggingarsjóður Náttúrufræðistofnunar

Félagslegar íbúðir

Framkvæmdasjóður Akureyrar

Gjafasjóður ÖA

Hafnasamlag Norðurlands

Norðurorka hf.

Strætisvagnar Akureyrar

Öldrunarheimili Akureyrar



Aðalsjóður:

Aðalsjóður með rekstrarniðurstöðu 2019 að fjárhæð -513.032 þús. kr. og niðurstöðu á efnahagsreikningi 2019 að fjárhæð 14.997.281 þús. kr. var borinn upp til afgreiðslu og samþykktur með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



A-hluta stofnanir:

I. Eignasjóður gatna, rekstrarniðurstaða 2019 65.218 þús. kr.

II. Fasteignir Akureyrarbæjar, rekstrarniðurstaða 2019 497.283 þús. kr.

III. Framkvæmdamiðstöð, rekstrarniðurstaða 2019 15.019 þús. kr.

Allir þessir liðir A-hluta stofnana voru bornir upp í einu lagi og samþykktir með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



Samstæðureikningur:

Samstæðureikningur A-hluta með rekstrarniðurstöðu 2019 að fjárhæð 64.489 þús. kr. og niðurstöðu á efnahagsreikningi 32.466.740 þús. kr. var borinn upp til afgreiðslu og samþykktur með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



B-hluta stofnanir:

Nöfn stofnana og rekstrarniðurstöður 2019 eru:

I. Bifreiðastæðasjóður Akureyrar, rekstrarniðurstaða 1.701 þús. kr.

II. Byggingarsjóður Náttúrufræðistofnunar, rekstrarniðurstaða 136 þús. kr.

III. Félagslegar íbúðir, rekstrarniðurstaða -41.781 þús. kr.

IV. Framkvæmdasjóður Akureyrar, rekstrarniðurstaða -3.813 þús. kr.

V. Gjafasjóður ÖA, rekstrarniðurstaða -8.516 þús. kr.

VI. Hafnasamlag Norðurlands, rekstrarniðurstaða 286.093 þús. kr.

VII. Norðurorka hf., rekstrarniðurstaða 455.915 þús. kr.

VIII. Strætisvagnar Akureyrar, rekstrarniðurstaða 1.472 þús. kr.

IX. Öldrunarheimili Akureyrar, rekstrarniðurstaða -8 þús. kr.



Áætlanir allra þessara B-hluta stofnana voru bornar upp í einu lagi og samþykktar með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



Samstæðureikningur Akureyrarbæjar:

Samstæðureikningur Akureyrarbæjar A- og B-hluti með rekstarniðurstöðu 2019 að fjárhæð 660.406 þús. kr. og niðurstöðu á efnahagsreikningi 2019 að fjárhæð 51.963.317 þús. kr. var borinn upp til afgreiðslu og samþykktur með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



Framkvæmdayfirlit Akureyrarbæjar 2019:

Aðalsjóður 629.000 þús. kr.

A-hluti 1.335.000 þús. kr.

B-hluti 2.561.300 þús. kr.

Samantekinn A- og B-hluti 3.896.300 þús. kr.

Framkvæmdayfirlitið var borið upp og samþykkt með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



Eftirfarandi tillögur að bókunum vegna fjárhagsáætlunar 2019 lagðar fram:

a) Starfsáætlanir

Bæjarstjórn felur nefndum og ráðum að yfirfara starfsáætlanir í samráði við stjórnendur og gera á þeim þær breytingar sem nauðsynlegar eru með tilliti til fjárhagsáætlunar Akureyrarkaupstaðar. Bæjarstjórn mun svo taka starfsáætlanirnar til umræðu.

a) liður samþykktur með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



b) Kaup á vörum og þjónustu

Nýta skal kosti almennra útboða við framkvæmdir og vöru- og þjónustukaup þar sem því verður við komið. Sérstök áhersla verður lögð á að ná ítrustu hagkvæmni í innkaupum og meta skal endurnýjunarþörf búnaðar sérstaklega. Gerðir skulu þjónustusamningar við félög, fyrirtæki og stofnanir á þeim sviðum sem hagkvæmni slíkra samninga getur notið sín.

b) liður samþykktur með 9 samhljóða atkvæðum.

Gunnar Gíslason D-lista og Þórhallur Jónsson D-lista sátu hjá við afgreiðslu.



c) Áherslur við framkvæmd fjárhagsáætlunar 2019

Bæjarstjórn ítrekar tilmæli til stjórnenda bæjarins um að gæta ítrasta aðhalds í öllum rekstri bæjarins á árinu 2019. Mikilvægt er að allri yfirvinnu sé haldið í lágmarki og þeim eindregnu tilmælum er beint til stjórnenda að meta vandlega yfirvinnuþörf og leita leiða til að draga úr henni. Jafnframt skulu stjórnendur meta sérstaklega þörf á nýráðningum og möguleika á hagræðingu með breyttu verkferli þegar störf losna. Allar slíkar breytingar þarf að leggja fyrir viðkomandi nefnd og bæjarráð.

c) liður samþykktur með 10 samhljóða atkvæðum.

Gunnar Gíslason D-lista sat hjá við afgreiðslu.



Bæjarstjórn lítur svo á að með afgreiðslu frumvarpsins hafi verið afgreidd erindi og tillögur um fjárveitingar sem borist hafa bæjarráði og vísað hefur verið til gerðar fjárhagsáætlunar.

Samþykkt með 6 samhljóða atkvæðum.

Eva Hrund Einarsdóttir D-lista, Gunnar Gíslason D-lista, Hlynur Jóhannsson M-lista, Sóley Björk Stefánsdóttir V-lista og Þórhallur Jónsson D-lista sátu hjá við afgreiðslu.



Forseti lýsti því yfir að 5. liður dagskrárinnar ásamt 6. lið í fundargerð bæjarráðs frá 6. desember 2018 séu þar með afgreiddir.



Fulltrúar V-lista, D-lista og M-lista óska bókað:

Við lýsum yfir ánægju með að tillit hafi verið tekið til flestra okkar tillagna en gagnrýnum hversu ómarkviss vinnan hefur verið og að í fyrri umræðu hafi ekki öll kurl verið komin til grafar í undirbúningi fyrir fjárhagsáætlunina. Það er ljóst að þróun á rekstri aðalsjóðs er áhyggjuefni og mikilvægt er að strax í upphafi næsta árs hefjist undirbúningur að umbótum í rekstri bæjarsjóðs og A-hluta fyrirtækja bæjarins. Afar mikilvægt er að leggja áherslu á umbætur í verkefnastýringu, minnkun á sóun og að áfram verði haldið með innleiðingu straumlínustjórnunar. Við hefðum viljað sjá með skýrari hætti hvernig ætlunin er að takast á við þær loftslagsáskoranir sem við sem samfélag stöndum frammi fyrir. Við teljum að mikilvægt sé að bretta upp ermar við uppbyggingu á leikskólahúsnæði og flýta áformum um uppbyggingu þeirra leikskólabygginga sem nauðsynlegar eru til að uppfylla þarfir nútíma fjölskyldna um örugga dagvistun og góða menntun. Við leggjum áherslu á að fyrir lok þessa kjörtímabils standi öllum eins árs börnum til boða að komast í leikskóla. Enn fremur er gagnrýnivert að óljóst sé í framkvæmdaáætlun hvernig fjármagni til íþróttamála verði varið og teljum því rétt að þegar það liggur fyrir verði framkvæmdaáætlun aftur tekin fyrir í bæjarstjórn.



Fulltrúar D-lista og M-lista óska bókað:

Við höfum áhyggjur af stöðu bílastæðamála í miðbænum og teljum mikilvægt að horft verði til þess að tryggja næg bílastæði samhliða því að farið verði í frekari uppbyggingu á miðbæjarsvæðinu. Þá hefðum við viljað sjá frístundastyrkinn hækka meira til að koma til móts við frístundakostnað fjölskyldna vegna barna og unglinga.

Meirihluti bæjarstjórnar samþykkir framlagðar gjaldskrár með 10 atkvæðum.

Þórhallur Jónsson D-lista greiðir atkvæði gegn tillögunni.

Bæjarráð samþykkir með 5 samhljóða atkvæðum framlagðan viðauka að upphæð 6.075 þúsund krónur með þeim breytingum sem gerðar voru á fundinum og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 10 samhljóða atkvæðum.

Bæjarráð samþykkir framlagðan viðauka að upphæð 32,2 milljónir króna með 5 samhljóða atkvæðum og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 11 samhljóða atkvæðum.

Bæjarráð samþykkir viðauka 3 að upphæð kr. 206 milljónir með 5 samhljóða atkvæðum og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 11 samhljóða atkvæðum.

Bæjarráð samþykkir framlagðan viðauka 4 með rekstrarútgjöld að upphæð 65,6 milljónir króna og fjárfestingar að upphæð 122,9 milljónir króna, með 4 samhljóða atkvæðum, og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 11 samhljóða atkvæðum.

Bæjarráð hefur heimild til fullnaðarafgreiðslu mála í sumarleyfi bæjarstjórnar sbr. bókun í 10. lið fundargerðar bæjarstjórnar 18. júní sl.

Bæjarráð samþykkir viðaukann með 5 samhljóða atkvæðum.

Bæjarráð samþykkir framlagðan viðauka 6, rekstrarútgjöld samtals að upphæð 95,2 milljónir króna, með 5 samhljóða atkvæðum, og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 11 samhljóða atkvæðum.

Meirihluti bæjarráðs samþykkir framlagðan viðauka 7 um aukin rekstrarútgjöld samtals að upphæð 186,3 milljónir króna og lækkun framkvæmdaáætlunar að upphæð 47 milljónir króna og vísar honum til staðfestingar í bæjarstjórn.

Sóley Björk Stefánsdóttir V-lista situr hjá við afgreiðslu.

Meirihluti bæjarstjórnar staðfestir ákvörðun bæjarráðs.

Sóley Björk Stefánsdóttir V-lista situr hjá við afgreiðslu málsins.

Meirihluti bæjarráðs samþykkir framlagðan viðauka að upphæð 7,5 milljónir króna og vísar honum til staðfestingar í bæjarstjórn.

Sóley Björk Stefánsdóttir V-lista situr hjá við afgreiðslu.

Meirihluti bæjarstjórnar staðfestir ákvörðun bæjarráðs.

Sóley Björk Stefánsdóttir V-lista situr hjá við afgreiðslu málsins.

Bæjarráð samþykkir framlagðan viðauka að upphæð 12,7 milljónir króna og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 11 samhljóða atkvæðum.

Bæjarráð samþykkir framlagðan viðauka með 5 samhljóða atkvæðum og vísar honum til staðfestingar í bæjarstjórn.

Bæjarstjórn staðfestir ákvörðun bæjarráðs með 11 samhljóða atkvæðum.

Bæjarstjórn samþykkir viðaukann 11 samhljóða atkvæðum.