Sérstakur húsnæðisstuðningur - skilyrði og tekjumörk

Skilyrði fyrir samþykki umsóknar:

Eftirfarandi eru skilyrði fyrir því að umsókn um sérstakan húsnæðisstuðning teljist gild og verði tekin til afgreiðslu:

  1. Að umsækjandi hafi fengið samþykkta umsókn um húsnæðisbætur frá Húsnæðis- og mannvirkjastofnun.
  2. Að umsækjandi sé orðinn 18 ára á umsóknardegi og eigi lögheimili í sveitarfélaginu þegar sótt er um.
  3. gildur húsaleigusamningur sé fyrir hendi um íbúðarhúsnæði í sveitarfélaginu.
  4. félagsleg staða umsækjanda sé metin. Að öllu jöfnu skal miða við að umsækjandi fái 6 stig, þar af að lágmarki 2 stig hvað varðar félagslegar aðstæður. Sjá matsviðmiðin sem notuð eru.
  5. Að samanlagðar tekjur umsækjanda og annarra heimilismanna, 18. ára og eldri, séu undir tekjumörkum sbr. töfluna hér fyrir neðan.
  6. Að samanlagðar eignir umsækjanda og annarra heimilismanna, 18 ára og eldri, að frádregnum skuldum séu ekki hærri fjárhæð en 7.747.666 kr. í lok síðastliðins árs samkvæmt skattframtali.

Tekjumörk

Í töflunni hér fyrir neðan sjást neðri og efri tekjumörk miðað við fjölda heimilismanna.

Fjöldi heimilismanna Neðri tekjumörk á mánuði Efri tekjumörk á mánuði
  Stuðningur byrjar að skerðast þegar mánaðartekjur ná kr.: Stuðningur fellur niður þegar mánaðartekjur ná kr.:
1 434.782 543.477
2 575.033 718.793
3 673.210 841.513
4 eða fleiri 729.310 911.637

 

Að auki gilda eftirfarandi atriði:

  • Húsnæðisbætur og sérstakur húsnæðisstuðningur geta samanlagt aldrei numið hærri fjárhæð en 100.000 kr.
  • Ef leigan að teknu tilliti til húsnæðisbóta er undir 60.000 kr. á mánuði er sérstakur húsnæðisstuðningur ekki greiddur.
  • Almennur húsnæðisstuðningur og sérstakur húsnæðisstuðningur samtals getur aldrei farið yfir 75% af leigu vegna viðkomandi íbúðarhúsnæðis.
  • Sérstakur húsnæðisstuðningur er reiknaður sem ákveðið hlutfall af húsnæðisstuðningi HMS þannig að fyrir hverjar 1.000 kr.- frá HMS fær leigjandi greiddar 1.000 kr.- í sérstakan húsnæðisstuðning frá Akureyrarbæ.
Síðast uppfært 04. febrúar 2025