Atvinnuhúsnæði - lausar lóðir

Hér eru upplýsingar um lausar atvinnuhúsalóðir. Sótt er um í þjónustugátt Akureyrarbæjar. Hægt er að skoða allar lausar lóðir á kortavef. 

Týsnes

Tólf lóðir við Týsnes eru lausar til úthlutunar. Þetta er nýtt hverfi fyrir athafnastarfsemi. Það er svæði fyrir atvinnustarfsemi þar sem lítil hætta er á mengun, t.d. léttur iðnaður, hreinleg verkstæði, bílasölur og umboðs- og heildverslanir. Einnig getur verið þarna atvinnustarfsemi sem þarfnast mikils rýmis, t.d. vinnusvæði utandyra eða starfsemi sem hefur í för með sér þungaflutninga, svo sem vörugeymslur og matvælaiðnaður.

Lóðirnar eru vel staðsettar í námunda við bæjarmörkin norðan megin, í næsta nágrenni við útivistarsvæðið í Krossanesborgum og er frábært útsýni út Eyjafjörð.

Goðanes / Baldursnes

Tvær atvinnuhúsalóðir á þessu svæði eru lausar til úthlutunar. Lóðirnar eru fyrir athafnastarfsemi. Það er svæði fyrir atvinnustarfsemi þar sem lítil hætta er á mengun, t.d. léttur iðnaður, hreinleg verkstæði, bílasölur og umboðs- og heildverslanir. Einnig getur verið þarna atvinnustarfsemi sem þarfnast mikils rýmis, t.d. vinnusvæði utandyra eða starfsemi sem hefur í för með sér þungaflutninga, svo sem vörugeymslur og matvælaiðnaður.

Nesjahverfið hóf að byggjast upp í kringum aldamótin og er nú orðið vel þekkt meðal Akureyringa og gesta sem sækja þangað ýmsa þjónustu. Í næsta nágrenni við Goðanes er Njarðarnes, Freyjunes og Baldursnes þar sem er fjölbreytt atvinnustarfsemi.

Gagnlegar upplýsingar 

Gjaldskrár

Almennir byggingarskilmálar