Forvarnir 13-15 ára

Unglingsárin er tími breytinga sem hafa áhrif á sjálfsímynd. Unglingurinn prófar sig áfram í ýmsum hlutverkum. Sjálfsmyndin er í mótun og hegðun og hugsun litast af því. Viðhorf jafnaldra vega þyngst en mikilvægi foreldra, nærvera og eftirlit skiptir ekki síður máli. Umræða og fræðsla um kynheilbrigði og kynhegðun skiptir sköpum um viðhorf þeirra til kynlífs og virðingu fyrir sjálfum sér og öðrum.

Skapa þarf unglingum tækifæri til að styrkja félagslega stöðu sína og færni í öruggu umhverfi. Samvinna heimili, skóla, félagsmiðstöðva, íþrótta- og æskulýðsfélaga og annarra stofnanna í nærumhverfi unglingsins er nauðsynleg.