Stígakerfi Akureyrar - rammaskipulag

Skipulagsráð samþykkir að hafin verði vinna við rammaskipulag stíga á Akureyri.

Kynnt var staða verkefnisins.

Skipulagsráð leggur til við bæjarstjórn að lýsingin verði samþykkt og skipulagssviði falið að kynna hana samkvæmt 2. mgr. 30. gr. skipulagslaga.

Bæjarstjórn samþykkir tillögu skipulagsráðs með 11 samhljóða atkvæðum.

Skipulagsráð vísar fyrirliggjandi athugasemdum og ábendingum í áframhaldandi vinnu við gerð aðalskipulagsbreytingarinnar.

Skipulagsráð þakkar Arnari fyrir kynninguna.

Umhverfis- og mannvirkjaráð þakkar Arnari fyrir kynninguna.

Umræður. Skipulagsráð frestar málinu milli funda.

Skipulagsráð þakkar fyrir kynninguna. Skipulagsráð frestar afgreiðslu milli funda.

Umhverfis- og mannvirkjaráð þakkar kynninguna.

Skipulagsráð samþykkir að fela sviðsstjóra skipulagssviðs að kynna tillöguna skv. 2. mgr. 30. gr. skipulagslaga nr. 123/2010.

Frístundaráð fagnar framkomnum tillögum að breytingum á stígakerfi Akureyrarbæjar. Ráðið vill sérstaklega taka undir þau markmið sem þar koma fram um að auka hlutfall samgönguferða hjólandi og gangandi með bættri aðstöðu. Fjölgun slíkra ferða fellur vel að markmiðum Akureyrarbæjar um að vera heilsueflandi samfélag og dregur úr svifryksmengun. Þá tekur ráðið undir það að mikilvægt sé áfram að bjóða upp á aðlaðandi umhverfi til útivistar allan ársins hring enda er aðstaðan vel nýtt af bæjarbúum.

Um leið gerir frístundaráð athugasemd við að útivistarslóðir séu ekki sýndar á uppdrætti á breytingum, heldur einungis á mynd á bls. 31 í greinargerð. Þetta gæti orðið villandi fyrir bæjarbúa sem telja þá e.t.v. að umferð gangandi sé bönnuð um gömlu brýrnar og stíg í gegnum golfvallarsvæðið. Þá má líka velta fyrir sér hvort leiðin yfir gömlu brýrnar ætti ekki að flokkast sem stígur frekar en slóð.


Helgi Rúnar Bragason áheyrnarfulltrúi ÍBA lagði fram eftirfarandi bókun:

ÍBA fagnar þeirri metnaðarfullu vinnu sem lögð hefur verið fram um nýtt stígakerfi á Akureyri. Skipulagið er vel til þess fallið að efla enn frekar almenningsíþróttir á Akureyri þar sem komið er til móts við gangandi, hlaupandi og hjólandi vegfarendur.

Öldungaráð fagnar því að verið sé að gera breytingar á aðalskipulagi stígakerfis en leggur áherslu á aðskilnað gangandi og hjólandi vegfarenda á stígunum og betri merkingar. Að öðru leyti tekur ráðið undir bókun frístundaráðs.

Skipulagsráð felur sviðsstjóra skipulagssviðs að vinna umsögn um fyrirliggjandi athugasemdir og ábendingar í samráði við skipulagsráðgjafa.

Skipulagsráð frestar afgreiðslu málsins.

Skipulagsráð gerir ekki athugasemd við tillögu að svörum og felur sviðsstjóra skipulagssviðs að birta svörin ásamt athugasemdum og umsögnum á heimasíðu Akureyrarbæjar.

Meirihluti skipulagsráðs leggur til við bæjarstjórn að tillagan með minniháttar lagfæringum verði auglýst skv. 1. mgr. 31. gr. skipulagslaga nr. 123/2010.

Þórhallur Jónsson D-lista sat hjá en óskar bókað að hann telji að ekki sé æskilegt að leggja stofnstíg hjólreiða í gegnum miðbæ Akureyrar, eins og ráðgert er í Skipagötu, vegna hættu sem skapast getur fyrir gangandi vegfarendur. Frekar ætti að horfa til þess að hafa blandaða umferð líkt og í göngugötunni sem er vistgata með 10 km hámarkshraða. Æskilegra sé að á þessu svæði liggi stofnstígur samsíða Glerárgötu, aðalumferðargötunni í gegnum bæinn.

Meirihluti bæjarstjórnar samþykkir að tillaga að breytingu á aðalskipulagi Akureyrar 2018-2030 sem varðar nýtt stígakerfi innan sveitarfélagsins verði auglýst skv. 1. mgr. 31. gr. skipulagslaga nr. 123/2010.

Sóley Björk Stefánsdóttir V-lista situr hjá við afgreiðsluna.

Eva Hrund Einarsdóttir D-lista, Gunnar Gíslason D-lista og Þórhallur Jónsson D-lista leggja fram eftirfarandi bókun:

Við leggjum ríka áherslu á að öryggi barna sé tryggt og að snjómokstur við skólana verði í forgangi til jafns við stofnstíga. Nú þegar umferð gangandi og hjólandi vegfarenda er að aukast þá leggjum við til að hægri umferð verði tekin upp og auglýst bæjarbúum í stað þess að skipta blönduðum stígum upp fyrir hjólandi og gangandi umferð með merkingum.

Frístundaráð gerir ekki athugasemdir en fagnar því að fram sé komið heildarskipulag á stígakerfi bæjarins.

Ungmennaráð lýsir yfir ánægju með skipulagið þar sem stígar eru vel skilgreindir og tekið er tillit til allra notendahópa. Ráðið gerir engar athugasemdir.

Skipulagsráð frestar afgreiðslu og felur sviðsstjóra skipulagssviðs að útbúa drög að viðbrögðum við efni athugasemda og umsagna.

Skipulagsráð leggur til við bæjarstjórn að tillagan verði samþykkt með minniháttar breytingum til að koma til móts við innkomnar athugasemdir og umsagnir. Jafnframt að tillaga að umsögn við athugasemdum verði samþykkt en þar er greint frá þeim breytingum sem gerðar verða á skipulagsgögnum.

Eva Hrund Einarsdóttir, Gunnar Gíslason og Þórhallur Jónsson D-lista óska bókað að þau telji að lega stofnstígs hjólreiða í Skipagötu sé ekki æskileg og betra væri að honum verði fundinn annar staður. Það er mat okkar að slíkur stígur á þessum stað gæti valdið slysahættu þar sem um verslunargötu er að ræða.


Guðmundur Baldvin Guðmundsson B-lista, Halla Björk Reynisdóttir L-lista, Heimir Haraldsson S-lista, Hilda Jana Gísladóttir S-lista, Hlynur Jóhannsson M-lista, Ingibjörg Ólöf Isaksen B-lista og Sóley Björk Stefánsdóttir V-lista leggja fram eftirfarandi bókun:

Í því miðbæjarskipulagi sem nú er til endurskoðunar skiptir miklu máli að skapa svigrúm fyrir fjölbreytta vegfarendur: gangandi, hjólandi og akandi. Umræddur hjólastígur er við hliðina á umferðargötu og erfitt að sjá hvernig umferð hjólandi sé hættulegri en bílar við þessa sömu verslunargötu.


Bæjarstjórn samþykkir með 11 samhljóða atkvæðum tillögu skipulagsráðs að breytingu á aðalskipulagi Akureyrar 2018-2030 sem varðar nýtt stígakerfi innan sveitarfélagsins. Jafnframt samþykkir bæjarstjórn tillögu að umsögn vegna innkominna athugasemda.