Skipulagsráð

Lögð fram umsókn Landsnets hf. dagsett 12. júní 2020 þar sem óskað er eftir framkvæmdaleyfi fyrir lagningu Hólasandslínu 3 í tveimur jarðstrengjum. Liggur strengleiðin frá Rangárvöllum, suður yfir Glerárgil á strengja- og útivistarbrú, þaðan ofan hesthúsahverfisins í Breiðholti, gegnum Naustaflóa, í norðurjaðri Kjarnaskógar og suður fyrir flugbrautarenda. Yfir óshólma Eyjafjarðarár liggur strengleiðin samhliða nýjum reiðstíg og gamla leiruveginum. Þegar komið er yfir miðkvísl Eyjafjarðarár er strenglögnin komin úr umdæmi Akureyrarbæjar. Hluti þessara framkvæmda er þegar hafinn, með lagningu ídráttarröra í vesturkvísl Eyjafjarðarár samhliða nýrri útivistarbrú Akureyrarbæjar.

Fyrir liggur álit Skipulagsstofnunar um mat á umhverfisáhrifum framkvæmdarinnar dagsett 19. september 2019.

Lögð fram drög að svörum við athugasemdum og ábendingum sem bárust eftir kynningu á tillögu að breytingu á aðalskipulagi 2018-2030 sem varðar nýtt stígakerfi innan sveitarfélagsins.

Lögð fram endurskoðuð tillaga að deiliskipulagi fyrir Holtahverfi norður, svæði sem í aðalskipulagi er merkt sem ÍB17, ÍB18 og VÞ17. Samkvæmt tillögunni eru afmörkuð fjögur ný uppbyggingarsvæði fyrir íbúðir auk einnar nýrrar lóðar fyrir verslun- og þjónustu.

Lögð fram tillaga að breytingu á deiliskipulagi 3. áfanga deiliskipulags Hálanda. Í breytingunni felst að skipulagssvæðið stækkar til vesturs að skipulagsmörkum 2. áfanga orlofshúsabyggðarinnar og þar gert ráð fyrir 11 nýjum lóðum fyrir orlofshús.

Erindi dagsett þann 9. júní 2020 þar sem óskað er eftir stækkun á lóð við hús nr. 20 við Hamragerði um a.m.k. 6 metra til austurs.

Erindi dagsett 8. júní 2020 þar sem sótt er um byggingarleyfi fyrir 27 m² viðbyggingu við bílskúr á lóð við hús nr. 20 við Hamragerði. Meðfylgjandi eru teikningar sem sýna fyrirhugaða stækkun.

Erindi Magnúsar Vals Benediktssonar dagsett 12. júní 2020 þar sem óskað er eftir leyfi til byggingar á bílgeymslu norðan við íbúðarhús að Byggðavegi 152 í samræmi við meðfylgjandi teikningu.

Erindi Ágústar Hafsteinssonar arkitekts dagsett 18. júní 2020, f.h. umhverfis- og mannvirkjasviðs Akureyrarbæjar, þar sem óskað er eftir leyfi til að fjölga íbúðum á efri hæð Glerárholts úr einni í tvær þannig að í húsinu verði þrjár íbúðir.

Lagt fram erindi Þrastar Sigurðssonar hjá Opus ehf. dagsett 5. júní 2020, f.h. eiganda Kaldbaksgötu 4. Er óskað eftir því að deiliskipulagi lóðarinnar verði breytt á þann veg að heimilt verði að byggja allt að 500 m² viðbyggingu á einni hæð í samræmi við meðfylgjandi uppdrátt.

Lagt fram erindi Tómasar Bjarkasonar Lind og Bríetar Tinnu Temara þar sem sett er fram hugmynd um að útbúa svæði fyrir dýrabjörgun á túninu neðan við samkomuhúsið.

Lagt fram erindi Íslandsréttar ehf. dagsett 18. júní 2020, f.h. eigenda Norðurgötu 3, þar sem óskað er eftir að Akureyrarbær falli frá byggingarskyldu núverandi eigenda.

Lögð fram til umræðu drög sviðsstjóra skipulagssviðs að starfsáætlun fyrir árið 2021

Lögð fram til kynningar fundargerð 770. fundar, dagsett 28. maí 2020, með fullnaðarafgreiðslum erinda. Fundargerðin er í 10 liðum og er að finna á heimasíðu Akureyrarbæjar.

Lögð fram til kynningar fundargerð 771. fundar, dagsett 5. júní 2020, með fullnaðarafgreiðslum erinda. Fundargerðin er í 19 liðum og er að finna á heimasíðu Akureyrarbæjar.