Skipulagsráð

Lögð fram að lokinni auglýsingu skv. 1. mgr. 31. gr. skipulagslaga nr. 123/2010 tillaga að breytingu á aðalskipulagi Akureyrar 2018-2030 sem varðar nýtt stígakerfi innan sveitarfélagsins ásamt innkomnum athugasemdum og umsögnum. Þá er lögð fram tillaga að viðbrögðum við efni athugasemda og umsagna. Er þar gert ráð fyrir að gerðar verði nokkrar breytingar á skipulagstillögunni til að koma til móts við efni athugasemda og umsagna.

Lagðar fram til kynningar umsagnir sem bárust við kynningu á lýsingu aðalskipulagsbreytingar sem felst í að breyta landnotkun "tjaldsvæðisreitar" við Þórunnarstræti í miðsvæði. Bárust umsagnir frá hverfisnefnd Brekku og Innbæjar, Minjastofnun, Norðurorku og Skipulagsstofnun. Þá er jafnframt lagður fram tölvupóstur frá Skipulagsstofnun frá 19. nóvember 2020 varðandi skipulag heilsugæslustöðvar við Skarðshlíð.

Lögð fram endurskoðuð tillaga að breytingu á aðalskipulagi sem felur í sér breytingu á hluta athafnasvæðis á Oddeyri í íbúðarsvæði til að koma til móts við athugasemdir sem fram koma í bréfi Skipulagsstofnunar dagsett 22. október 2020.

Lagðar fram tillögur að breytingu á útfærslu deiliskipulags fyrir nyrsta hluta Holtahverfis.

Lögð fram að nýju að lokinni auglýsingu, tillaga að deiliskipulagi sem nær til lóðarinnar Glerárgötu 36. Var tillagan auglýst skv. 1. mgr. 41. gr. skipulagslaga nr. 123/2010 þann 24. júní 2020 með athugasemdafresti til 5. ágúst. Bárust þrjú athugasemdabréf auk umsagna frá Vegagerðinni, Minjastofnun, Norðurorku, hverfisnefnd Oddeyrar, ungmennaráði og öldungaráði. Þá er lögð fram tillaga sviðsstjóra skipulagssviðs að umsögn um innkomnar athugasemdir og umsagnir. Deiliskipulagstillagan er lögð fram með þeirri breytingu að gert er ráð fyrir að lóðinni Glerárgötu 36 sé skipt í tvær sjálfstæðar lóðir auk minniháttar breytinga í greinargerð.

Fyrir liggur samkomulag við lóðarhafa um skiptingu lóðarinnar.

Lögð fram að nýju að lokinni auglýsingu, tillaga að breytingu á deiliskipulagi miðbæjar Akureyrar sem nær til lóðarinnar Gilsbakkavegur 15 og svæðis sunnan við hana. Í breytingunni felst að gert er ráð fyrir stækkun núverandi húss til suðausturs sem felur í sér að lóðin stækkar um 39 m² auk þess sem færa þarf Gilsbakkaveg og bílastæði sem við hann liggja. Er gert ráð fyrir að húsið stækki um allt að 100 m² að grunnfleti og viðbyggingin geti verið á tveimur hæðum og risi. Tillagan var auglýst skv. 1. mgr. 41. gr. skipulagslaga nr. 123/2010 þann 18. júní 2020 með athugasemdafresti til 22. júlí. Eitt athugasemdabréf barst.

Lögð fram tillaga að breytingu á deiliskipulagi Miðbæjar Akureyrar sem nær til lóðarinnar Kaupvangsstrætis 16 í samræmi við bókun skipulagsráðs frá 1. apríl 2020. Í breytingunni felst að heimilt verði að bæta hæð ofan á núverandi hús, sem nýtt verður fyrir hótelgistingu, með hámarkshæð upp á 14,5 m. Nýtingarhlutfall hækkar úr 1,111 í 1,375 og heimilt verður að setja svalir sem geta náð 1,8 m út fyrir byggingarreit.

Lögð fram til kynningar að nýju drög að umhverfis- og loftslagsstefnu Akureyrarbæjar sem kemur kemur í stað núverandi umhverfis- og samgöngustefnu.

Erindi dagsett 13. nóvember 2020 þar sem Skipulagsstofnun óskar eftir umsögn um tillögu að viðauka við Landsskipulagsstefnu 2015-2026. Frestur til að gera athugasemdir er til 8. janúar 2021.

Lagt fram að nýju erindi dagsett 15. október 2020 þar sem Teitur Björgvinsson leggur inn fyrirspurn varðandi byggingu bílgeymslu við hús nr. 11 við Austurveg. Liggur nú fyrir samþykki lóðarhafa aðliggjandi lóðar.

Fyrirspurn dagsett 9. nóvember 2020 þar sem Karen Sigurbjörnsdóttir kannar þéttingarmöguleika við Brálund. Meðfylgjandi er greinargerð.

Erindi dagsett 14. nóvember 2020 þar sem Akurberg ehf. sækir um lóð nr. 5 við Goðanes. Meðfylgjandi eru yfirlýsing viðskiptabanka.

Erindi dagsett 9. nóvember 2020 þar sem BF Byggingar ehf. sækja um lóð nr. 29 við Sómatún. Meðfylgjandi er yfirlýsing viðskiptabanka. Umsækjandi fyrirhugar að sækja um breytt deiliskipulag lóðarinnar til að fá að byggja fjögurra íbúða hús.

Erindi Íþróttafélagsins Þórs dagsett 19. nóvember 2020 þar sem sótt er um leyfi til að setja upp auglýsingaskjá á vesturstafn Bogans.

Erindi dagsett 10. nóvember 2020 þar sem Eik rekstrarfélag ehf. óskar eftir rökstuðningi vegna ákvörðunar skipulagsráðs að hafna beiðni um stækkun skiltis á lóð nr. 1 við Gleráreyrar, Glerártorg.

Lagt fram til kynningar erindi dagsett 18. nóvember 2020 frá umhverfis- og samgöngunefnd Alþingis þar sem óskað er umsagnar um frumvarp til laga um breytingu á skipulagslögum, nr. 123/2010 (uppbygging innviða og íbúðarhúsnæðis), 275. mál 2020. Þess er óskað að undirrituð umsögn berist eigi síðar en 2. desember nk. á netfangið nefndasvid@althingi.is. Þingskjalið er hægt að sækja á vef Alþingis: https://www.althingi.is/altext/151/s/00307.html

Lögð fram til kynningar fundargerð 789. fundar, dagsett 5. nóvember 2020, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

Lögð fram til kynningar fundargerð 790. fundar, dagsett 12. nóvember 2020, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

Lögð fram til kynningar fundargerð 791. fundar, dagsett 19. nóvember 2020, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.