Yfirlit frétta

Alþjóðlega stuttmyndahátíðin Northern Lights - Fantastic Film Festival verður haldin í annað sinn á Akureyri dagana 31. október - 3. nóvember næstkomandi.

Haustfrí verða í flestum grunnskólum Akureyrar eftir helgina.

Miklar og ófyrirséðar tafir hafa orðið á vinnu við nýjar kirkjutröppur á Akureyri en nú er fátt sem getur komið í veg fyrir að framkvæmdum ljúki fyrir árslok.

Nemendur í Hlíðarskóla fóru af stað með áheitasöfnun í vor með von um að geta bætt útisvæðið við skólann.

Svæðisbundið samráð um varnir gegn ofbeldi og öðrum afbrotum á Norðurlandi eystra var formfest í gær undir merkjum Öruggara Norðurland eystra.

Mikil aðsókn var að Upplýsingamiðstöðinni í Hofi í sumar. Farþegar skemmtiferðaskipa voru drjúgur hluti þeirra sem þangað sóttu en lausaumferð fólks sem ferðast um landið á eigin vegum, hvort heldur sem er á eigin bílum, bílaleigubílum, hjólum eða jafnvel gangandi, var einnig töluverð. Að sögn Nönnu Lindar, sem unnið hefur í Upplýsingamiðstöðinni síðustu þrjú sumur, hafa komur skemmtiferðaskipa verið betur skipulagðar en oft áður. Nú koma gjarnan færri skip sama daginn og þá gefst tækifæri til að veita betri þjónustu.

Bæjarráð hefur heimild til fullnaðarafgreiðslu mála í júlí og ágúst 2024 sbr. bókun í 1. lið fundargerðar bæjarstjórnar 18. júní sl. Bæjarráð samþykkir með fjórum atkvæðum að breyting á aðalskipulagi sem nær til lóða við Austursíðu 2, 4 og 6 verði auglýst skv. 1. mgr. 31. gr. skipulagslaga nr. 123/2010. Hilda Jana Gísladóttir S-lista situr hjá.

Bæjarstjórn Akureyrarbæjar kemur saman til fundar þriðjudaginn 15. október næstkomandi kl. 16.