Yfirlit frétta

Fjárhagsáætlun Akureyrarbæjar fyrir árið 2025 var lögð fram á fundi bæjarstjórnar sem haldinn var í Hrísey í dag. Rekstrarafkoma A- og B-hluta er áætluð jákvæð um 1.414 milljónir króna eftir fjármagnsliði og tekjuskatt. Jafnframt var lögð fram þriggja ára áætlun áranna 2026-2028.

Frestur til að senda inn texta í Ritlistakeppni Ungskálda rennur út á fimmtudaginn 31. október.  Ungskáld er verkefni á Akureyri sem hefur það að markmiði að efla ritlist og skapandi hugsun hjá ungu fólki á aldrinum 16-25 ára. Verkefnið hófst árið 2013 og er það eina sinnar tegundar á landinu.

Vídeódanshátíðin Boreal Screendance Festival fer fram í fimmta sinn dagana 1.-13. nóvember nk. Hátíðin leggur undir sig Listagilið á Akureyri þessar tæpu tvær vikur en sýningarstaðir eru Ketilhús Listasafnsins á Akureyri, Mjólkurbúðin og Deiglan. Herlegheitin hefjast næsta föstudag með setningarathöfn og fyrstu sýningum, auk innsetninga í Ketilhúsi Listasafnsins á Akureyri.

Framkvæmdir við innilaug Sundlaugar Akureyrar hófust í dag.

Velferðarráð Akureyrarbæjar úthlutar styrkjum til starfsemi og þjónustu, sem fellur að hlutverkum þess, einu sinni á ári.

Bæjarstjórn Akureyrarbæjar kemur saman til fundar þriðjudaginn 29. október næstkomandi kl. 16.

Mikill gestagangur hefur verið á tjaldsvæðinu á Hömrum í haust.

Víðtæk bilun var í símkerfi Akureyrarbæjar í morgun en það er nú komið í lag.