Skipulagsráð

Meirihluti skipulagsráðs gerir ekki athugasemd við lýsinguna. Ráðið leggur til við bæjarstjórn að hún samþykki lýsinguna og að hún verði kynnt skv. 1. mgr. 30. gr. skipulagslaga nr. 123/2010.


Helgi Sveinbjörn Jóhannsson M-lista situr hjá við afgreiðslu málsins.

Skipulagsráð frestar afgreiðslu og felur skipulagsfulltrúa að vinna málið áfram í samvinnu við umsækjanda. Að mati ráðsins er nauðsynlegt að sjá nánari tillögu að útfærslu fyrirhugaðrar uppbyggingar áður en ákvörðun verður tekin um framhald málsins. Í þeirri tillögu þarf að gera grein fyrir hvernig koma má til móts við þær athugasemdir sem bárust við kynningu lýsingar.

Skipulagsráð samþykkir að fela skipulagsfulltrúa að kynna drög að tillögu að breytingu á aðalskipulagi skv. 2. mgr. 30. gr. skipulagslaga nr. 123/2010.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð leggur til við bæjarstjórn að tillaga að breytingu á aðalskipulagi svæðisins verði auglýst með fyrirvara um lagfæringar á texta um hæðir húsa skv. 1. mgr. 31. gr. skipulagslaga nr. 123/2010.

Skipulagsráð frestar afgreiðslu og felur skipulagsfulltrúa að boða umsækjanda á næsta fund skipulagsráðs.

Skipulagsráð samþykkir að fyrirliggjandi drög að deiliskipulagi verði kynnt skv. 4. mgr. 40. gr. skipulagslaga nr. 123/2010 samhliða kynningu á breytingu á aðalskipulagi skv. 2. mgr. 30. gr. skipulagslaga, með fyrirvara um minniháttar lagfæringar í samráði við skipulagsfulltrúa. Þarf sérstaklega að huga að umbótum á aðgengi gangandi og hjólandi um lóð Glerártorgs.

Skipulagsráð samþykkir að gera breytingu á deiliskipulagi Hjúkrunarheimilisins Hlíðar til samræmis við fyrirliggjandi tillögu að skiptingu lóðarinnar. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og er ekki talin þörf á grenndarkynningu þar sem eingöngu er verið að breyta lóðarmörkum.

Skipulagsráð frestar erindinu og felur skipulagsfulltrúa að ræða við landeigendur um fyrirhugaðar breytingar.

Skipulagsráð samþykkir fyrirliggjandi tillögu að breytingu á deiliskipulagi með lóðarstækkun til samræmis við aðliggjandi lóðir. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og samþykkir að hún verði grenndarkynnt fyrir lóðarhöfum Aðalstrætis 15 auk þess sem leitað verði umsagnar Norðurorku og umhverfis- og mannvirkjasviðs. Er samþykktin með fyrirvara um samþykki meðeigenda.

Skipulagsráð hafnar því að stækka lóðina þannig að koma megi fyrir bílastæðum á svæði suðaustan við núverandi lóð með aðkomu frá Höfðahlíð.

Lóðin er á svæði sem í aðalskipulagi er skilgreint sem íbúðarsvæði og kemur fram í greinargerð aðalskipulagsins að þar skuli fyrst og fremst gera ráð fyrir íbúðarhúsnæði en að þar megi einnig vera starfsemi sem eðlilegt er að þar sé til þjónustu við íbúa viðkomandi hverfis og muni ekki valda óþægindum vegna mengunar eða umferðar, svo sem verslunum, þjónustustarfsemi, leiksvæðum og hreinlegum iðnaði. Að mati skipulagsráðs samræmist starfsemi bókaverslunar ákvæðum aðalskipulagsins en forsenda leyfisveitingar er að gerð verði breyting á deiliskipulagi svæðisins. Skipulagsráð bendir á að ef nýta á húsnæðið í atvinnustarfsemi þarf að huga sérstaklega að aðgengismálum.

Skipulagsráð samþykkir að grenndarkynna áformin skv. 44. gr skipulagslaga 123/2010. Grenndarkynnt skal fyrir lóðarhöfum Bröttuhlíðar 5 þegar fullnægjandi gögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð samþykkir að gerð verði breyting á deiliskipulagi sem felur í sér að núverandi hús verði rifið og endurbyggt sunnar á lóðinni sbr. umsögn Minjastofnunar Íslands. Er ekki fallist á breytingu á nýtingarhlutfalli lóðarinnar. Er breytingin óveruleg skv. 2. mgr. 43. gr. skipulagslaga nr. 123/2010 og er ekki talin þörf á grenndarkynningu þar sem fyrir liggur að eigendur þeirra húsa sem hefðu átt að fá kynninguna hafa þegar lýst yfir með undirskrift sinni að þeir gera ekki athugasemd við fyrirhugaða breytingu. Leita þarf umsagnar Minjastofnunar Íslands um breytinguna.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Að mati skipulagsráðs samræmist tillagan ekki gildandi deiliskipulagi og er ekki samþykkt að gerð verði breyting á því til samræmis við fyrirliggjandi gögn.

Skipulagsráð tekur jákvætt í erindið og samþykkir að heimila umsækjanda að leggja fram tillögu að breytingu á deiliskipulagi í samráði við Norðurorku, sem felst í að afmarkaðar eru lóðir fyrir núverandi spennistöð og fyrirhugað mastur. Að mati ráðsins er breytingin óveruleg skv. 2. mgr. 43. gr. skipulagslaga nr. 123/2010 og skal hún grenndarkynnt fyrir lóðarhöfum á svæðinu auk þess sem leitað verður umsagnar Hestamannafélagsins Léttis og Isavia.

Skipulagsráð frestar afgreiðslu og felur skipulagsfulltrúa að ræða málið við umsækjanda og Slökkvilið Akureyrar.

Skipulagsráð samþykkir fyrirhugaða framkvæmd og telur ekki þörf á framkvæmdaleyfi fyrir framkvæmdinni enda er hún í samræmi við gildandi deiliskipulag.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð vísar málinu til skoðunar hjá umhverfis- og mannvirkjasviði.

Skipulagsráð frestar afgreiðslu og felur skipulagsfulltrúa að vinna drög að samningi um úthlutun lóðarinnar og leggja aftur fyrir ráðið. Skipulagsráð telur jafnframt afar mikilvægt að sett verði í skilmála við lóðarúthlutun að umgengni á lóðinni skuli vera til fyrirmyndar og að á henni séu alls ekki tæki eða tól sem ekki tengjast sílói eða hafnarvog og að það verði tilgreint nákvæmlega hvaða tæki/tól það eru sem samræmast þeirri starfsemi. Einnig verði tilgreint nákvæmlega hvernig eigi að framfylgja þeim kvöðum og hver viðurlögin eru.