Gleráreyrar 6-8 - umsókn um skipulag

Ingólfur Freyr Guðmundsson og Andrea Sif Hilmarsdóttir frá Kollgátu kynntu, f.h. Eikar fasteignafélags, hugmyndir að uppbyggingu á lóðum 2-8 við Gleráreyrar og svæðis vestan þeirra. Fela þessar hugmyndir bæði í sér breytingu á aðal- og deiliskipulagi svæðisins.

Lögð fram tillaga að lýsingu aðalskipulagsbreytingar til samræmis við bókun skipulagsráðs 24. apríl 2024. Í breytingunni felst að svæði sem afmarkast af Borgarbraut, Glerárgötu, Þórunnarstræti, Byggðavegi og Klettaborg breytist í miðsvæði með heimild fyrir 100-150 íbúðir.

Liður 1 í fundargerð skipulagsráðs dagsettri 29. maí 2024:

Lögð fram tillaga að lýsingu aðalskipulagsbreytingar til samræmis við bókun skipulagsráðs 24. apríl 2024. Í breytingunni felst að svæði sem afmarkast af Borgarbraut, Glerárgötu, Þórunnarstræti, Byggðavegi og Klettaborg breytist í miðsvæði með heimild fyrir 100-150 íbúðir.

Skipulagsráð gerir ekki athugasemd við lýsinguna. Ráðið leggur til við bæjarstjórn að hún samþykki lýsinguna og að hún verði kynnt skv. 1. mgr. 30. gr. skipulagslaga nr. 123/2010.

Þórhallur Jónsson kynnti.

Auglýsingu á skipulagslýsingu fyrir aðalskipulagsbreytingu við Gleráreyrar lauk 4. júlí sl. Umsagnir bárust frá Skipulagsstofnun, Norðurorku og Minjastofnun Íslands auk þess sem ein athugasemd barst.


Drög að vinnslutillögu breytingar á aðalskipulagi eru lögð fram.

Lögð fram drög að breytingu á deiliskipulagi verksmiðjusvæðis á Gleráreyrum sem nær til lóða við Gleráreyrar 2-8 auk hluta af bílastæði sunnan við Glerártorg. Er breytingin til samræmis við tillögu að breytingu á aðalskipulagi fyrir svæðið sem er nú í vinnslu. Í breytingunni felst að gert er ráð fyrir byggingu 5 fjölbýlishúsa á 6-9 hæðum fyrir allt að 120 íbúðir auk endurskipulagningar á bílastæðum við Glerártorg. Er miðað við að það verði atvinnustarfsemi á 1-2 hæð húsa en íbúðir á efri hæðum.

Kynningu aðalskipulagstillögu á vinnslustigi skv. 2. mgr. 30. gr. skipulagslaga nr. 123/2010 er lokið og bárust hvorki athugasemdir né umsagnir við tillöguna á auglýsingatímanum. Í breytingunni felst að á svæði sem afmarkast af götunum, Borgarbraut, Glerárgötu, Þórunnarstræti, Byggðavegi og Klettaborg er landnotkun breytt í miðsvæði þar sem auk uppbyggingar verslunar- og þjónustu verður heimilt að byggja allt að 250 íbúðir. Þá er einnig gert ráð fyrir jöfnunarstöð strætó á svæði milli Borgarbrautar og Glerár á um 0,2 ha svæði.