Krossaneshöfn - fyrirspurn vegna lóðar fyrir síló og hafnarvog

Erindi dagsett 2. mars 2022 þar sem Margrét Konráðsdóttir fyrir hönd Skútabergs ehf. leggur inn fyrirspurn varðandi lóð fyrir þrjú síló og hafnarvog við Krossaneshöfn.

Meðfylgjandi eru skýringarmyndir.

Lagt fram að nýju erindi dagsett 2. mars 2022 þar sem Margrét Konráðsdóttir f.h. Skútabergs ehf. leggur inn fyrirspurn varðandi lóð fyrir þrjú síló og hafnarvog við Krossaneshöfn. Meðfylgjandi er skýringarmynd.

Málið var áður á dagskrá skipulagsráðs þann 9. mars sl. og var afgreiðslu þess frestað.

Lögð fram endurskoðuð tillaga Haraldar S. Árnasonar f.h. Skútabergs að afmörkun lóðar fyrir sementssíló norðan við lóð nr. 9 í Krossanesi.

Meðfylgjandi er umsögn Norðurorku um tillöguna.

Málið var áður á dagskrá skipulagsráðs þann 6. júlí 2022.

Lögð fram tillaga að breytingu á deiliskipulagi hafnarsvæðis í Krossanesi þar sem afmörkuð er ný 0,22 ha lóð fyrir uppsetningu sements- og asfaltstanka og bílavog. Hámarkshæð tanka verði 30 m.

Kynning á tillögu á vinnslustigi að breytingu á deiliskipulagi hafnarsvæðis í Krossanesi vegna áforma um að búa til nýja lóð fyrir síló og hafnarvog lauk þann 1. febrúar sl.

Umsagnir bárust frá Norðurorku, Hafnasamlagi Norðurlands og Minjastofnun Íslands. Engar athugasemdir bárust á kynningartímanum.

Liður 10 í fundargerð skipulagsráðs dagsettri 14. febrúar 2024:

Kynning á tillögu á vinnslustigi að breytingu á deiliskipulagi hafnarsvæðis í Krossanesi vegna áforma um að búa til nýja lóð fyrir síló og hafnarvog lauk þann 1. febrúar sl.

Umsagnir bárust frá Norðurorku, Hafnasamlagi Norðurlands og Minjastofnun Íslands. Engar athugasemdir bárust á kynningartímanum.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010. Er gert ráð fyrir að í kynningargögnum verði útlitsmynd í þrívídd sem sýnir stærð og afstöðu fyrirhugaðra mannvirkja.

Halla Björk Reynisdóttir kynnti.

Með umsókn dagsettri 2. mars 2022 óskaði Margrét Konráðsdóttir, fh. Skútabergs ehf. eftir lóð til uppsetningar sílóa við Krossaneshöfn. Í kjölfarið fór í gang vinna við breytingu á deiliskipulagi Krossaneshafnar í samráði við Hafnasamlag Norðurlands og Norðurorku. Þann 17. júlí sl. tók í gildi breyting á deiliskipulagi þar sem afmörkuð er 0,22 ha lóð fyrir sement- og asfaltbirgðastöð og bílavog.

Lögð fram að nýju umsókn dagsett 2. mars 2022 þar sem Margrét Konráðsdóttir, fh. Skútabergs ehf. óskar eftir lóð til uppsetningar sílóa við Krossaneshöfn. Breyting á deiliskipulagi svæðisins, þar sem afmörkuð var 0,22 ha lóð til samræmis við umsóknina, tók gildi 17. júlí sl. Var breytingin unnin í samráði við Hafnasamlag Norðurlands og Norðurorku.


Málið var á dagskrá skipulagsráðs 14. ágúst sl. og var þá afgreiðslu frestað og skipulagsfulltrúa falið að vinna drög að samningi um úthlutun lóðarinnar.

Liður 6 í fundargerð skipulagsráðs dagsettri 28. ágúst 2024:

Lögð fram að nýju umsókn dagsett 2. mars 2022 þar sem Margrét Konráðsdóttir, fh. Skútabergs ehf. óskar eftir lóð til uppsetningar sílóa við Krossaneshöfn. Breyting á deiliskipulagi svæðisins, þar sem afmörkuð var 0,22 ha lóð til samræmis við umsóknina, tók gildi 17. júlí sl. Var breytingin unnin í samráði við Hafnasamlag Norðurlands og Norðurorku.

Málið var á dagskrá skipulagsráðs 14. ágúst sl. og var þá afgreiðslu frestað og skipulagsfulltrúa falið að vinna drög að samningi um úthlutun lóðarinnar.

Skipulagsráð leggur til við bæjarstjórn að lóðinni verði úthlutað til Skútabergs ehf. skv. seinna ákvæði fyrirliggjandi draga að samningi með breytingum sem rædd voru á fundi.

Pétur Ingi Haraldsson skipulagsfulltrúi sat fund bæjarráðs undir þessum lið.