Skipulagsráð

Sverrir Gestsson kynnti, fh. Fasteignafélagsins Klappa ehf., hugmyndir að uppbyggingu á baklóð Glerárgötu 36.

Lögð fram að lokinni kynningu skv. 1. mgr. 31. gr. skipulagslaga nr. 123/2010, tillaga að breytingu á aðalskipulagi Akureyrar 2018-2030 fyrir svæði sunnan Naustagötu. Drög voru kynnt frá 3. júlí 2024 t.o.m. 15. ágúst 2024 og bárust 2 umsagnir og 1 athugasemd.

Lögð fram að lokinni auglýsingu breyting á deiliskipulagi Hagahverfis sem felur í sér að afmörkuð er tæplega 1 ha leikskólalóð þar sem nú er bæjartorfan Naust II. Er gert ráð fyrir að á lóðinni verði heimilt að byggja um 2.000 fm leikskóla á allt að 2 hæðum. Breytingin var auglýst samhliða breytingu á aðalskipulagi svæðisins. Engar athugasemdir bárust en fyrir liggja umsagnir frá Norðurorku og Minjastofnun Íslands.

Erindi frá umhverfis- og mannvirkjasviði þar sem óskað er eftir því að lega reiðvegar við Lögmannshlíð verði flutt sunnar þar sem að núverandi lega er erfið sökum mikils bratta.

Óskað er eftir að gerð verði óveruleg breyting á Aðalskipulagi Akureyrar 2018-2030.

Lögð fram til kynningar drög að hugmyndum um uppbyggingu lífsgæðakjarna á lóð 2-12 við Þursaholt til samræmis við breytingu á aðalskipulagi sem nú er í ferli. Felur það í sér að afmörkuð er lóð fyrir hjúkrunarheimili, mögulega þjónustumiðstöð auk lóðar fyrir 40-60 íbúðir.

Lögð fram að nýju umsókn dagsett 2. mars 2022 þar sem Margrét Konráðsdóttir, fh. Skútabergs ehf. óskar eftir lóð til uppsetningar sílóa við Krossaneshöfn. Breyting á deiliskipulagi svæðisins, þar sem afmörkuð var 0,22 ha lóð til samræmis við umsóknina, tók gildi 17. júlí sl. Var breytingin unnin í samráði við Hafnasamlag Norðurlands og Norðurorku.


Málið var á dagskrá skipulagsráðs 14. ágúst sl. og var þá afgreiðslu frestað og skipulagsfulltrúa falið að vinna drög að samningi um úthlutun lóðarinnar.

Lögð fram tillaga að breytingu á deiliskipulagi Krossaneshaga A áfanga sem felst í að afmörkuð er ný 2.304 fm athafnalóð vestan megin við Goðanes 3. Er tillagan í samræmi við bókun skipulagsráðs frá 10. apríl 2024.

Erindi dagsett 11. júlí 2024 þar sem Gunnar Örn Sigurðsson fh. Haga hf. sækir um byggingaráform og byggingarleyfi fyrir sjálfsafgreiðslustöð eldsneytis á lóð nr. 2 við Kjarnagötu. Innkomin gögn eftir Gunnar Örn Sigurðsson.

Byggingarfulltrúi óskar umsagnar skipulagsráðs um erindið. Skipulagsráð tók málið fyrir þann 15. ágúst sl. og hafnaði þar erindinu þar sem að sú tillaga samræmdist ekki gildandi deiliskipulagi. Nú er lögð fram ný tillaga þar sem að eldsneytisstöðin er skv. gildandi skipulagi ásamt því að 4 hraðhleðslustöðvum hefur verið bætt við á vesturhlið lóðarinnar.

Erindi dagsett 9. ágúst 2024 þar sem að Anna María Hallgrímsdóttir sækir um leyfi til að nýta hluta bílskúrs á lóð Helgamagrastrætis 15 undir snyrtistofu.

Erindi dagsett 10. ágúst 2024 þar sem að Bergþóra Ósk Guðmundsdóttir óskar eftir viðbrögðum skipulagsráðs við því að Hrappsstaðalandinu austan Lögmannshlíðarvegar verði breytt úr frístundasvæði í blandað svæði með heilsársbyggð ásamt frístundabyggð.


Í upphafi þessa dagskrárliðar vakti Sif Jóhannesar Ástudóttir V-lista á því athygli að hún teldi sig vanhæfa að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir skipulagsráð og var það samþykkt.

Vék hún af fundi undir umræðum og við afgreiðslu máls.

Lögð fram tillaga Kollgátu, fh. umhverfis- og mannvirkjasviðs Akureyrarbæjar, um breytingu á þaki búsetukjarna á lóð Klettaborgar 43. Í tillögunni felst að þakið verði einhalla í stað þess að vera flatt. Felur það í sér að þakið verður hærra en gildandi skilmálar deiliskipulagsins gera ráð fyrir eða 4,80 m í stað 4,40 m.

Lögð fram drög að viðbrögðum við tillögum Rannsóknarnefndar samgönguslysa í öryggisátt í tengslum við rannsókn á banaslysi á gatnamótum Strandgötu og Hofsbótar, með vísun í bókun skipulagsráðs 24. apríl 2024.

Lögð fram til kynningar Landsskipulagsstefna fyrir árin 2024-2038 ásamt fimm ára aðgerðaáætlun fyrir árin 2024-2028 sem samþykkt var á Alþingi 16. maí 2024.

Erindi dagsett 19. ágúst 2024 þar sem að Adam Traustason fh. Bótar fasteignafélags ehf. og Moniku Margrétar Stefánsdóttur óskar eftir því að Óseyri 18 verði skipt upp í 2 fasteignanúmer.

Úthlutun lóðarinnar Gránufélagsgötu 51 var samþykkt á fundi skipulagsráðs 10. október 2018. Frestur til framkvæmda framlengdist í kjölfar ferlis við breytingu á deiliskipulagi og á endanum var byggingarleyfi ekki gefið út fyrr en 9. febrúar 2023 en áður var búið að samþykkja byggingaráform og jarðvegsskipti. Samkvæmt almennum byggingarskilmálum er frestur til að gera hús fokhelt og frágengið að utan 18 mánuðir frá veitingu byggingarleyfis og féll sá frestur út í byrjun mánaðar. Samkvæmt reglunum getur ráðið samþykkt að leggja dagsektir á lóðarhafa, látið framkvæma það sem á vantar á hans kostnað eða tekið ófullgerðar byggingarframkvæmdir eignarnámi.

Lagðar fram tvær tillögur að endurskoðun útboðsskilmála fyrir lóðirnar Hofsbót 1 og 3.

Akurberg ehf. átti hæsta tilboð í lóðina Höfðamóa 1-3 og hefur verið staðfest að þeir vilja halda lóðinni. Félagið hefur skilað inn öll tilskildum gögnum.

Akurberg ehf. átti hæsta tilboð í lóðina Höfðamóa 5-7 og hefur verið staðfest að þeir vilja halda lóðinni. Félagið hefur skilað inn öll tilskildum gögnum.

Akurberg ehf. átti hæsta tilboð í lóðina Höfðamóa 9-11 og hefur verið staðfest að þeir vilja halda lóðinni. Félagið hefur skilað inn öll tilskildum gögnum.

Akurberg ehf. átti hæsta tilboð í lóðina Höfðamóa 17-19 og hefur verið staðfest að þeir vilja halda lóðinni. Félagið hefur skilað inn öll tilskildum gögnum.

Sólveig Hulda Árnadóttir, Eiður Ísak Hafsteinsson, Hafsteinn Sveinsson og Björk Sigríður Garðarsdóttir áttu hæsta tilboð í lóðina Höfðamóa 13-15 og hafa staðfest að þau vilji halda lóðinni. Umsækjendur hafa skilað inn tilskildum gögnum.

Larix Byggingarfélag ehf. átti hæsta tilboð í lóðina Höfðamóa 9-11 og hafa staðfest að þeir vilji halda lóðinni. Félagið hefur skilað inn öllum tilskildum gögnum.

Gerðarvöllur ehf. átti hæsta tilboð í lóðina Heiðarmóa 16-22 og hefur staðfest að þeir vilja halda lóðinni. Félagið hefur skilað inn öllum tilskildum gögnum.

HeiðGuðByggir ehf. átti hæsta tilboð í lóðina Hlíðarmóa 11-19 og hefur staðfest að félagið vill halda lóðinni. Félagið hefur skilað inn öllum tilskildum gögnum.

HeiðGuðByggir ehf. átti hæsta tilboð í lóðina Hlíðarmóa 1-9 og hefur staðfest að félagið vill halda lóðinni. Félagið hefur skilað inn öllum tilskildum gögnum.

Halldór Brynjarsson átti hæsta tilboð í lóðina Hámóa 10 og hefur staðfest að hann vilji halda lóðinni. Halldór hefur skilað inn öllum tilskildum gögnum.

Lagt fram minnisblað um stöðu uppbyggingar íbúðarhúsnæðis á Akureyri.

Lögð fram til kynningar fundargerð 979. fundar, dagsett 8. ágúst 2024, með fullnaðarafgreiðslum erinda. Fundargerðin er í 5 liðum og er að finna á heimasíðu Akureyrarbæjar.

Lögð fram til kynningar fundargerð 980. fundar, dagsett 15. ágúst 2024, með fullnaðarafgreiðslum erinda. Fundargerðin er í 1 lið og er að finna á heimasíðu Akureyrarbæjar.