Skipulagsráð

Ingólfur Freyr Guðmundsson og Andrea Sif Hilmarsdóttir frá Kollgátu kynntu, f.h. Eikar fasteignafélags, hugmyndir að uppbyggingu á lóðum 2-8 við Gleráreyrar og svæðis vestan þeirra. Fela þessar hugmyndir bæði í sér breytingu á aðal- og deiliskipulagi svæðisins.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010, tillaga að breytingu á deiliskipulagi við Austurveg, Eyjabyggð og Búðartanga, Hrísey - breyting á fjórum einbýlishúsalóðum við Austurveg 15-21. Athugasemdafresti lauk þann 11. apríl 2024. Fyrir liggur umsögn frá umhverfis- og mannvirkjasviði Akureyrarbæjar dagsett 8. apríl 2024 en engar aðrar athugasemdir bárust á kynningartíma. Umsagnir frá Rarik, Minjastofnun Íslands, Norðurorku og hverfisnefnd Hríseyjar bárust á fyrri stigum málsins.

Lögð fram tillaga að breytingu á deiliskipulagi Rangárvalla sem felur í sér afmörkun nýrrar 4.029 fm lóðar, Rangárvellir 6, til samræmis við bókun skipulagsráðs frá 15. nóvember 2023.

Erindi Fanneyjar Haukdsdóttur arkitekts hjá AVH arkitektum dagsett 18. apríl 2024, f.h. lóðarhafa Dvergaholts 1, fyrirspurn um hvort áætluð byggingaráform séu í samræmi við gildandi deiliskipulag.

Lögð fram tillaga að lýsingu deiliskipulags fyrir svæði ofan núverandi byggðar í Hrísey.

Halldóra Bragadóttir og Helgi B. Thóroddsen hjá Kanon arkitektum kynntu fyrstu drög að breytingu á deiliskipulagi á landi Nausta 3 sem í aðalskipulagi er skilgreint sem íbúðarsvæði/þéttingarsvæði. Var kynningin í gegnum fjarfundarbúnað. Samkvæmt tillögunni er miðað við að á svæðinu verði allt að 10 lóðir fyrir einbýlis- og tvíbýlishús og 5 lóðir fyrir raðhús. Er gert ráð fyrir að öll hús á svæðinu verði á einni hæð.

Erindi dagsett 11. apríl 2024 þar sem að Jón Birgir Gunnlaugsson fh. umhverfis- og mannvirkjasviðs Akureyrar sækir um breytingu á deiliskipulagi Lystigarðsins á Akureyri.

Breytingin felur í sér eftirfarandi:

· Núverandi byggingarreitur áhaldahúss er stækkaður.

· Heimilt að reisa salernisastöðu fyrir gesti með varanlegri byggingu eða bráðabirgðahúsnæði (salernisgámur). Stærð byggingar max 5 x 10 metrar innan sameiginlegs byggingarreits með áhaldahúsi.

· Nýr stígur upp á Þórunnarstræti að stoppustöð gangstétt.

Erindi dagsett 8. apríl 2024 þar sem Anna Þóra Ísfold Rebekkudóttir óskar eftir því að einbýlishúsinu að Háhlíð 4 verði breytt í 2 íbúðir. Færir Anna Þóra rök fyrir því að allar forsendur séu til staðar til þess að í húsinu geti verið 2 íbúðir sem skiptast í efri- og neðri hæð.

Erindi dagsett 11. apríl 2024 þar sem að Valbjörn Ægir Vilhjálmsson fh. Árna Sveinbjörnssonar eiganda að Geislatúni 8 sækir um óverulega deiliskipulagsbreytingu.

Breytingin felur í sér stækkun á byggingarreitum fyrir sólstofur við íbúðir á lóðum við Geislatún 2-10. Byggingarreitir fyrir léttar útbyggingar sem skilgreindir eru fyrir hverja íbúð verði stækkaðir úr 3x5m í 4,2x5m.

Í upphafi þessa dagskrárliðar vakti Þórhallur Jónsson D-lista á því athygli að hann teldi sig vanhæfan að fjalla um þennan lið.

Með vísan til 7. mgr. 20. gr. sveitarstjórnarlaga nr. 138/2011 var meint vanhæfi lagt upp til atkvæða fyrir skipulagsráð og var það samþykkt.

Erindi dagsett 12. apríl 2024 þar sem að Kári Magnússon fh. Péturs Ólafssonar byggverktaks ehf. sækir um óverulega deiliskipulagsbreytingu.

Breytingin felur í sér að byggingarreitur fyrir bílskúr er færður 1 metra aftar á lóðinni svo að bílastæði fyrir framan skúrinn verði 6 metrar í stað 5.

Erindi dagsett 18. apríl 2024 þar sem að Ómar Ívarsson fh. Áskels Bjarnasonar og Sabrínu Sigurðardóttur óskar eftir leyfi til að byggja hálfniðurgrafna bílgeymslu við fyrirhugað hús vegna jarðvegsaðstæðna án þess að gera þurfi breytingu á deiliskipulagi.

Byggingarfulltrúi óskaði eftir umsögn skipulagsráðs á 953. fundi sínum þann 8. febrúar 2024.

Erindi dagsett 2. febrúar 2024 þar sem að Friðrik Ólafsson fh. Amicus ehf. sækir um byggingarleyfi fyrir 2ja hæða viðbyggingu við núverandi íbúðarhús ásamt nýjum bílskúr á suð-austur horni lóðarinnar ásamt viðbótarbyggingu við núverandi skúr á norð-austur horni lóðarinnar.

Erindi dagsett 12. apríl 2024 þar sem að Einar Hjartarson fh. Ferðafélags Akureyrar óskar eftir því að gerður verði lóðarleigusamningur fyrir fjallaskálan Lamba á Glerárdal : Fastanúmer er 02239412.

Erindi dagsett 17. apríl 2024 þar sem kynntar eru framkvæmdir Vegagerðarinnar við nýtt hringtorg og undirgöng á hringvegi við Lónsveg í landi Akureyrarbæjar við Mýararlón.

Endurskipulagning Akureyrarvallarsvæðisins hófst með bókun í bæjarstjórn 21. mars 2023. Málið var svo tekið upp hjá skipulagsráði 29. nóvember 2023 þar sem ýtt var á skipulagsfulltrúa að hefja vinnuna.

5. apríl 2024 hélt skipulagsfulltrúi fund með Gerði Jónsdóttur framkvæmdastjóra Arkitektafélags Íslands þar sem svæðið var kynnt fyrir henni og þar á eftir fór Gerður yfir hver næstu skref gætu verið og hvaða möguleikar séu í stöðunni varðandi hönnunarsamkeppni fyrir svæðið.

Lögð fram skýrsla rannsóknarnefndar samgönguslysa um banaslys sem varð á gatnamótum Strandgötu og Hofsbótar þann 9. ágúst 2022. Er óskað eftir formlegu svari frá Akureyrarbæ við ákveðnum tillögum.

Á fundi skipulagsráðs Akureyrarbæjar þann 31. janúar sl. var afgreidd til bæjarstjórnar að lokinni auglýsingu skv. 1. mgr. 41. gr. skipulagslaga nr. 123/2010 tillaga að breytingu á deiliskipulagi sem nær til lóða við Viðjulund 1 og 2. Bæjarstjórn samþykkti breytinguna á fundi 6. febrúar. Við afgreiðslu málsins láðist að bóka um tillögu að breytingu á deiliskipulagi Furulundar sem auglýst var samhliða. Í þeirri tillögu felst engin efnisleg breyting heldur eingöngu aðlögun á skipulagsmörkum.

Lögð fram til kynningar fundargerð 962. fundar, dagsett 11. apríl 2024, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.