Naust 3 - endurskoðun deiliskipulags

Halldóra Bragadóttir og Helgi B. Thóroddsen hjá Kanon arkitektum kynntu fyrstu drög að breytingu á deiliskipulagi á landi Nausta 3 sem í aðalskipulagi er skilgreint sem íbúðarsvæði/þéttingarsvæði. Var kynningin í gegnum fjarfundarbúnað. Samkvæmt tillögunni er miðað við að á svæðinu verði allt að 10 lóðir fyrir einbýlis- og tvíbýlishús og 5 lóðir fyrir raðhús. Er gert ráð fyrir að öll hús á svæðinu verði á einni hæð.

Drög að endurskoðun deiliskipulags sem nær til svæðis við Naust III voru kynnt skv. 4. mgr. 40. gr. skipulagslaga nr. 123/2010 frá 21. ágúst til 12. september 2024. Voru drögin einnig kynnt á opnu húsi þann 5. september. Fjórar athugasemdir bárust ásamt umsögnum frá Minjastofnun Íslands og Norðurorku.