Austurvegur 15 og 21 - fyrirspurn um breytingu á deiliskipulagi

Erindi Ásrúnar Ýrar Gestsdóttur verkefnastýru Áfram Hrísey dagsett 14. desember 2022 varðandi lóðir í Hrísey. Er m.a. óskað eftir að einbýlishúsalóðum nr. 19 og 21 við Austurveg verði breytt í par- eða raðhúsalóðir, að útbúnar verði iðnaðar-/atvinnulóðir og að frístundahúsalóðir verði gerðar byggingarhæfar.

Lagðar fram tillögur Form ráðgjafar ehf. um útfærslu á breytingu á deiliskipulagi Austurvegar - Eyjabyggðar - Búðartanga í Hrísey. Tillögurnar ná til svæðis þar sem nú er gert ráð fyrir fjórum einbýlishúsalóðum við Austurveg 15-21.

Lögð fram umsögn hverfisráðs Hríseyjar dagsett 29. júní 2023 um tillögur Forms ráðgjafar ehf. um útfærslu á breytingu á deiliskipulagi Austurvegar - Eyjabyggðar - Búðartanga í Hrísey. Tillögurnar ná til svæðis þar sem nú er gert ráð fyrir fjórum einbýlishúsalóðum við Austurveg 15-21. Þá eru jafnframt lögð fram viðbrögð skipulagshönnuðar við umsögn hverfisráðs.

Málið var áður á dagskrá skipulagsráðs þann 24. maí sl. og var afgreiðslu frestað þar til umsögn hverfisráðs lægi fyrir.

Lögð fram tillaga Ágústs Hafsteinssonar arkitekts til samræmis við bókun skipulagsráða frá 9. ágúst 2023 varðandi breytingu á deiliskipulagi lóða við Austurveg 15, 17, 19 og 21 í Hrísey. Í breytingunni felst að á lóðum 15 og 17 verður heimilt að byggja tveggja hæða parhús-/fjórbýlishús og á lóðum 19 og 21 verði heimilt að byggja 2 hæða einbýlishús.

Kynning á tillögu á vinnslustigi að breytingu á deiliskipulagi við Austurveg, Eyjabyggð og Búðartanga í Hrísey vegna áforma um að breyta 4 lóðum við Austurveg 15-21 lauk þann 1. febrúar sl.

Umsagnir bárust frá Norðurorku, Rarik, Minjastofnun Íslands og hverfisráði Hríseyjar. Engar athugasemdir bárust á kynningartímanum.

Liður 6 í fundargerð skipulagsráðs dagsettri 14. febrúar 2024:

Kynning á tillögu á vinnslustigi að breytingu á deiliskipulagi við Austurveg, Eyjabyggð og Búðartanga í Hrísey vegna áforma um að breyta 4 lóðum við Austurveg 15-21 lauk þann 1. febrúar sl.

Umsagnir bárust frá Norðurorku, Rarik, Minjastofnun Íslands og hverfisráði Hríseyjar. Engar athugasemdir bárust á kynningartímanum.

Skipulagsráð leggur til við bæjarstjórn að hún samþykki framlagða tillögu að deiliskipulagi og að hún verði auglýst skv. 41. gr. skipulagslaga nr. 123/2010.

Halla Björk Reynisdóttir kynnti.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010, tillaga að breytingu á deiliskipulagi við Austurveg, Eyjabyggð og Búðartanga, Hrísey - breyting á fjórum einbýlishúsalóðum við Austurveg 15-21. Athugasemdafresti lauk þann 11. apríl 2024. Fyrir liggur umsögn frá umhverfis- og mannvirkjasviði Akureyrarbæjar dagsett 8. apríl 2024 en engar aðrar athugasemdir bárust á kynningartíma. Umsagnir frá Rarik, Minjastofnun Íslands, Norðurorku og hverfisnefnd Hríseyjar bárust á fyrri stigum málsins.

Á fundi skipulagsráðs þann 24. apríl sl. var tekin fyrir að lokinni auglýsingu skv. 1. mgr. 41. gr. skipulagslaga nr. 123/2010, tillaga að breytingu á deiliskipulagi við Austurveg, Eyjabyggð og Búðartanga, Hrísey - breyting á fjórum einbýlishúsalóðum við Austurveg 15-21. Var samþykkt að leggja til við bæjarstjórn að tillagan yrði samþykkt með minniháttar breytingum. Í kjölfar fundar bárust ábendingar um að misræmi hefði verið í dagsetningum auglýsingar sem birtist á vefnum og að auglýsingin hefði ekki verið birt sérstaklega á samfélagsmiðlum sem varða Hrísey sérstaklega.