Lambi - fyrirspurn Ferðafélags Akureyrar varðandi lóðarleigusamning fyrir fjallaskálan Lamba

Skipulagsráð samþykkir að útbúinn verði lóðarleigusamningur fyrir Ferðafélag Akureyrar fyrir fjallaskálann Lamba. Skipulagsráð óskar eftir að í samninginn verði sett kvöð um að lóðarréttur verði ekki framseljanlegur og að hluti hússins sé opinn almenningi. Skálinn stendur í friðlandi og það því forgangsmál að sveitarfélagið eignist skálann ef Ferðafélag Akureyrar hygðist selja hann eða notkun hans yrði hætt.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.