Strandgata 11B - Tillaga að breytingu á deiliskipulagi

Tillaga að breyttu deiliskipulagi

Bæjarstjórn Akureyrarbæjar auglýsir hér með skv. 1. mgr. 41. gr. skipulagslaga nr. 123/2010, tillögu að breytingu á deiliskipulagi fyrir miðbæ Akureyrar.

Skipulagssvæðið afmarkast við lóð Strandgötu 11b. Tillagan felur í sér að hæðarfjöldi er hækkaður úr 1 hæð í 2 hæðir, hámarksbyggingarmagn fer úr 231,8 m² upp í 435,8 m², nýtingarhlutfall lóðarinnar hækkar úr 0,531 upp í 0,950 og að lokum er byggingarreitur lóðarinnar stækkaður um ca. 45 m².

Þeir sem þess óska geta kynnt sér tillöguna og gert við hana athugasemdir. Tillöguuppdrátt ásamt greinargerð má nálgast hjá þjónustu- og skipulagssviði í Ráðhúsi Akureyrar frá 12. júní til 25. júlí 2024. Tillagan mun jafnframt verða aðgengileg á heimasíðu bæjarins á sama tíma: www.akureyri.is – neðst á forsíðu undir: Auglýstar skipulagstillögur og á Skipulagsgátt: www.skipulagsgatt.is málsnr. 718/2024

Deiliskipulagsuppdráttinn má nálgast hér.

Athugasemdum og ábendingum þar sem nafn, heimilisfang og kennitala kemur fram má skila á netfangið skipulag@akureyri.is, bréfleiðis til Þjónustu- og skipulagssviðs, Ráðhúsi, Geislagötu 9, 600 Akureyri eða í gegnum Skipulagsgátt.

Frestur til að skila inn athugasemdum er til og með 25. júlí 2024.

Skipulagsfulltrúi

Athugasemdir teljast til opinberra gagna. Nöfn þeirra sem senda inn athugasemdir koma fram í fundargerðum skipulagsráðs á heimasíðu Akureyrarbæjar og inni á Skipulagsgátt. Persónuupplýsingar sem fylgja athugasemdum, s.s. kennitala, nafn og netfang, eru aðeins nýttar til að vinna úr athugasemdum og auðkenna sendanda. Sjá nánar um meðferð persónuupplýsinga hjá Akureyrarbæ hér.