Austursíða 6 - Tillaga að breytingu á deiliskipulagi athafnasvæðis við Austursíðu

Skipulagssvæðið afmarkast af lóð Austursíðu 6. Tillagan gerir ráð fyrir nýjum byggingarreit sem rúmar þriggja hæða skrifstofukjarna. Flatarmál hverrar hæðar verður 450 m². Þá gerir tillagan ráð fyrir hækkun nýtingarhlutfalls lóðarinnar úr 0,5 í 0,7.

Skipulagstillöguna má nálgast hér  og skýringarmynd hér . Tillagan verður auk þess aðgengileg á 1. hæð í Ráðhúsi Akureyrarbæjar frá 10. maí til 26. júní 2023

Hægt er að skila inn athugasemdum við skipulagstillöguna á netfangið skipulag@akureyri.is eða bréfleiðis þjónustu- og skipulagssviðs í Ráðhúsi, Geislagötu 9, 600 Akureyri, til 26. júní 2023.

Athugasemdir teljast til opinberra gagna. Vakin er athygli á því að nöfn þeirra sem senda inn athugasemdir koma fram í fundargerðum skipulagsráðs sem birtar eru á heimasíðu Akureyrarbæjar. Persónuupplýsingar sem fylgja athugasemdum við skipulag, s.s. kennitala, nafn og netfang eru aðeins nýttar í þeim tilgangi að vinna úr athugasemdum og auðkenna sendanda. Sjá nánar um meðferð persónuupplýsinga hjá Akureyrarbæ hér.