Skipulagsráð

Lögð fram drög að breytingu á aðalskipulagi Akureyrarbæjar vegna Blöndulínu 3. Er afmarkað helgunarsvæði fyrir línuna frá sveitarfélagamörkum að Rangárvöllum. Fram kemur að þegar tæknilegar forsendur bjóða upp á að þá verði hluti línunnar settur í jörðu og er því einnig sýnd lega línunnar í jarðstreng.

Kynningu aðalskipulagstillögu á vinnslustigi skv. 2. mgr. 30. gr. skipulagslaga nr. 123/2010 er lokið og bárust hvorki athugasemdir né umsagnir við tillöguna á auglýsingatímanum. Í breytingunni felst að á svæði sem afmarkast af götunum, Borgarbraut, Glerárgötu, Þórunnarstræti, Byggðavegi og Klettaborg er landnotkun breytt í miðsvæði þar sem auk uppbyggingar verslunar- og þjónustu verður heimilt að byggja allt að 250 íbúðir. Þá er einnig gert ráð fyrir jöfnunarstöð strætó á svæði milli Borgarbrautar og Glerár á um 0,2 ha svæði.

Samhliða aðalskipulagsbreytingartillögu fyrir Gleráreyrar var einnig kynnt tillaga að breytingu á deiliskipulagi verksmiðjusvæðis á Gleráreyrum skv. 4. mgr. 40. gr. skipulagslaga nr. 123/2010. Tvær athugasemdir bárust ásamt umsögn Minjastofnunar Íslands. Í breytingunni felst að afmarkaðar eru fimm lóðir syðst á skipulagssvæðinu þar sem heimilt verður að byggja íbúðir, í bland við þjónustu- og verslunarrými. Er gert ráð fyrir á bilinu 100-120 íbúðum á svæðinu.

Kynningu aðalskipulagstillögu á vinnslustigi skv. 2. mgr. 30. gr. skipulagslaga nr. 123/2010 er lokið og bárust engar athugasemdir við tillöguna en tvær umsagnir bárust frá sveitarstjórn Hörgársveitar ásamt Eyjafjarðarsveit. Í breytingunni felst að á svæði við Þursaholt verði heimilt að byggja hjúkrunarheimili auk þjónustu fyrir eldri borgara ásamt íbúðum. Verður uppbyggingin í samræmi við hugmyndafræði um lífsgæðakjarna.

Lögð fram uppfærð tillaga að hugmyndum að uppbyggingu lífsgæðakjarna á lóð Þursaholts 2-12 til samræmis við breytingu á aðalskipulagi sem er í ferli. Felur það í sér að afmörkuð er lóð fyrir hjúkrunarheimili auk lóðar fyrir 60 íbúðir og þjónustumiðstöð. Þá er jafnframt lögð fram tillaga að breytingu á deiliskipulagi Holtahverfis til samræmis.

Lögð fram drög að tillögu að endurskoðun deiliskipulags fyrir tjaldsvæðisreitinn. Drög að deiliskipulagi voru kynnt á tveimur fundum þann 8. nóvember 2023. Fyrst var haldinn fundur fyrir fagaðila og síðan fyrir íbúa og aðra hagsmunaaðila. Fljótlega á eftir fór málið í bið vegna óvissu um byggingu heilsugæslu á svæðinu.


Er tillagan nú lögð fram með ýmsum breytingum sem gerðar hafa verið til að koma til móts við athugasemdir og ábendingar sem komu fram á kynningarfundum. Þá er ekki lengur gert ráð fyrir byggingu heilsugæslu við Þingvallastræti og er þar í staðinn gert ráð fyrir byggingu með blandaðri landnotkun.

Erindi dagsett 13. september 2024 þar sem Félag eldri borgara á Akureyri óskar eftir að fá úthlutuðu svæði á tjaldsvæðisreitnum fyrir 50 íbúðir sem byggðar yrðu með þarfir 60 ára og eldri í huga.

Erindi dagsett 19. september 2024 þar sem að Valur Þór Hilmarsson óskar eftir samtali við skipulagsráð varðandi framtíð svæðisins, Naust III.

Drög að endurskoðun deiliskipulags sem nær til svæðis við Naust III voru kynnt skv. 4. mgr. 40. gr. skipulagslaga nr. 123/2010 frá 21. ágúst til 12. september 2024. Voru drögin einnig kynnt á opnu húsi þann 5. september. Fjórar athugasemdir bárust ásamt umsögnum frá Minjastofnun Íslands og Norðurorku.

Erindi dagsett 5. september 2024 þar sem að Haraldur Sigmar Árnason fh. Húsmóta ehf. óskar eftir að fá að breyta deiliskipulagi fyrir lóðina Hafnarstræti 37.

Erindi dagsett 11. september 2024 þar sem að Arnbjörg Kristín Konráðsdóttir óskar eftir að fá að breyta bílskúr í yoga/hugleiðslu studíó.

Erindi dagsett 19. september 2024 þar sem að Haraldur Sigmar Árnason fh. Hrafnhildar Þórhallsdóttur óskar eftir deiliskipulagsbreytingu fyrir lóð Þverholts 18.

Óskað er eftir að nýr 7x9m byggingarreitur verði gerður á vesturhlið lóðarinnar þar sem hægt væri að byggja bílageymslu.

Erindi dagsett 19. september 2024 þar sem Haraldur Sigmar Árnason fh. lóðarhafa Lyngmóa 1-5 óskar eftir breytingu á deiliskipulagi sem felur í sér að hámarks byggingarmagn aukist um 160 fm. Breytingin felur ekki í sér fjölgun íbúða.

Erindi dagsett 16. september 2024 þar sem ZZ Sport ehf. sækir um lóðina Hulduholt 5-11. Meðfylgjandi eru yfirlýsing viðskiptabanka og greinargerð um byggingaráform.

Katla ehf, byggingarfélag átti hæsta gildandi tilboð í lóðina Heiðarmóa 2-8 og hefur verið staðfest að þeir vilja halda lóðinni. Félagið hefur skilað inn tilskildum gögnum.

Byggingarfélagið A Plús ehf. átti hæsta gildandi tilboð í lóðina Hagamóa 1-7 og hefur verið staðfest að þeir vilja halda lóðinni. Félagið hefur skilað inn tilskildum gögnum.

Erindi dagsett 17. september 2024 þar sem að Þorgeir Jóhannesson fh. Kiwanisklúbbsins Kaldbaks óskar eftir því að fá að uppfæra upplýsingaturn sem staðsettur er við Ráðhústorg.

Ósk klúbbsins er að fá að setja LED auglýsingaskilti á allar fjórar hliðar turnsins sem munu gegna sama hlutverki og baklýstu plakötin gera í dag.

Lagt fram erindi Elínar Óskar Hreiðarsdóttur f.h. Fornleifastofnunar og Hjörleifs Stefánssonar f.h. Gullinsniðs ehf. þar sem óskað er eftir styrk til rannsóknarverkefnis og húsaskráningar í Grímsey.

Lögð fram tillaga að uppfærðum almennum byggingarskilmálum.

Á fundi skipulagsráðs 11. september sl. var samþykkt að setja á fót vinnuhóp til að vinna að gerð samkeppnislýsingar fyrir Akureyrarvöll í samráði við starfsmenn skipulagsfulltrúa. Er gert ráð fyrir að 5 verði í hópnum. Erindisbréf liggur fyrir.

Lögð fram drög að fjárhagsáætlun fyrir skipulags- og byggingarmál fyrir árið 2025.

Lögð fram drög að tillögum skipulagsráðs um æskilegar framkvæmdir árið 2025 í samræmi við fyrirliggjandi skipulagsáætlanir.

Lögð fram til kynningar uppfærð drög að Rammasamningi um aukið íbúðaframboð 2024-2029.

Lögð fram uppfærð starfsáætlun fyrir skipulags- og byggingarmál.

Lögð fram til kynningar fundargerð 981. fundar, dagsett 22. ágúst 2024, með fullnaðarafgreiðslum erinda. Fundargerðin er í 6 liðum og er að finna á heimasíðu Akureyrarbæjar.

Lögð fram til kynningar fundargerð 982. fundar, dagsett 29. ágúst 2024, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

Lögð fram til kynningar fundargerð 983. fundar, dagsett 6. september 2024, með fullnaðarafgreiðslum erinda. Fundargerðin er í 1 lið og er að finna á heimasíðu Akureyrarbæjar.