Blöndulína 3 - aðalskipulagsbreyting

Erindi dagsett 10. janúar 2024 þar sem að Hlín Benediktsdóttir f.h. Landsnets hf. sækir um breytingu á aðalskipulagi Akureyrarbæjar 2018-2030 sem felur í sér breytingar á legu Blöndulínu 3 miðað við valkost C2 ásamt minniháttar breytingum sem gerðar voru síðar.

Breytingin felur í sér að innan sveitarfélagamarka Akureyrar færi fyrirhuguð Blöndulína 3 um lönd Hrappsstaða, Kífsár, Hesjuvalla og Lögmannshlíðar ofan byggðar á Akureyri, í núverandi tengivirki að Rangárvöllum. Fyrirhuguð framkvæmd við Blöndulínu 3 felur einnig í sér niðurrif núverandi Rangárvallalínu 1, nokkru eftir að Blöndulína 3 verður komin í rekstur.

Lögð fram tillaga að lýsingu aðalskipulagsbreytingar skv. 30 gr. skipulagslaga nr. 123/2010 vegna Blöndulínu 3, til samræmis við bókun skipulagsráðs frá 31. janúar 2024.

Liður 3 í fundargerð skipulagsráðs dagsettri 14. febrúar 2024:

Lögð fram tillaga að lýsingu aðalskipulagsbreytingar skv. 30 gr. skipulagslaga nr. 123/2010 vegna Blöndulínu 3, til samræmis við bókun skipulagsráðs frá 31. janúar 2024.

Skipulagsráð gerir ekki athugasemd við lýsinguna og vísar afgreiðslu málsins til bæjarstjórnar.

Halla Björk Reynisdóttir kynnti. Til máls tók Hilda Jana Gísladóttir og svo Halla Björk öðru sinni sem lagði fram tillögu að bókun bæjarstjórnar um málið.

Lögð fram að lokinni kynningu skv. 1. mgr. 30. gr. skipulagslaga nr. 123/2010 skipulagslýsing vegna Blöndulínu 3 ásamt innkomnum athugasemdum og umsögnum. Þá eru einnig lögð fram viðbrögð Landsnets við efni athugasemda og umsagna.

Liður 5 í fundargerð skipulagsráðs dagsettri 12. júní 2024:

Lögð fram að lokinni kynningu skv. 1. mgr. 30. gr. skipulagslaga nr. 123/2010 skipulagslýsing vegna Blöndulínu 3 ásamt innkomnum athugasemdum og umsögnum. Þá eru einnig lögð fram viðbrögð Landsnets við efni athugasemda og umsagna.

Skipulagsráð samþykkir að fela skipulagsfulltrúa að bera saman núverandi svæði sem afmarkað er fyrir háspennulínu/háspennustreng í fyrirliggjandi lýsingu við þær tillögur sem fram koma í athugasemdum. Jafnframt telur skipulagsráð mikilvægt að fá fulltrúa HMS inn á fund skipulagsráðs næst þegar málið kemur á dagskrá til að ræða hvort háspennulína hafi áhrif á fasteignaverð húsnæðis í Giljahverfi.

Skipulagsráð felur bæjaráði að meta hvort þörf sé á að fá álit óháðra erlendra sérfræðinga.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið.

Lögð fram drög að breytingu á aðalskipulagi Akureyrarbæjar vegna Blöndulínu 3. Er afmarkað helgunarsvæði fyrir línuna frá sveitarfélagamörkum að Rangárvöllum. Fram kemur að þegar tæknilegar forsendur bjóða upp á að þá verði hluti línunnar settur í jörðu og er því einnig sýnd lega línunnar í jarðstreng.

Lögð fram að nýju drög að breytingu á aðalskipulagi Akureyrar 2018-2030 vegna Blöndulínu 3.

Tryggvi Már Ingvarsson framkvæmdastjóri fasteigna hjá Húsnæðis- og mannvirkjastofnun (HMS) kom á fundinn til að ræða möguleg áhrif háspennulínu á fasteignamat húsa auk þess sem Haukur Björnsson hjá HMS var tengdur í gegnum fjarfundarbúnað.

Rætt um stöðu og framhald málsins.

Pétur Ingi Haraldsson skipulagsfulltrúi sat fund bæjarráðs undir þessum lið.


Þá sátu bæjarfulltrúarnir Lára Halldóra Eiríksdóttir og Hulda Elma Eysteinsdóttir fundinn undir þessum lið í gegnum fjarfundarbúnað.

Svandís Hlín Karlsdóttir framkvæmdastjóri viðskipta- og kerfisþróunar hjá Landsneti og Hlín Benediktsdóttir forstöðumaður verkundirbúnings og hönnunar hjá Landsneti mættu til fundar til að ræða um samkomulag og skipulagsmál vegna Blöndulínu 3.

Pétur Ingi Haraldsson skipulagsfulltrúi sat fund bæjarráðs undir þessum lið. Þá sátu bæjarfulltrúarnir Halla Björk Reynisdóttir, Andri Teitsson og Lára Halldóra Eiríksdóttir undir þessum lið í gegnum fjarfundarbúnað.

Lögð fram tillaga að breytingu á aðalskipulagi Akureyrar 2018-2030 vegna Blöndulínu 3 (Rangárlínu). Er afmarkað helgunarsvæði fyrir háspennulínu frá sveitarfélagamörkum að Rangárvöllum. Fram kemur að þegar tæknilegar forsendur bjóða upp á að þá verði hægt að setja hluta línunnar í jörðu og er sýnd tillaga að legu fyrirhugaðs jarðstrengs.