Skipulagsráð

Rut Jónsdóttir forstöðumaður umhverfis- og sorpmála og Jón Birgir Gunnlaugsson verkefnisstjóri umhverfismála fóru yfir stöðu mála varðandi stefnumörkun í úrgangsmálum. Voru jafnframt kynntar hugmyndir að nýtingu lóða 4 og 6 við Sjafnarnes.

Lagt fram erindisbréf vegna vinnuhóps um endurskoðun stefnu aðalskipulags um útleigu íbúða í skammtímaleigu.

Lögð fram tillaga að lýsingu aðalskipulagsbreytingar skv. 30 gr. skipulagslaga nr. 123/2010 vegna Blöndulínu 3, til samræmis við bókun skipulagsráðs frá 31. janúar 2024.

Lögð fram tillaga að breytingu á deiliskipulagi norðurhluta Móahverfis. í breytingunni felst að Síðubraut milli Vestursíðu og Langamóa, ásamt tilheyrandi stofnstíg og hljóðvörn, hliðrast um 6 m til norðvesturs. Þá er jafnframt gerðar breytingar á afmörkun og stærð nokkurra lóða við Berjamóa og Borgarmóa. Að lokum er einnig gerð sú breyting að á lóðum Sunnumóa 2-10 og Strýtumóa 2-10 verði hús á tveimur hæðum í stað einnar.

Lögð fram að lokinni auglýsingu tillaga að breytingu á deiliskipulagi suðurhluta Oddeyrar sem nær til lóða við Norðurgötu 3-7. Tillagan var auglýst 8. nóvember 2023 með athugasemdafresti til 27. desember og bárust tvær athugasemdir auk umsagnar frá Minjastofnun Íslands. Er tillagan lögð fram með eftirfarandi breytingum m.a. til að koma til móts við hluta innkominna athugasemda.

- Útfærsla bílastæða innan lóðar breytist

- Stærð og staðsetning geymslu innan lóðar breytist

- Lóð færist um 40 cm fjær lóðarmörkum við Gránufélagsgötu 12 að hluta

- Byggingarreitur breytist lítillega

- Gert er ráð fyrir djúpgámum fyrir sorp innan lóðar.

Kynning á tillögu á vinnslustigi að breytingu á deiliskipulagi við Austurveg, Eyjabyggð og Búðartanga í Hrísey vegna áforma um að breyta 4 lóðum við Austurveg 15-21 lauk þann 1. febrúar sl.

Umsagnir bárust frá Norðurorku, Rarik, Minjastofnun Íslands og hverfisráði Hríseyjar. Engar athugasemdir bárust á kynningartímanum.

Uppfærð tillaga af erindi dagsett 25. janúar 2024 þar sem að Tryggvi Tryggvason f.h. HeiðGuðByggis ehf sækir um eftirfarandi breytingar á deiliskipulagi fyrir lóðirnar Lautarmóa 1-5:


1. Að hús syðst og nyrst í lóðinni nr. 1 og 5 verði 5 hæðir til samræmis við útfærslu húsa á lóðunum Lækjarmói 2-8 og 1-7.


2. Að byggingarmagn megi flytjast milli húsa án þess að heildarbyggingarmagn lóðar breytist.


3. Sótt er um að hluti af leyfilegum fermetrum bílgeymslu megi flytjast yfir í íbúðarfermetra fyrir geymslur og ganga í kjallara.


4. Breytingar á stærðum byggingarreita.


5. Sótt er um að svalagangur öðru megin við stigahús fái að fara 1,5 m út fyrir byggingareit eins og stigahús.

Erindi dagsett 17. janúar 2024 þar sem að Guðmundur Oddur Víðisson f.h. Módelhús ehf. sækir um óverulega breytingu á deiliskipulagi.

Erindið snýst um hvort að gera þurfi óverulega deiliskipulagsbreytingu vegna létts stál flóttastiga á vesturhlið hússins sem stendur utan byggingarreits.

Erindi dagsett 30. janúar 2024 þar sem að Kári Eiríksson f.h. Péturs Ólafssonar ehf. sækir um óverulega breytingu á deiliskipulagi við Oddagötu 11.

Breytingin felur í sér að gólfkóti bílskúrs verði lækkaður um 0,9 m.

Kynning á tillögu á vinnslustigi að breytingu á deiliskipulagi hafnarsvæðis í Krossanesi vegna áforma um að búa til nýja lóð fyrir síló og hafnarvog lauk þann 1. febrúar sl.

Umsagnir bárust frá Norðurorku, Hafnasamlagi Norðurlands og Minjastofnun Íslands. Engar athugasemdir bárust á kynningartímanum.

Erindi dagsett 18. janúar 2024 þar sem Friðrika Marteinsdóttir f.h. Landsnets hf. sækir um framkvæmdarleyfi fyrir Dalvíkurlínu 2. 66kV jarðstrengur sem mun liggja frá tengivirki Landsnets á Rangárvöllum og til norðurs að sveitarfélagamörkum við Hörgársveit.

Erindi dagsett 9. febrúar 2024 þar sem að Gunnar Örn Sigurðsson f.h. Haga ehf. sendir inn fyrirspurn varðandi fyrirhugaða þjónustustöð Olís við Sjafnargötu.

Fyrirspurn snýr að því hvort að lúguverslun og aðrein þar að rúmist innan gildandi deiliskipulags lóðarinnar.

Erindi dagsett 7. febrúar 2024 þar sem að Ingvar Ívarsson f.h. Súlna Björgunarsveitar sækir um óverulega deiliskipulagsbreytingu. Breytingin felur í sér að byggingarreitur stækkar um 3 metra til vesturs og fer úr 400 m² í 448 m².

Nýtt deiliskipulag fyrir Gránufélagsgötu 22-24 var samþykkt í B-deild Stjórnartíðinda 16. janúar sl. og er mæliblað fyrir lóðirnar jafnframt tilbúið.

Lagt fram erindi Péturs Ólafssonar dagsett 9. janúar 2024, f.h. Hafnasamlags Norðurlands bs., um tímabundið bann við lagningu bíla á ákveðnum svæðum við Oddeyrarbryggju og Tangabryggju og umferðarstýringu á Strandgötu austan Hjalteyrargötu. Þá er lagt til að bæjaryfirvöld fylgist vel með umferð og lagningu ökutækja á svæðinu í tengslum við komu skipa þar sem töluvert er um að ökutækjum sé lagt á gangstéttum á svæðinu. Þá er að lokum óskað eftir að Hafnasamlagið fái umboð til að stjórna og stýra hvernig þjónustu við ferðaþega verði háttað við afmarkað svæði sem liggur upp að hafnarsvæðinu.

Lögð fram drög að tímabundnum afnotasamningi af landskika við lóðina Norðurveg 30 í Hrísey til samræmis við bókun skipulagsráðs frá 12. febrúar 2020. Er um að ræða 4039,6 fm spildu þar sem ekki verða reist mannvirki og ekki heimilt að leggja eða geyma farartæki.

Svalbarðsstrandarhreppur og Eyjafjarðarsveit óska eftir umsögn um Rammahluta aðalskipulags - Þróun byggðar í Vaðlaheiði.

Lögð fram matsáætlun vegna mats á umhverfisáhrifum landfylllingar og hafnar í Dysnesi, Hörgársveit.

Lögð fram til kynningar fundargerð 951. fundar, dagsett 25. janúar 2024, með fullnaðarafgreiðslum erinda. Fundargerðin er í 7 liðum og er að finna á heimasíðu Akureyrarbæjar.

Lögð fram til kynningar fundargerð 952. fundar, dagsett 1. febrúar 2024, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.