Heilbrigðisnefnd Norðurlandssvæðis eystra - fundargerðir

Bæjarráð tekur undir bókun heilbrigðisnefndar Norðurlandssvæðis eystra um að Akureyrarbær ætti að kanna hvort fært er að koma á samstarfi um rekstur dýraathvarfs í heppilegu húsnæði, enda um að ræða þarfa þjónustu að ræða og varðar skyldur og þjónustu sveitarfélaga.

Bæjarráð vísar 2. lið í fundargerð 225. fundar til umhverfis- og mannvirkjasviðs og liðnum önnur mál til þjónustu- og skipulagssviðs. Bæjarráð þakkar fráfarandi framkvæmdastjóra Alfreð Schiöth fyrir vel unnin störf.

Sunna Hlín Jóhannesdóttir B-lista, Hilda Jana Gísladóttir S-lista og Ásrún Ýr Gestsdóttir V-lista leggja fram eftirfarandi bókun:

Í fundargerðum Heilbrigðiseftirlits Norðurlands rímar margt við umræður á bæjarstjórnarfundi þann 21. júní síðastliðinn um umgengni á lóðum í bæjarlandinu. Þar samþykkti bæjarstjórnin eftirfarandi bókun með öllum atkvæðum: Bæjarstjórn felur umhverfis- og mannvirkjasviði að bæta við kafla/áherslum um umgengni og þrifnað utanhúss í umhverfis- og loftlagsstefnu Akureyrarbæjar og leggja hana að nýju fyrir bæjarstjórn. Þessi vinna hefur ekki farið fram né hefur þessi bókun verið tekin fyrir í umhverfis- og mannvirkjaráði. Bæjarfulltrúi B-lista, Sunna Hlín, bókaði eftirfarandi tillögu í vinnu við starfsáætlun skipulagsráðs þann 14. sept. síðastliðinn: 1: Bæjarfulltrúi leggur til að farið verði í átak í skráningu á gámum og innheimtu stöðugjalds í sveitarfélaginu. 2: Bæjarfulltrúi leggur til að unnið verði að því að lóðarhafar virði lóðarmörk sín og geymi ekki tæki og tól utan lóðarmarka. 3: Bæjarfulltrúi leggur fram þá tillögu að farið verði í skoðun á því að koma upp sérstöku geymslusvæði. Á svæðinu mætti einnig koma fyrir númeralausum bílum og öðru lauslegu dóti sem Heilbrigðiseftirlit Norðurlands sinnir eftirliti með. Þessar tillögur rötuðu inn í starfsáætlun sem er vel en til að þoka málum áfram þá gerum við það að tillögu okkar að haldinn verði sameiginlegur fundur með umhverfis- og mannvirkjaráði, skipulagsráði og Heilbrigðiseftirliti Norðurlands þar sem næstu skref verða rædd.

Bæjarráð samþykkir að fela formanni bæjarráðs að koma á sameiginlegum fundi með umhverfis- og mannvirkjaráði, skipulagsráði og Heilbrigðiseftirliti Norðurlands eystra þar sem næstu skref í ofangreindum málum verða rædd.

Hilda Jana Gísladóttir S-lista, Ásrún Ýr Gestsdóttir V-lista og Sunna Hlín Jóhannesdóttir B-lista óska bókað:

Nauðsynlegt er að grípa til markvissra aðgerða til að draga úr svifryksmengun, enda með öllu óásættanlegt að svifryksmengun fari ítrekað yfir heilsuverndarmörk. Þrátt fyrir að jákvætt sé að fjárfesta í fleiri svifryksmælum, þá gefur það auga leið að þeir draga ekki úr menguninni sjálfri. Þá er miður að formleg starfsáætlun Umhverfis- og mannvirkjaráðs fyrir árið liggi enn ekki fyrir, en að sjálfsögðu ætti átak gegn svifryki að vera hluti af starfsáætlun ársins. Þá er vægast sagt sérstakt að niðurstöður úr svifrykssýnum sem tekin voru fyrir tveimur árum í því skyni að greina uppruna svifryks liggi ekki enn fyrir.

Umhverfis- og mannvirkjaráð felur sviðsstjóra að taka saman drög að svari við erindinu og kynna fyrir ráðinu.

Umhverfis- og mannvirkjaráð leggur til að aðgerðaráætlun og verklagsreglur vegna svifryks verði endurskoðaðar meðal annars með tilliti til bókunar bæjarstjórnar frá 7. febrúar 2023 varðandi nýtingu heimilda í umferðarlögum. Umhverfis- og mannvirkjaráð óskar eftir því að farið verði í árvekniátak sem höfðar til þátttöku bæjarbúa í aðgerðum gegn svifryki.

Bæjarráð vísar bókununum til umhverfis- og mannvirkjasviðs.

Bæjarráð vísar 3. og 5. lið í fundargerð heilbrigðisnefndar til umhverfis- og mannvirkjaráðs.

Afgreiðslu frestað.

Umhverfis- og mannvirkjaráð felur forstöðumanni umhverfis- og sorpmála að svara bókunum efnislega út frá umræðum á fundinum og óskar eftir því að lagðar verði fram tillögur í haust að uppfærðum áætlunum í aðgerðum gegn svifryki og umferðarhávaða.

Umhverfis- og mannvirkjaráð þakkar fyrir skýrsluna og þær mikilvægu upplýsingar sem þar koma fram. Staðfest er að bílaumferð er meginorsakavaldur svifryksmengunar á Akureyri og hátt hlutfall malbiks í svifryki er áhyggjuefni. Umhverfis- og mannvirkjaráð samþykkir að hraða endurskoðun á verklagsreglum gegn svifryki og að þær liggi fyrir í september í samvinnu við Vegagerðina og Heilbrigðiseftirlitið. Vísað er til Heilbrigðiseftirlitsins að endurskoða viðbragðsáætlun frá 2020 og gera hana sýnilegri á heimasíðunni.

Bæjarráð samþykkir að vísa lið 10, önnur mál, til skipulagsráðs.

Bæjarráð vísar málinu til umhverfis- og mannvirkjaráðs.

Umhverfis- og mannvirkjaráð felur umhverfis- og mannvirkjasviði að endurskoða verklagsreglur vegna loftmengunar og byggja á viðbragðsáætlun til að bæta loftgæði utandyra frá Heilbrigðisnefnd Norðurlands eystra.

Umhverfis- og mannvirkjaráð felur umhverfis- og mannvirkjasviði að taka saman minnisblað með aðgerðum gegn hávaða á grundvelli aðgerðaáætlunar gegn hávaða á árunum 2018-2023.

Umhverfis- og mannvirkjaráð samþykkir að taka þátt í verkefninu og samþykkir samninginn.

Bæjarráð tekur bókun Heilbrigðisnefndar Norðurlands eystra vegna svifryks alvarlega og leggur áherslu á að brugðist sé við þeim. Bæjarráð telur mikilvægt að bæta við áreiðanlegum svifryksmælum og flýta endurskoðun á verklagsreglum vegna loftmengunar. Bæjarráð vísar málinu áfram til umhverfis- og mannvirkjasviðs.