Bæjarráð

Fjórir fulltrúar bæjarráðs vísa fjárhags- og framkvæmdaáætlun 2023-2026 til seinni umræðu og afgreiðslu í bæjarstjórn með þeim breytingum sem gerðar voru á fundinum.



Sunna Hlín Jóhannesdóttir B-lista greiddi atkvæði gegn ákvörðun bæjarráðs og óskar bókað:

Ég tel ekki tímabært að vísa fjárhagsáætlun til seinni umræðu í bæjarstjórn. Það á bæði eftir að taka fyrir gjaldskrár og fasteignaskatt í bæjarráði og eins tel ég ráðlagt að bíða eftir nauðsynlegri umræðu í stjórn Sambands íslenskra sveitarfélaga um gjaldskrárhækkanir sveitarfélaga og áhrif þeirra á kjarasamningsviðræður.

Fjórir fulltrúar bæjarráðs samþykktu fyrir sitt leyti framlagða stefnu um íbúasamráð til ársins 2026 ásamt aðgerðaáætlun, með þeim breytingum sem gerðar voru á fundinum og vísar henni til kynningar og umsagnar í fastanefndum bæjarins, ungmennaráði, öldungaráði og samráðshópi um málefni fatlaðs fólks.


Hilda Jana Gísladóttir S-lista sat hjá og óskar bókað:

Ég tel mjög mikilvægt að koma á laggirnar fjölmenningarráði hjá Akureyrarbæ og tel að það ætti að vera ein aðgerða stefnu um íbúasamráð.

Bæjarráð felur sviðsstjóra fræðslu- og lýðheilsusviðs að afla frekari upplýsinga um málið og leggja fyrir bæjarráð í næstu viku.

Bæjarráð þakkar fyrir ábendingarnar.


Hilda Jana Gísladóttir S-lista og Jana Salóme Ingibjargar Jósepsdóttir V-lista óska bókað:

Við ítrekum vonbrigði okkar með að ekki hafi verið tekið tillit til ábendinga Jafnréttisstofu áður en tekin var ákvörðum um verulega kerfisbreytingu á fyrirkomulagi leikskóla sveitarfélagsins.

Bæjarráð felur Huldu Elmu Eysteinsdóttur og Jönu Salóme Ingibjargar Jósepsdóttur ásamt sviðsstjóra umhverfis- og mannvirkjasviðs og forstöðumanni umhverfis- og sorpmála að forgangsraða og kostnaðarmeta aðgerðirnar og leggja áætlunina fyrir bæjarráð að nýju.


Hilda Jana Gísladóttir S-lista óskar bókað:

Umhverfis- og loftslagsstefna Akureyrarbæjar var samþykkt í bæjarstjórn í maí árið 2022, þá lágu fyrir drög að aðgerðaáætlun. Það er miður að nú sé að ljúka annarri fjárhagsáætlun frá því að stefnan var samþykkt og aðgerðaáætlun hennar enn ekki samþykkt, þrátt fyrir að það sé lögbundin skylda sveitarfélaga.

Bæjarráð tekur bókun Heilbrigðisnefndar Norðurlands eystra vegna svifryks alvarlega og leggur áherslu á að brugðist sé við þeim. Bæjarráð telur mikilvægt að bæta við áreiðanlegum svifryksmælum og flýta endurskoðun á verklagsreglum vegna loftmengunar. Bæjarráð vísar málinu áfram til umhverfis- og mannvirkjasviðs.

Bæjarráð tekur jákvætt í erindið.


Sunna Hlín Jóhannesdóttir B- lista situr hjá og óskar bókar:

Ég tel mikilvægara að verja fjármunum sveitarfélagsins til ferðar til Danmerkur til að kynna sér lífsgæðakjarna eldri borgara þar sem vinna við uppbyggingu þeirra er að hefjast í janúar. Stutt er síðan hópur kjörinna fulltrúa fór erlendis til að kynna sér líforkuver og samræmist það að einhverju leyti þessari ferð sem um ræðir hér.

Bæjarráð tilnefnir Ásthildi Sturludóttur bæjarstjóra sem fulltrúa Akureyrarbæjar í matsnefndinni og Pétur Inga Haraldsson skipulagsfulltrúa til vara.

Bæjarráð samþykkir að nýta ekki forkaupsréttinn.