Deiliskipulag vegna akstursíþrótta- og skotsvæðis á Glerárdal, niðurstaða bæjarstjórnar

Bæjarstjórn Akureyrarkaupstaðar hefur þann 21. janúar 2014 samþykkt deiliskipulagsbreytingu fyrir akstursíþrótta- og skotsvæði á Glerárdal í samræmi við 3. mgr. 41. gr. skipulagslaga nr. 123/2010.

Skipulagssvæðið afmarkast af Hlíðarfjallsvegi í norðri, opnu svæði í austri, Glerá í suðri og fjallskilagirðingu í vestri.

Deiliskipulagið felur m.a. í sér að skipulagsmörkum er breytt og stækkar skipulagssvæðið til vesturs.

Tillagan var auglýst frá 13. nóvember til 27. desember 2013. Alls bárust 9 athugasemdir sem hlotið hafa viðeigandi umfjöllun.

Deiliskipulagið hefur verið sent Skipulagsstofnun og tekur það gildi með auglýsingu í B-deild Stjórnartíðinda.

Þeir sem óska nánari upplýsinga um tillöguna og niðurstöðu bæjarstjórnar, geta snúið sér til skipulagsdeildar, Akureyrarkaupstaðar, Geislagötu 9, 3. hæð.

29. janúar 2014

Skipulagsstjóri Akureyrarkaupstaðar