Þrettán verkefni hljóta styrk

Barnamenningarhátíð verður haldin þriðja sinni á Akureyri dagana 21.-26. apríl nk. Á fundi stjórnar Akureyrarstofu í síðustu viku voru lagðar fram og samþykktar tillögur fagráðs um styrkveitingar til verkefna á Barnamenningarhátíð 2020.

Verkefni sem hljóta styrk 2020:

• Snjallsmiðja á Amtsbókasafninu
• Listasmiðja og listasýning í Akureyrarkirkju
• Rokkandi Rapp - tónleikar fyrir börn og unglinga
• Raddir barna á Akureyri
• Cosplay-smiðja / Búningasmiðja
• Kúristund, teiknileikni og hávaði á söfnunum í Innbænum
• Ritlistasmiðja á Amtsbókasafninu
• Barn sem nýtur réttinda sinna
• Föndrað í Ráðhúsinu
• Óperukæti í leikskólum Akureyrar
• Hæfileikakeppni Akureyrar
• Myndlistarverkstæði
• Veggspjöld fyrir Tröllið í Hofi

Markmið Barnamenningarhátíðar á Akureyri er að hvetja börn og ungmenni til virkrar þátttöku í menningarstarfi og veita þeim tækifæri til að njóta lista og menningar. Sérstök áhersla er lögð á verkefni sem efla sköpunarkraftinn.