Sólstöðuhátíð við heimskautsbaug

Mynd: Gyða Henningsdóttir

Í dag hefst sumarsólstöðuhátíðin í Grímsey. Grímseyingar fagna þessum tímamótum árlega og bjóða gestum og gangandi að fagna með sér.

Hér er stiklað á stóru í dagskrá hátíðarinnar:

Föstudagur 21. júní
Kl. 15.00: Sólstöðuhátíðin sett við lestina. Leikjadagskrá fyrir alla.
Kl. 21.00: Kvöldsigling í kringum Grímsey
Kl. 23.00: Tónleikar við Básavíkina, hópsöngur við undirleik Páls Orra og horft á sólsetrið.

Laugardagur 22. júní
Sjóstangaveiði í boði Þiðriks (tími og frekari upplýsingar á staðnum).
Kl. 19.00: Sjávarréttakvöld Kvenfélagsins Baugs í félagsheimilinu Múla (7.500 kr. á mann)
Kl. 21.00: Barnaball í Múla
Kl. 22.00: Dansleikur í Múla

Þeir viðburðir sem haldnir eru utandyra eru háðir veðri.

Afgreiðslutímar og þjónusta:
Verslun: Alla daga milli 15.00-16.00.
Veitingastaðurinn Krían: Föstudag 12.00-23.00, laugardag 12.00-21.00, sunnudag 12.00-21.00.
Sundlaugin: Föstudag 17.30-18.45.
Galleríið: Opið á meðan ferjan stoppar.

Leiksvæði fyrir börnin alla daga.

Ferjan Sæfari siglir á milli Dalvíkur og Grímseyjar fimm daga vikunnar og Norlandair flýgur milli Akureyrar og Grímseyjar þriðjudag og sunnudag.

Allar nánari upplýsingar má finna á www.grimsey.is.