Gögn sem varða byggingar- og skipulagsmál á island.is og skipulagsgatt.is

Mynd: María Helena Tryggvadóttir.

Nú birtast öll gögn frá byggingarfulltrúa og skipulagsráði, afgreiðsla erinda, grenndarkynningar og upplýsingar um önnur sértæk skipulagsmál í pósthólfum þeirra sem málið varðar á island.is.

Slík birting fer eftir lögum nr. 105/2021 um stafrænt pósthólf í miðlægri þjónustugátt stjórnvalda.

Allir einstaklingar með íslenska kennitölu, sem og lögaðilar sem skráðir eru í fyrirtækjaskrá, eiga nú þegar pósthólf á island.is. Gögn frá byggingarfulltrúa og skipulagsráði sem varða viðkomandi má nálgast með því að skrá sig inn á island.is en einnig er mjög handhægt að hlaða niður smáforriti (appi) frá island.is sem veitir aðgang að gögnum frá opinberum stofnunum.

Nota skal Skipulagsgáttina (skipulagsgatt.is) til að senda inn athugasemdir vegna grenndarkynninga og breytinga á skipulagi en þar má nálgast allar upplýsingar um þær skipulagsbreytingar sem eru í gangi.

Hér má nálgast leiðbeiningar um hvernig skal nota skipulagsgáttina.