Framkvæmdir hefjast á mánudag í Móahverfi

Hér má sjá þann hluta Borgarbrautar sem þarf að loka fyrir umferð bíla, hjólandi og gangandi vegna framkvæmdanna.

Framkvæmdir hefjast í Móahverfi mánudaginn 25. september og þar með verður nyrsta hluta Borgarbrautar lokað sem sjá má á meðfylgjandi mynd. Einnig mun koma til tímabundinna lokana á hluta Síðubrautar en það verður nánar auglýst síðar. Allri umferð vinnuvéla og þungra ökutækja verður beint um stofn- og tengibrautir til að lágmarka ónæði í íbúðahverfum.

Í undirbúningi er stofna póstlista þar sem fólk getur skráð netfang sitt til að fá vikulegar fréttir af framkvæmdum og gangi mála í hinu nýja Móahverfi. Nánar um það hér á heimasíðunni og á samfélagsmiðlum Akureyrarbæjar á allra næstu dögum. 

Móahverfi er nýtt íbúðahverfi í norðvesturhluta Akureyrar þar sem gert er ráð fyrir að byggðar verði allt að 1.100 íbúðir á næstu árum. 

Nánari upplýsingar um Móahverfi er að finna hér.