Álfar og langspil á Barnamenningarhátíð

Frá opinni smiðju í langspilsleik í Minjasafninu á Akureyri

Ýmis konar smiðjur og vinnustofur hafa einkennt fyrstu þrjár vikur Barnamenningarhátíðar sem stendur fram að mánaðamótum á Akureyri.

Eyjólfur Eyjólfsson heimsótti skóla bæjarins með langspil í farteskinu og lauk sinni ferð með opinni smiðju í Minjasafninu. Þar var einnig haldin orgelsmiðja sem og myndasögusmiðja í Nonnahúsi með Agli Loga Jónassyni. Gilfélagið opnaði myndlistarverkstæði í Deiglunni sem er orðinn árviss viðburður Barnamenningarhátíðar. Á Listasafninu var haldin listasmiðja sem fjallaði um álfa og huldufólk og náttúruna í kringum okkur. Auk þess voru opnaðar tvær nýjar sýningar með verkum barna í Sundlaug Akureyrar og Hofi.

Núna á fimmtudag, sumardaginn fyrsta, verður boðið upp á fjölbreytta dagskrá í Listasafninu, Deiglunni, Minjasafninu og Hofi. Hápunkti hátíðarinnar verður svo náð með fjölskyldutónleikum Sumartóna þar sem Emmsjé Gauti stígur á stokk.

Á dagskrá næstu daga:

• Hæfileikakeppni Akureyrar í Hofi – miðvikudaginn 24. apríl kl. 16.00
• Lútu og gítarstuð í Akureyrarkirkju – miðvikudaginn 24. apríl kl. 16.30
• Opin skartgripasmiðja á Amtsbókasafninu – föstudaginn 26. apríl kl. 16.00 – 19.00
• Bývaxpappírssmiðja á Amtsbókasafninu – laugardaginn 27. apríl kl. 12.00
• Leikfangasmiðja Jonnu og Bildu á Iðnaðarsafninu – laugardaginn 27. apríl kl. 13.00
• FAR Fest Afríka á Minjasafninu – laugardaginn 27. apríl kl. 14.00
• Tónungar í Rósenborg – sunnudaginn 28. apríl kl. 10.00, 13.00 og 14.00.

Dagskrá sumardaginn fyrsta:

• Ýmislegt allskonar, opin smiðja í Listasafninu á Akureyri – kl. 12.00 – 15.00
• Opinn dagur í Braggaparkinu – kl. 12.00 – 16.00
• Húlasmiðja á Minjasafninu – kl. 13.00
• Sýning Samlagsins sköpunarverkstæði – kl. 14.00 – 17.00
• Litla skrímslið og stóra skrímslið í Hofi – kl. 14.00 og 14.45
• Andlitsmálning fyrir krakka með STEPS í Hofi – kl. 14.00 – 16.00
• STEPS Dancecenter með dansatriði í Hofi – kl. 14.15 og 16.00
• Álfar og huldufók leiðsögn í Hofi – kl. 14.30
• Sumarstuð Blásarasveitarinnar í Hofi – kl. 15.00
• Far Fest Afríka í Hofi – kl. 15.30
• Sumartónar með Emmsjé Gauta og Skandal – kl 17.00

Hægt er að sjá alla dagskrána á Barnamenning.is.

Við hvetjum við gesti að nota myllumerkið #barnamenningAK

Smellið á myndirnar að neðan til að sjá stærri útgáfur og fletta á milli þeirra.