Bæjarstjórn Akureyrarkaupstaðar hefur þann 15. október 2019 samþykkt eftirfarandi skipulagsáætlanir:
Lóð við Glerárskóla – breyting á Aðalskipulagi Akureyrar 2018-2030 í samræmi við 2. mgr. 36. gr skipulagslaga nr. 123/2010
Breyting er gerð á reit S27 þar sem lóð Glerárskóla er stækkuð til vestur vegna byggingar á nýjum leikskóla. Ein athugasemd barst sem leiddi ekki til breytinga á skipulaginu.
Skólasvæðið við Höfðahlíð – deiliskipulagstillaga í samræmi við 3. mgr. 41. gr skipulagslaga nr. 123/2010
Skipulagssvæðið afmarkast af Höfðahlíð í suðri, Drangshlíð í vestri, Þórssvæði í norðri og Háhlíð í austri. Í deiliskipulaginu fyrir Höfðahlíð felst í að afmarkaður er byggingarreitur fyrir nýjan leikskóla með tengingu við suðurhlið núverandi íþróttahúss. Þá er gert ráð fyrir breytingum á núverandi bílastæðum auk nýrra bílastæða á suðvesturhluta svæðisins, með aðgengi frá Drangshlíð. Tvær athugasemdir bárust sem leiddu til minniháttar breytinga á skipulaginu.
Glerárgil – neðsti hluti – deiliskipulagsbreyting í samræmi við 3. mgr. 41. gr skipulagslaga nr. 123/2010
Skipulagssvæðið afmarkast af Borgarbraut í suðri, Skarðshlíð í vestri, Höfðahlíð í norðri og opnu svæði og Lönguhlíð í austri. Tillagan gerir ráð fyrir breytingu á afmörkun skipulagssvæðisins í samræmi við nýtt deiliskipulag fyrir skólasvæðið við Höfðahlíð. Ein athugasemd barst sem leiddi til minniháttar breytingar á skipulaginu.
Hlíðahverfi - suðurhluti – deiliskipulagsbreyting í samræmi við 3. mgr. 41. gr skipulagslaga nr. 123/2010
Skipulagssvæðið afmarkast af Hörgárbraut í austri, opnu svæði við Glerá í suðri, höfðahlíð og Glerárskóla í vestri og Skarðshlíð og Undirhlíð í norðri . Tillagan gerir ráð fyrir breytingu á afmörkun skipulagssvæðisins í samræmi við nýtt deiliskipulag fyrir skólasvæðið við Höfðahlíð. Engar athugasemdir bárust.
Tillögurnar voru auglýstar frá 14. ágúst til 25. september 2019. Skipulagsáætlanirnar hafa verið sendar Skipulagsstofnun til afgreiðslu og taka í kjölfarið gildi með auglýsingu í B-deild Stjórnartíðinda.
Þeir sem óska nánari upplýsinga um tillögurnar og niðurstöðu bæjarstjórnar, geta snúið sér til skipulagssviðs, Akureyrarkaupstaðar, Geislagötu 9, 3. hæð.
6. nóvember 2019
Sviðsstjóri skipulagssviðs