Hlíðarfjall, skíðasvæði við Akureyri – Tillaga að deiliskipulagi

Bæjarstjórn Akureyrarkaupstaðar auglýsir hér með skv. 41. gr. skipulagslaga nr. 123/2010 endurskoðaða tillögu að deiliskipulagi
ásamt umhverfisskýrslu skv. 7. gr. laga nr. 105/2006 um umhverfismat áætlana. Í endurskoðuninni var tekið tillit til athugasemda sem bárust vegna auglýsingar fyrri tillögu.

Deiliskipulagið nær til skíðasvæðisins í Hlíðarfjalli. Tillagan gerir m.a. ráð fyrir nýjum skíðalyftum, þjónustumiðstöð, gistiskálum og hótelum. Nýjar skíðaleiðir eru skilgreindar og gert ráð fyrir nýju vatnssöfnunarlóni til snjóframleiðslu.

Uppdrátt ásamt greinargerð er hægt að skoða hér að neðan og einnig í þjónustuanddyri Akureyrarkaupstaðar, Geislagötu 9, 1. hæð og hjá Skipulagsstofnun frá 11. desember  til  22. janúar 2014, svo að þeir sem þess óska geti kynnt sér tillöguna og gert við hana athugasemdir.

Frestur til að gera athugasemdir við tillöguna rennur út kl. 16:00 miðvikudaginn 22. janúar 2014 og skal athugasemdum skilað skriflega til skipulagsdeildar Akureyrarkaupstaðar, Geislagötu 9, 3. hæð eða með tölvupósti (skipulagsdeild@akureyri.is) þar sem nafn, kennitala og heimilisfang sendanda kemur fram. Hver sá sem ekki gerir athugasemdir við tillöguna innan þessa frests telst vera henni samþykkur.

Greinargerð

Uppdráttur 1:2500

Uppdráttur 1:6500

11. desember 2013

Skipulagsstjóri Akureyrarkaupstaðar