Deiliskipulag 3. áfanga Hálanda, niðurstaða bæjarstjórnar

Bæjarstjórn Akureyrarkaupstaðar hefur þann 19. júlí 2018 samþykkt deiliskipulag 3. áfanga Hálanda í samræmi við 3. mgr. 41. gr. skipulagslaga nr. 123/2010.
Skipulagssvæðið liggur norðan Hlíðarfjallsvegar, frá bænum Hlíðarenda og upp að núverandi frístundabyggð í Hálöndum. Í deiliskipulaginu er gerir m.a. ráð fyrir götum, göngustígum, leiksvæði og byggingarreitum fyrir 48 frístundahús.

Tillagan var auglýst frá 16. maí til 27. júní 2018.
Athugasemdir bárust sem hafa verið teknar til umfjöllunar og skipulaginu breytt í samræmi við umsögn Norðurorku og Minjastofnunar. Deiliskipulagið hefur verið sent Skipulagsstofnun og tekur það gildi með auglýsingu í B-deild Stjórnartíðinda.
Þeir sem óska nánari upplýsinga um tillöguna og niðurstöðu bæjarstjórnar, geta snúið sér til skipulagssviðs, Akureyrarkaupstaðar, Geislagötu 9, 3. hæð.

15. ágúst 2018
Sviðsstjóri skipulagssviðs