Akureyrarflugvöllur, færsla á girðingu og reiðleið/göngustíg – Tillaga að deiliskipulagsbreytingu

Bæjarstjórn Akureyrarkaupstaðar auglýsir hér með skv. 1. mgr. 41. gr. skipulagslaga nr. 123/2010, tillögu að breytingu á deiliskipulagi Akureyrarflugvallar.
Um er að ræða breytingu sem gerð er til samræmis við nýstaðfest Aðalskipulag Akureyrar 2018-2030 vegna uppsetningar á aðflugsbúnaði/loftnetsbúnaði við flugbrautina. Í breytingunni felst að girðing við suðurenda flugbrautar er framlengd beint í austur út að Eyjafjarðará sem einnig felur í sér færslu á reiðleið/gönguleið yfir Eyjafjarðará.
Tillöguuppdráttur ásamt greinargerð er til sýnis á 1. hæð, í Ráðhúsi Akureyrarkaupstaðar, Geislagötu 9, frá 15. ágúst til 26. september 2018, svo að þeir sem þess óska geti kynnt sér tillöguna og gert við hana athugasemdir. Tillagan er einnig aðgengileg hér að neðan:

Akureyrarflugvöllur - tillaga að deiliskipulagsbreytingu

Frestur til að gera athugasemdir við tillöguna rennur út kl. 16:00 fimmtudaginn 26. september og skal athugasemdum skilað skriflega til Skipulagssviðs Akureyrarkaupstaðar, Geislagötu 9, 3. hæð eða með tölvupósti (skipulagssvid@akureyri.is) þar sem nafn, kennitala og heimilisfang sendanda kemur fram.

15. ágúst 2018
Sviðsstjóri skipulagssviðs