Skipulagsráð

Lögð fram að nýju að lokinni grenndarkynningu skv. 44. gr. skipulagslaga nr. 123/2010 umsókn um leyfi til að byggja tveggja hæða íbúðarhús á lóðinni Móasíðu 1. Afgreiðslu málsins var frestað á fundi skipulagsráðs 23. september sl. Er tillagan lögð fram með eftirfarandi breytingum:

- Stærð á nýju fjölbýlishúsi verði 900 m² í stað 1.000 m².

- Ekki lengur gert ráð fyrir flötu þaki þannig að hámarks vegghæð verður 6,3 m í stað 7,6 m.

- Byggingarreitur syðst færist um 80 cm til norðurs og verður 3,4 m frá lóðarmörkum.

- Vesturhluti byggingarreitar minnkar um 1 m.

- Hámarksfjöldi íbúða fer úr 12 íbúðum í 10.

Eru grenndarkynningargögn lögð fram ásamt innkomnum athugasemdum, greinargerð umsækjanda dagsettri 2. september 2020 og samþykki eigenda íbúða í Móasíðu 1 ásamt tillögu að umsögn um efni innkominna athugasemda.

Á fundinn kom Ingólfur Guðmundsson frá Kollgátu og kynnti tillöguna nánar.

Lögð fram tillaga að lýsingu breytingar á aðalskipulagi fyrir svæði sem afmarkast af Byggðavegi, Þingvallastræti, Þórunnarstræti og Hrafnagilsstræti. Svæðið er í dag að hluta skilgreint sem íbúðarsvæði (þéttingarreitur), samfélagsþjónusta (S12) og verslun og þjónusta (VÞ7 og VÞ8). Er í breytingunni gert ráð fyrir að allt svæðið verði skilgreint sem miðsvæði með blandaðri landnotkun samfélagsþjónustu, verslunar- og þjónustu og íbúðarsvæðis. Er meðal annars gert ráð fyrir að á svæðinu verði byggð heilsugæsla.

Lagðar fram athugasemdir og umsagnir sem bárust við kynningu á tillögu að deiliskipulagi Holtahverfis norður. Þá er jafnframt lagt fram bréf Búfestis dagsett 2. október 2020 varðandi ósk um að fá formlega úthlutað hluta svæðisins til uppbyggingar í samvinnu við EBAK. Er gert ráð fyrir að a.m.k. helmingur íbúðanna verði fyrir 60 plús.

Guðmundur Baldvin Guðmundsson bar upp vanhæfi sitt í málinu og var það samþykkt. Vék hann af fundi við umræður og afgreiðslu málsins.

Lögð fram tillaga að breytingu á aðalskipulagi sem felur í sér minniháttar breytingu á ákvæðum varðandi íbúðasvæði ÍB17 og ÍB18 til samræmis við tillögu að deiliskipulagi Holtahverfis norður sem er í vinnslu.

Erindi dagsett 2. október 2020 þar sem Tryggvi Tryggvason fyrir hönd B.E. Húsbygginga sækir um breytt deiliskipulag lóðar nr. 57 við Kjarnagötu. Eru breytingarnar eftirfarandi:

1. Nýtingarhlutfall húss verði 1,25 vegna kjallara og fjölgun íbúða (reikna með að nota ca. 1,2).

2. Nýtingarhlutfall bílgeymslu verði 0,40 (reikna með að nota ca. 0,32).

3. Breikkun byggingarreits í austur um 0,6 m.

4. Hliðrun byggingarreits á 4. hæð um allt að 10 m í suður.

5. Lágmarkslofthæð bílakjallara verði 2,3 m.

6. Aðkoma að leiksvæði verði suður og niður fyrir hús eftir gangstétt og þaðan inn á leiksvæði.

7. Svalagangar og stigahús fái að ná 1,6 m út fyrir byggingarreit (eins og svalir almennt).

Lagt fram til kynningar minnisblað sviðsstjóra skipulagssviðs dagsett 1. október 2020 um stöðu uppbyggingar íbúða í Hagahverfi.

Lagt fram minnisblað Karólínu Gunnarsdóttur sviðsstjóra búsetusviðs dagsett 7. október 2020 varðandi möguleikan á að nýta lóðina Krókeyri 1 fyrir byggingu búsetukjarna.

Lagt fram erindi Sunnu Axelsdóttur, dagsett 7. október 2020, f.h. Bústólpa ehf. þar sem ítrekuð er ósk um að fá úthlutaða nýja lóð fyrir starfsemina á Norðurtanga. Þá er jafnframt lagt fram erindi Eiríks S. Jóhannssonar f.h. Slippsins á Akureyri, dagsett 17. september 2020 um lóðir og skipulag á svæðinu.

Erindi dagsett 2. október 2020 þar sem Rut Jónsdóttir fyrir hönd Akureyrarbæjar sækir um framkvæmdaleyfi fyrir landmótun við Jaðarsvöll í formi haugsetninga.

Byggingarfulltrúi óskar umsagnar skipulagsráðs um erindi dagsett 2. október 2020 þar sem Arnar Freyr Jónsson sækir um byggingarleyfi fyrir viðbyggingu við hús nr. 114 við Mýrarveg. Fyrirhuguð viðbygging er við kjallara og er 16 m² og hugsuð sem köld útigeymsla og þakið sem gólf á verönd.

Fyrirspurn dagsett 27. september 2020 þar sem Bryndís Lind Bryngeirsdóttir leggur til að breyting verði gerð á skipulagi lóða 2-6 við Matthíasarhaga og jafnvel líka Matthíasarhaga 8-12. Lagt er til að lóðunum verði breytt úr tveggja hæða einbýlishúsalóðum í lóðir fyrir parhús á einni hæð.

Lögð fram tillaga um að máluð verði gangbraut á útivistarstíg meðfram Drottningarbraut þar sem hann fer yfir innkeyrslu að Leirunesti frá Drottningarbraut.

Erindi dagsett 20. september 2020 þar sem Axel Albert Jensen leggur inn fyrirspurn varðandi opnun Hopp rafskútuleigu á Akureyri. Þá er jafnframt lögð fram tillaga að þjónustusamningi um stöðvalausa hjólaleigu sem byggir á sams konar samningi og Reykjavíkurborg hefur gert við Hopp.

Erindi dagsett 22. september 2020 þar sem Sólveig Gunnarsdóttir leggur inn fyrirspurn varðandi nýtingu hluta lóðar Undihlíðar 3 sem stæði fyrir kerrur og hjólhýsi tímabundið. Húsfélag hússins hefur þegar samþykkt þessa breytingu.

Erindi dagsett 7. október 2020 þar sem Eik fasteignafélag hf. sækir um leyfi fyrir birtingu auglýsinga á útiskilti Eikar á lóð Glerártorgs. Óskað er eftir leyfi til að birta aðrar auglýsingar á skiltinu heldur en þær er auglýsa þjónstu/vörur Glerártorgs.

Erindi dagsett 30. september 2020 þar sem Elísabet Karlsdóttir sækir um einkastæði og P merki við hús nr. 2 við Laxagötu.

Erindi dagsett 21. september 2020 þar sem Anton Berg Carrasco leggur inn fyrirspurn hvort leyfi fengist fyrir byggingu bílgeymslu á lóð nr. 29 við Munkaþverárstræti.

Erindi dagsett 8. október 2020 þar sem ljósmyndaklúbburinn ÁLFkonur sækir um leyfi til að halda ljósmyndasýningu á Ráðhústorgi. Sýningin er í formi stöpla sem yrðu færðir sem fyrst frá núverandi stað við Drottningarbraut og á Ráðhústorg og fengju að standa fram til aðventuhátíðar sem er 20.- 23. nóvember nk.

Erindi dagsett 22. september 2020 þar sem B.E. Húsbyggingar ehf. sækja um lóð nr. 55 við Kjarnagötu.

Erindi dagsett 30. september 2020 þar sem Kista Byggingarfélag ehf. sækir um lóð nr. 11 við Margrétarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 13 við Margrétarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 15 við Margrétarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 17 við Margrétarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 7 við Matthíasarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 9 við Matthíasarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 11 við Matthíasarhaga.

Erindi dagsett 30. september 2020 þar sem Kista Byggingarfélag ehf. sækir um lóð nr. 13 við Matthíasarhaga.

Erindi dagsett 8. október 2020 þar sem Jón Kristinn Valdimarsson sækir um lóð nr. 15 við Nonnahaga. Meðfylgjandi er yfirlýsing viðskiptabanka.

Erindi dagsett 5. október 2020 þar sem Alexander Benediktsson sækir um lóð nr. 17 við Nonnahaga.

Erindi dagsett 4. október 2020 þar sem Valur Þór Marteinsson sækir um lóð nr. 8 við Búðartanga. Meðfylgjandi er yfirlýsing viðskiptabanka.

Lögð fram tillaga að endurskoðaðri gjaldskrá fyrir þjónustu skipulagssviðs.

Lögð fram til kynningar fjárhagsáætlun skipulagssviðs fyrir árið 2021 til samræmis við fyrirliggjandi fjárhagsramma.

Lögð fram tillaga að starfsáætlun skipulagssviðs 2021.

Lögð fram til kynningar fundargerð 782. fundar, dagsett 16. september 2020, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 783. fundar, dagsett 24. september 2020, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.

Lögð fram til kynningar fundargerð 784. fundar, dagsett 2. október 2020, með fullnaðarafgreiðslum erinda. Fundargerðin er í 4 liðum og er að finna á heimasíðu Akureyrarbæjar.