Miðbær suðurhluti - deiliskipulag Drottningarbrautarreits.

Skipulagsnefnd skipar Helga Snæbjarnarson L-lista, Evu Reykjalín Elvarsdóttur L-lista og Sigurð Guðmundsson A-lista í vinnuhóp vegna vinnslu endurskoðaðs deiliskipulags fyrir Drottningarbrautarreit.

Auður Jónasdóttir V-lista óskar bókað að vonandi sé þessi vinna bara upphafið að heildarstefnumörkun meirihlutans um framtíð miðbæjarins.

Frestað.

Skipulagsnefnd leggur til við bæjarstjórn að skipulagslýsingin verði kynnt almenningi og leitað verði umsagnar skipulagsstofnunar og annarra umsagnaraðila um skipulagslýsinguna.

Edward H. Huijbens V-lista óskaði bókað: Við gerð deiliskipulags á þessum reit er nauðsynlegt að horfa til miðbæjarskipulags í heild sinni og er nauðsynlegt að horfa til varanlegra framtíðarlausna fyrir umferðamiðstöð. Núverandi hugmyndir um að setja hana sunnan Austurbrúnar ganga ekki að mati fulltrúa V-lista. Einnig leggur fulltrúi V-lista áherslu á að göngu- og hjólastígur fái skilgreindan sess, sem tengist heildarmynd af gönguleiðum á svæðinu.

Skipulagsnefnd þakkar Árna Ólafssyni fyrir kynninguna.
Frestað.

Bæjarráð þakkar þeim Árna og Pétri Bolla fyrir kynninguna.

Meirhluti skipulagsnefndar leggur til við bæjarstjórn að tillagan ásamt breytingaruppdrætti af samþykktu deiliskipulagi miðbæjarins og hljóðskýrslu verði auglýst skv. 1. mgr. 41. gr. skipulagslaga nr. 123/2010.

Haraldur S. Helgason L-lista óskar bókað að hann greiði atkvæði gegn tillögunni þar sem hann telur að leyfð hæð húsa á lóðum A2 - A12 sé of mikil. Að öðru leyti er hann sammála tillögunni.

Ólafur Jónsson D-lista gerði athugasemdir við að ekki væri nýtt heimild í aðalskipulagi um 3ja hæða hús á lóðum A2 - A12 og lagði fram tillögu um að málinu yrði frestað og því vísað aftur til skipulagsnefndar.

Tillaga Ólafs Jónssonar var borin upp og felld með 9 atkvæðum gegn 2 atkvæðum Ólafs Jónssonar D-lista og Loga Más Einarssonar S-lista.

Bæjarstjórn samþykkir tillögu meirihluta skipulagsnefndar með 10 samhljóða atkvæðum. Ólafur Jónsson D-lista sat hjá við afgreiðslu.

Innkomnar athugasemdir lagðar fram og yfirfarnar.

Skipulagsnefnd frestar afgreiðslu málsins.

Innkomnar athugasemdir lagðar fram. Drög að húsakönnun yfirfarin.

Skipulagsnefnd frestar afgreiðslu málsins.

Skipulagsnefnd þakkar Árna Ólafssyni fyrir kynninguna á húsakönnuninni.

Svör við athugasemdum koma fram í skjali merktu "Drottningarbraut - ath. og svör 14.3.2012".

Meirihluti skipulagsnefndar leggur til við bæjarstjórn að deiliskipulagstillagan þannig breytt ásamt breytingaruppdrætti fyrir deiliskipulag Miðbæjar verði samþykkt og skipulagsstjóra falið að annast gildistöku þeirra.

Sóley Björk Stefánsdóttir V-lista óskar bókað:

Þó ánægjulegt sé að reiturinn sé nú skipulagður án bensínstöðvar og lúgusjoppu er ýmislegt sem betur má fara. Ég tek undir athugasemdir Húsafriðunarnefndar og fjölmargra íbúa varðandi áætlaða hótelbyggingu í suðurenda reitsins sem brýtur gegn byggðarmynstri og sjónarrönd miðbæjarins  sem byggir á hækkandi hæðarlínu í átt til miðbæjar auk þess að vera í ósamræmi við núverandi byggð hvað varðar stærðarhlutföll. Varðandi íbúabyggð á austanverðum reitnum tel ég mikilvægt að byggt verði í gömlum stíl af virðingu við þau fallegu gömlu hús sem nú marka ásýnd suðurhluta miðbæjarsvæðisins og eru góð dæmi um sérkenni í húsagerðarlist Akureyringa frá síðustu aldamótum. Ég legg til að sérstök ákvæði verði sett í greinargerð deiliskipulagsins um að ytra byrði nýju húsanna svo sem, klæðning, gluggagerð, geretti og annað skraut eigi sér fyrirmynd í þeim húsum á svæðinu sem njóta hverfisverndar. Ég sit því hjá við afgreiðslu málsins.

Bæjarstjórn samþykkir tillögu meirihluta skipulagsnefndar með 9 atkvæðum gegn atkvæði Guðmundar Baldvins Guðmundssonar B-lista.

Njáll Trausti Friðbertsson D-lista sat hjá við afgreiðslu.