Íbúalýðræði og gagnsæ stjórnsýsla

Bæjarráð samþykkir framlagða tillögu að erindisbréfi vinnuhóps um stefnumótun í íbúalýðræði og gagnsærri stjórnsýslu fyrir Akureyrarbæ með þeim breytingum sem gerðar voru á fundinum.

Bæjarráð þakkar Andreu fyrir yfirferðina.

Bæjarráð þakkar þeim Andreu Sigrúnu, Guðmundi Heiðari og Albertínu Friðbjörgu fyrir kynninguna og felur vinnuhópnum að vinna að útfærslum á tillögunum í samræmi við umræður á fundinum.

Bæjarráð þakkar vinnuhópnum fyrir vel unnin störf og Andreu Sigrúnu kynninguna.

Bæjarráð vísar niðurstöðum vinnuhópsins til umræðu í bæjarstjórn og óskar eftir því við forseta bæjarstjórar að málið verði tekið til umræðu á fundi bæjarstjórnar 6. september nk.

Bæjarráð skipar bæjarfulltrúana Dagbjörtu Pálsdóttur, Guðmund Baldvin Guðmundsson og Sóleyju Björk Stefánsdóttur í verkefnahóp til að skoða mögulegar útfærslur á persónukjöri. Þá felur bæjarráð Akureyrarstofu að hefja vinnu við upplýsingastefnu og skulu drög að stefnunni lögð fram fyrir 31. mars nk. Varðandi tillögu um íbúaráð er bæjarstjóra falið að boða til sameiginlegs fundar með bæjarfulltrúum og hverfisnefndum. Ennfremur er bæjarstjóra og fjármálastjóra falið að skoða möguleika á opnu bókhaldi og skoða í því sambandi nýlega útfærslu Kópavogsbæjar og samráð þeirra við íbúa við gerð fjárhagsáætlunar.

Bæjarráð ákveður að setja á fót starfshóp til að vinna að tilraunaverkefni og felur forseta bæjarstjórnar að útbúa erindisbréf fyrir hópinn og leggja fyrir bæjarráð.

Bæjarráð skipar í starfshópinn bæjarfulltrúana Guðmund Baldvin Guðmundsson og Sóleyju Björk Stefánsdóttur, Höllu Margréti Tryggvadóttur sviðsstjóra stjórnsýslusviðs og Þórgný Dýrfjörð deildarstjóra Akureyrarstofu.

Afgreiðslu frestað.

Bæjarráð staðfestir erindisbréfið.

Bæjarráð þakkar stýrihópnum og starfsmönnum fyrir góða vinnu. Jafnframt lýsir bæjarráð yfir vilja til þess að þróa áfram vinnu og verkefni við íbúasamráð. Þá samþykkir bæjarráð að þiggja boð um að senda tvo fulltrúa á tengslaráðstefnu í Tékklandi til að ræða möguleika á samstarfsverkefnum um íbúasamráð.

Bæjarráð samþykkir með fimm samhljóða atkvæðum tillögur stýrihópsins. Í þeim felst meðal annars að stofnaður verði stýrihópur um íbúasamráð, sem ætlað er að halda uppi samfellu í íbúasamráði, enda fellur það vel að nýgerðum samstarfssáttmála bæjarstjórnar. Er sviðsstjóra stjórnsýslusviðs falið að taka tillit til þessarar samþykktar við gerð fjárhagsáætlunar.

Bæjarráð samþykkir erindisbréfið og skipar Sóleyju Björk Stefánsdóttur bæjarfulltrúa í stýrihópinn. Auk hennar sitja í hópnum Jón Þór Kristjánsson verkefnastjóri upplýsingamiðlunar og Kristín Sóley Sigursveinsdóttir forstöðumaður upplýsinga- og þjónustudeildar.