Bæjarráð

3698. fundur 24. september 2020 kl. 08:15 - 10:48 Fundarsalur á 1. hæð í Ráðhúsi
Nefndarmenn
  • Guðmundur Baldvin Guðmundsson formaður
  • Halla Björk Reynisdóttir
  • Hilda Jana Gísladóttir
  • Gunnar Gíslason
  • Sóley Björk Stefánsdóttir
  • Hlynur Jóhannsson áheyrnarfulltrúi
Starfsmenn
  • Ásthildur Sturludóttir bæjarstjóri
  • Kristín Sóley Sigursveinsdóttir fundarritari
Fundargerð ritaði: Kristín Sóley Sigursveinsdóttir forstöðumaður upplýsinga- og þjónustudeildar
Dagskrá

1.Fjárhagsáætlun Akureyrarbæjar 2021-2024

Málsnúmer 2020030454Vakta málsnúmer

Unnið að gerð fjárhagsáætlunar.

Dan Jens Brynjarsson sviðsstjóri fjársýslusviðs sat fund bæjarráðs undir þessum lið. Ingibjörg Ólöf Isaksen bæjarfulltrúi og stjórnarformaður Norðurorku og Helgi Jóhannesson forstjóri Norðurorku sátu fundinn undir hluta umræðunnar. Bæjarfulltrúarnir Andri Teitsson, Eva Hrund Einarsdóttir, Heimir Haraldsson og Þórhallur Jónsson sátu einnig fund bæjarráðs undir þessum lið, gegnum fjarfundarbúnað.
Bæjarráð þakkar Helga fyrir komuna á fundinn.
Hlynur Jóhannsson mætti til fundar kl. 08:26.

2.Íbúalýðræði og gagnsæ stjórnsýsla

Málsnúmer 2015020002Vakta málsnúmer

Lagt fram minnisblað stýrihóps um íbúalýðræði og starfshóps íbúalýðræðisverkefnis hjá SVA dagsett 24. september 2020 um stöðu verkefnisins og framhald vinnunnar.
Bæjarráð samþykkir með fimm samhljóða atkvæðum tillögur stýrihópsins. Í þeim felst meðal annars að stofnaður verði stýrihópur um íbúasamráð, sem ætlað er að halda uppi samfellu í íbúasamráði, enda fellur það vel að nýgerðum samstarfssáttmála bæjarstjórnar. Er sviðsstjóra stjórnsýslusviðs falið að taka tillit til þessarar samþykktar við gerð fjárhagsáætlunar.

3.Byggðakvóti handa Hrísey og Grímsey - fiskveiðiárið 2020-2021

Málsnúmer 2020090366Vakta málsnúmer

Bréf dagsett 11. september 2020 þar sem atvinnuvega- og nýsköpunarráðuneyti tilkynnir breytingar á umsóknarferli við úthlutun byggðakvóta fyrir fiskveiðiárið 2020-2021.
Bæjarráð samþykkir með fimm samhljóða atkvæðum að fela bæjarstjóra að senda inn tillögu þess efnis að undanþága verði veitt frá vinnsluskyldu í Grímsey vegna sérstakra aðstæðna.

4.KAON - Neyðarkall vegna erfiðra aðstæðna félagsins

Málsnúmer 2020090512Vakta málsnúmer

Erindi frá Mörtu Kristínu Jónsdóttur, fyrir hönd Krabbameinsfélags Akureyrar og nágrennis, dagsett 16. september 2020 þar sem óskað er eftir stuðningi Akureyrarbæjar til að tryggja rekstur félagsins í að lágmarki eitt ár.
Bæjarráð getur ekki orðið við erindinu.

5.Stjórn Félags atvinnurekenda - áskorun til sveitarfélaga

Málsnúmer 2020090578Vakta málsnúmer

Lagt fram til kynningar erindi dagsett 18. september 2020 frá Ólafi Stephensen f.h. stjórnar Félags atvinnurekenda þar sem skorað er á sveitarfélög að lækka álagningarprósentu á atvinnuhúsnæði á næsta ári. Einnig er skorað á ríkisstjórn og sveitarfélögin að setjast að samningaborði og semja um nýtt og sanngjarnara kerfi fasteignaskatta á fyrirtæki.

6.Samtök sveitarfélaga og atvinnuþróunar á Norðurlandi eystra SSNE - fundargerðir stjórnar 2019-2020

Málsnúmer 2020020650Vakta málsnúmer

Lögð fram til kynningar fundargerð 13. fundar stjórnar Samtaka sveitarfélaga og atvinnuþróunar á Norðurlandi eystra dagsett 16. september 2020.

Fundargerðir stjórnarinnar er að finna á eftirfarandi slóð: https://www.ssne.is/is/fundargerdir/stjorn-ssne

Fundi slitið - kl. 10:48.