Bæjarstjórn

Bæjarstjórn samþykkir tillögu bæjarráðs um útsvar 2025 með 11 samhljóða atkvæðum.

Bæjarstjórn samþykkir tillögu bæjarráðs um álagningu fasteignagjalda 2025 með sjö atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista og Sverre Andreas Jakobsson B-lista sitja hjá.

Bæjarstjórn samþykkir framlagða tillögu að reglum um afslátt elli- og örorkulífeyrisþega af fasteignaskatti 2025 með 11 samhljóða atkvæðum.

Bæjarstjórn staðfestir framlagðar gjaldskrárbreytingar Norðurorku með 11 samhljóða atkvæðum.

Bæjarstjórn samþykkir framlagðar gjaldskrár Akureyrarbæjar með sjö samhljóða atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista og Sverre Andreas Jakobsson B-lista sitja hjá.


Sunna Hlín Jóhannesdóttir B-lista, Sverre Andreas Jakobsson B-lista og Ásrún Ýr Gestsdóttir V-lista óska bókað:

Af ýmsum ástæðum hefur kostnaður við leikskólastigið vaxið gríðarlega á síðustu árum sem hefur meðal annars orðið til þess að alls konar útfærslur eru nú á gjaldskrám leikskóla og vistunartíma. Í einhverjum tilvikum til að koma til móts við mönnunarvanda, vinnustyttingu og vegna aukins álags við að taka inn 12 mánaða börn. Þetta hefur minnkað álag á leikskólum en eðlilega skapað alls konar umræðu um jafnræði, jafnrétti og þjónustustig.

Langbest væri fyrir alla aðila, og ekki síst börnin sjálf, að fæðingarorlofið verði lengt og minnka þannig álagið. Eins ætti að viðurkenna leikskólann sem fyrsta skólastigið frá 4 ára aldri og gera hann gjaldfrjálsan fyrir þann hóp. Ekki bjóða upp á gjaldskrá sem mismunar fólki eftir aðstæðum þeirra. Við samþykkjum allar gjaldskrár nema gjaldskrá leikskóla.


Hilda Jana Gísladóttir S-lista óskar bókað:

Lækka hefði átt gjöld á vistunartíma barna í 8 og 8,5 tíma, en þau eru mun hærri en hjá flestum sveitarfélögum. Sem dæmi má nefna að á meðan 8,5 tímar með fullu fæði kosta á næsta ári 49.755 krónur hjá Akureyrarbæ, kostar sambærileg þjónusta 38.915 krónur í Eyjafjarðarsveit. Þá hefði átt að lækka gjaldskrá fyrir heimsendan mat félagsþjónustunnar og mat í félagsmiðstöðvum Sölku og Birtu, en maturinn er mun dýrari hér en víða annars staðar. Sem dæmi má nefna að heimsendur matur félagsþjónustunnar á Akureyri mun á næsta ári kosta 1640 kr., en hann kostaði 1194 kr. hjá Reykjavíkurborg á þessu ári. Sömu sögu er að segja með verð á mat í félagsmiðstöðvum, á Akureyri kostar hann á næsta ári 1550 kr. en 1020 fyrir eldri borgara og öryrkja í félagsmiðstöðvum Reykjavíkurborgar. Þá eru gjaldskrárhækkanir Listasafnsins ekki í samræmi við almennar gjaldskrárhækkanir Akureyrarbæjar, þar sem aðgangseyrir fyrir eldri borgara og námsmenn hækkar um 9,1% og árskort um 12,1%. Ekki hefur komið fram neinn rökstuðningur á þessu fráviki og því erfitt að meta þá hækkun.

Fjárhagsáætlunin er lögð fram og greidd atkvæði um hvern lið.



Aðalsjóður:



Aðalsjóður með rekstrarniðurstöðu 2025 að fjárhæð -1.029.321 þús. kr. og niðurstöðu á efnahagsreikningi 2025 að fjárhæð 16.703.048 þús. kr. borinn upp til afgreiðslu og samþykktur með 6 atkvæðum.

Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista, Sverre Andreas Jakobsson B-lista og Jón Hjaltason óflokksbundinn sitja hjá.


A-hluta stofnanir



i.

Fasteignir Akureyrarbæjar, rekstrarniðurstaða 2025 að fjárhæð 651.856 þús. kr.



ii.

Framkvæmdamiðstöð, rekstrarniðurstaða 2025 að fjárhæð -22.129 þús. kr.



iii.

Eignasjóður gatna, rekstrarniðurstaða 2025 að fjárhæð 188.744 þús. kr.




Allir þessir liðir A-hluta stofnana eru bornir upp í einu lagi og samþykktir með 6 atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista, Sverre Andreas Jakobsson B-lista og Jón Hjaltason óflokksbundinn sitja hjá.



Samstæðureikningur:



Samstæðureikningur A-hluta með rekstrarniðurstöðu 2025 að fjárhæð -210.850 þús. kr. og niðurstöðu á efnahagsreikningi 47.251.871 þús. kr. er borinn upp til atkvæða og samþykktur með 6 atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista, Sverre Andreas Jakobsson B-lista og Jón Hjaltason óflokksbundinn sitja hjá.



B-hluta stofnanir:



Nöfn stofnana og rekstrarniðurstöður 2025 eru:



i.

Félagslegar íbúðir, rekstrarniðurstaða -121.890 þús. kr.



ii.

Strætisvagnar Akureyrar, rekstrarniðurstaða 2.988 þús. kr.



iii.

Bifreiðastæðasjóður Akureyrar, rekstrarniðurstaða 52.608 þús. kr.



iv.

Hlíðarfjall, rekstrarniðurstaða 1.020 þús. kr.



v.

Hafnasamlag Norðurlands, rekstrarniðurstaða 590.962 þús. kr.



vi.

Gjafasjóður ÖA, rekstrarniðurstaða -48 þús. kr.



vii.

Byggingasjóður Náttúrufræðistofnunar, rekstrarniðurstaða 131 þús. kr.


viii.

Norðurorka, rekstrarniðurstaða 1.102.371 þús. kr.




Áætlanir allra þessara B-hluta stofnana bornar upp í einu lagi og samþykktar með 11 samhljóða atkvæðum.






Samstæðureikningur Akureyrarbæjar:



Samstæðureikningur Akureyrarbæjar A- og B-hluti með rekstrarniðurstöðu 2025 að fjárhæð 1.448.638 þús. kr. og niðurstöðu á efnahagsreikningi 2025 að fjárhæð 73.649.698 þús. kr. borinn upp til afgreiðslu og samþykktur með 6 atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista, Sverre Andreas Jakobsson B-lista og Jón Hjaltason óflokksbundinn sitja hjá.





Framkvæmdayfirlit Akureyrarbæjar 2025:



Fasteignir Akureyrar 2.414.000 þús. kr.



A-hluti 3.162.000 þús. kr.



B-hluti 2.949.500 þús. kr.



Samantekinn A- og B-hluti 6.111.500 þús. kr.



Framkvæmdayfirlit A- og B-hluta árið 2026 að fjárhæð 5.685.000 þús. kr., 2027 að fjárhæð 5.152.120 þús. kr. og 2028 að fjárhæð 4.792.000 þús. kr.



Framkvæmdayfirlitið borið upp og samþykkt með 6 atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista, Sverre Andreas Jakobsson B-lista og Jón Hjaltason óflokksbundinn sitja hjá.


Þriggja ára áætlun



Samstæðureikningur Akureyrarbæjar A- og B-hluta með rekstrarniðurstöðu 2026 að fjárhæð 1.663.476 þús. kr., 2027 að fjárhæð 1.859.040 þús. kr. og 2028 að fjárhæð 2.076.242 þús. kr. borinn upp til afgreiðslu og samþykktur með 6 atkvæðum.

Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista, Sverre Andreas Jakobsson B-lista og Jón Hjaltason óflokksbundinn sitja hjá.


Eftirfarandi tillögur að bókunum vegna fjárhagsáætlunar 2025 lagðar fram:


a)

Starfsáætlanir



Bæjarstjórn felur nefndum og ráðum að yfirfara starfsáætlanir í samráði við stjórnendur og gera á þeim þær breytingar sem nauðsynlegar eru með tilliti til fjárhagsáætlunar Akureyrarbæjar.



Liður a) samþykktur með sjö samhljóða atkvæðum.


Hilda Jana Gísladóttir S-lista, Ásrún Ýr Gestsdóttir V-lista, Sunna Hlín Jóhannesdóttir B-lista og Sverre Andreas Jakobsson B-lista sitja hjá.




b)

Kaup á vörum og þjónustu



Nýta skal kosti almennra útboða við framkvæmdir og vöru- og þjónustukaup þar sem því verður við komið. Sérstök áhersla verður lögð á að ná ítrustu hagkvæmni í innkaupum, markmið sveitarfélagsins í umhverfis- og loftslagsmálum og meta endurnýjunarþörf búnaðar sérstaklega. Gerðir skulu þjónustusamningar við félög, fyrirtæki og stofnanir á þeim sviðum sem hagkvæmni slíkra samninga getur notið sín.



Liður b) samþykktur með 10 samhljóða atkvæðum.


Jón Hjaltason óflokksbundinn situr hjá.




c)

Áherslur við framkvæmd fjárhagsáætlunar 2025



Bæjarstjórn ítrekar tilmæli til stjórnenda bæjarins um að gæta ítrasta aðhalds í öllum rekstri bæjarins á árinu 2025. Mikilvægt er að allri yfirvinnu sé haldið í lágmarki og þeim eindregnu tilmælum er beint til stjórnenda að meta vandlega yfirvinnuþörf og leita leiða til að draga úr henni. Jafnframt skulu stjórnendur meta sérstaklega þörf á nýráðningum og möguleika á hagræðingu með breyttu verkferli þegar störf losna.



Liður c) samþykktur með 11 samhljóða atkvæðum.




Bæjarstjórn lítur svo á að með afgreiðslu frumvarpsins hafi verið afgreidd erindi og tillögur um fjárveitingar sem borist hafa bæjarráði og vísað hefur verið til gerðar fjárhagsáætlunar.




Forseti lýsir því yfir að 6. liður dagskrárinnar ásamt 1. lið í fundargerð bæjarráðs frá 21. nóvember 2024 séu þar með afgreiddir.


Hilda Jana Gísladóttir S-lista óskar bókað:


Í þeirri fjárhagsáætlun sem hér er lögð fram er gert ráð fyrir áframhaldandi taprekstri A-hluta sveitarsjóðs, 211 m.kr. á árinu 2025 og 10 m.kr. á árinu 2026. Sá meirihluti sem hér starfar hefur ef allt fer sem horfir skilað rekstri A-hluta sveitasjóðs með tapi 4 ár í röð frá 2023-2026 sem nemur nærri 900.000.000 króna.



Það er mikið áhyggjuefni að ekki takist betur til í rekstrinum en svo að honum sé skilað með tapi ár eftir ár. Ekki síður er það áhyggjuefni, þær fyrirætlanir meirihlutans að auka skuldsetningu bæjarsjóðs verulega vegna fjárfestinga í verkefnum sem að öllu óbreyttu munu auka rekstrarkostnað sveitarfélagsins. Mun skynsamlegra væri að fjárfesta í mannvirkjum yfir lengri tíma og einbeita sér að verkefnum sem raunverulega geta dregið úr rekstrarkostnaði. Þannig mætti ná jafnvægi í rekstri og lækka álögur á íbúa og atvinnulíf með því t.d. að lækka fasteignaskatta og gjaldskrár, þá ekki síst gjaldskrár viðkvæmra hópa, eldri borgara og barnafjölskyldna.

Venju samkvæmt er einnig margt mjög jákvætt í fjárhagsáætlun sveitarfélagsins og verður sérstaklega áhugavert að fylgjast með árangri af innleiðingu hreyfikorts.

Hins vegar lýsi ég yfir áhyggjum af því að þrátt fyrir gríðarlegar fjárfestingar eigi að fresta óumflýjanlegu viðhaldi á þaki Síðuskóla, óumflýjanlegu viðhaldi á þaki Ráðhússins sem ekki stenst brunaúttekt og að ekki sé gert ráð fyrir fyrir löngu tímabærum framkvæmdum við Lundarsel-Pálmholt.


Meirihluti bæjarstjórnar óskar bókað:

Að okkar mati horfir rekstur sveitarfélagins til betri vegar. Gert er ráð fyrir að skuldahlutfall fari heldur niður á við næstu ár og má því segja að fjárhagur sveitarfélagsins sé á góðri leið og fjárhagur sterkur. Það býr mikill slagkraftur í samfélaginu okkar sem verður nýttur til að byggja upp sterka innviði í samfélaginu og efla þjónustuna við íbúa.

Tillaga Hlyns Jóhannssonar var borin upp til atkvæða. Tillagan er samþykkt með sjö atkvæðum.


Lára Halldóra Eiríksdóttir D-lista, Hilda Jana Gísladóttir S-lista, Sunna Hlín Jóhannesdóttir B-lista og Ásrún Ýr Gestsdóttir V-lista sitja hjá.

Bæjarstjórn samþykkir framlagðar reglur Akureyrarbæjar um gjöld og afslátt vegna Hreyfikorts með 11 samhljóða atkvæðum.

Bæjarstjórn samþykkir framlagðan samning um barnaverndarþjónustu á Norðurlandi eystra með 11 samhljóða atkvæðum og vísar honum til seinni umræðu í bæjarstjórn.

Tillaga Hildu Jönu Gísladóttur var borin upp og var hún samþykkt með 11 atkvæðum.


Bæjarstjórn samþykkir með 11 samhljóða atkvæðum framlagðar reglur um leyfi til reksturs sjálfstætt starfandi leikskóla á Akureyri.

Bæjarstjórn samþykkir með 11 samhljóða atkvæðum framlagðar reglur Akureyrarbæjar um einstaklingsstuðning.