Sjafnarnes 4-8 - umsókn um lóðir

Erindi dagsett 16. janúar 2024 þar sem að Jón Birgir Gunnlaugsson f.h. umhverfis- og mannvirkjasviðs Akureyrarbæjar sækir um að tvær fyrirhugaðar lóðir við Sjafnarnes, nánar tiltekið lóðir 4 og 6, verði teknar frá fyrir Akureyrarbæ.

Lóðirnar eru hugsaðar undir vinnslu og geymslu á múr og glerbroti sem notað yrði í fyllingar s.s. gatnagerð og er óskað eftir breytingu á deiliskipulagi til samræmis við fyrirhugaða notkun.

Einnig er óskað eftir því að lóð 8 verði ekki ráðstafað þar sem að hugsanlegt er að Akureyrarbær vilji sækja um hana til efnisgeymslu fyrir jarðvegsefni.

Rut Jónsdóttir forstöðumaður umhverfis- og sorpmála og Jón Birgir Gunnlaugsson verkefnisstjóri umhverfismála fóru yfir stöðu mála varðandi stefnumörkun í úrgangsmálum. Voru jafnframt kynntar hugmyndir að nýtingu lóða 4 og 6 við Sjafnarnes.