Skipulagsráð

Skipulagsráð þakkar gestum fyrir góðar umræður og komuna á fundinn. Skipulagsráð telur mikilvægt að forgangsraða verkefnum í samvinnu við Vegagerðina og stefna að reglulegu samráði.

Meirihluti skipulagsráðs samþykkir að gerðar verði breytingar á framlögðum tillögum til að koma til móts við innkomnar athugasemdir. Skulu breytingar gera ráð fyrir því að fyrirhugað sjö hæða fjölbýlishús verði lækkað niður í sex hæðir. Þá þarf einnig að huga að niðurstöðu vindgreiningar sem sýnir hugsanleg óæskileg áhrif á göngustíg norðan lóðarinnar.

Er skipulagsfulltrúa falið að óska eftir uppfærðum tillögum og leggja fyrir næsta fund skipulagsráðs.


Jón Hjaltason óflokksbundinn situr hjá við afgreiðslu málsins.

Fyrir liggur að bæði Slippurinn Akureyri ehf. og Bústólpi ehf. hafa óskað eftir sama svæði við Norðurtanga fyrir framtíðaruppbyggingu.

Að mati skipulagsráðs er starfsemi Slippsins Akureyri ehf. háðari nálægð við hafnarsvæði en starfsemi Bústólpa ehf. Meirihluti skipulagsráð hafnar því erindi Bústólpa ehf. um nýja lóð við Norðurtanga og felur skipulagsfulltrúa að ganga til viðræðna við Bústólpa ehf. um hentuga staðsetningu fyrir starfsemina.


Helgi Sveinbjörn Jóhannsson M-lista situr hjá við afgreiðslu málsins.

Meirihluti skipulagsráðs samþykkir að fela skipulagsfulltrúa að hefja vinnu við breytingu á deiliskipulagi hafnarsvæðis sunnan Glerár í samráði við umsækjanda og Hafnasamlag Norðurlands.


Helgi Sveinbjörn Jóhannsson M-lista situr hjá við afgreiðslu málsins.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð samþykkir að gerð verði breyting á deiliskipulagi til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Jón Hjaltason óflokksbundinn bar upp vanhæfi við afgreiðslu málsins og var það samþykkt. Vék hann af fundi undir umræðum og við afgreiðslu máls.


Meirihluti skipulagsráðs hafnar erindinu þar sem um er að ræða svæði sem er nýtt fyrir almenn bílastæði í eigu Akureyrarbæjar.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð frestar afgreiðslu þar til fyrir liggur umsögn skipulagshönnuðar, umhverfis- og mannvirkjasviðs Akureyrarbæjar og Norðurorku um tillöguna.

Skipulagsráð samþykkir að fela skipulagsfulltrúa að hefja vinnu við gerð deiliskipulags fyrir smáhýsabyggð.

Skipulagsráð gerir ekki athugasemd við að gefið verði út leyfi fyrir rekstrarleyfisskyldri gististarfsemi í íbúðinni ef hún er leigð út í heilu lagi. Með því móti eykst ekki álag á bílastæði í götunni. Er heimildin með fyrirvara um samþykki allra eigenda í húsinu, sbr. ákvæði Aðalskipulags Akureyrar 2018-2030 um rekstrarleyfisskylda gististarfsemi í fjölbýlishúsum.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Skipulagsráð samþykkir erindið og felur skipulagsfulltrúa að gefa út framkvæmdaleyfi þegar fullnægjandi gögn hafa borist. Er útgáfa leyfis með fyrirvara um samþykki Norðurorku vegna nálægðar við vatnsverndarsvæði í Hlíðarfjalli.

Ákvörðunin er fullnaðarafgreiðsla með vísan til 42. gr. sveitarstjórnarlaga nr. 138/2011 og 37. gr. samþykktar um stjórn og fundarsköp Akureyrarbæjar nr. 1674/2021.

Að mati skipulagsráðs er tilefni til að bæta við einu svæði fyrir matarvagn í miðbænum og felur skipulagsfulltrúa að koma með tillögu að nýju stæði í samvinnu við umhverfis- og mannvirkjasvið. Ef hentugt svæði finnst yrði það auglýst í desember nk. á sama tíma og núverandi fastleigustæði í miðbænum.

Frestað til næsta fundar skipulagsráðs 15. nóvember nk.

Skipulagsráð samþykkir framlagða tillögu að umsögn með breytingum sem fram komu á fundinum og felur skipulagsfulltrúa að senda hana inn til Innviðaráðuneytis.

Skipulagsráð leggur til að hafinn verði undirbúningur að endurskoðun svæðisskipulagsins til að tryggja samræmi þess við landsskipulagsstefnu sem nú er í vinnslu. Í þeirri vinnu verði sérstaklega tekið fyrir hlutverk og ábyrgð Akureyrarbæjar sem svæðisborgar í samræmi við skýrslu starfshóps um svæðisbundið hlutverk Akureyrar sem kom út í ágúst 2021. Jafnframt telur skipulagsráð æskilegt að skoðað verði hvort ekki megi sameina skipulagsembætti sveitarfélaganna.

Á fundi skipulagsráðs þann 24. apríl sl. var samþykkt að lækka umferðarhraða á hluta Krossanesbrautar í 30 km/klst og jafnframt að sett verði upp gangbraut til móts við Hulduholt auk þrenginga norðan og sunnan megin í Krossanesbraut. Að mati ráðsins er nauðsynlegt að þessar þrengingar verði settar upp að nýju til að raunverulegur hraði á götunni lækki frá því sem hann væri án þeirra.


Varðandi umferðaröryggismál við Norðurtorg er ljóst að gangbrautir yfir Austursíðu vantar auk þess sem skoða þyrfti hvaða aðgerða megi grípa til í því skyni að lækka umferðarhraða. Unnið er að heildarendurskoðun á hönnun Austursíðu og er gert ráð fyrir að þeirri vinnu ljúki á næstu mánuðum. Þegar hönnunin liggur fyrir er hægt að fara í undirbúning tiltekinna aðgerða eins og t.d. gangbrauta yfir Austursíðu næst Norðurtorgi.


Sunna Hlín Jóhannesdóttir B-lista óskar bókað eftirfarandi:

Mikilvægt er að í allri uppbyggingu sé jafnhliða unnið að umferðaröryggi. Settar hafa verið bráðabirgðaþrengingar á Krossanesbraut sem hafa nú verið fjarlægðar en óvíst er hvenær eigi að fara í endurgerð götunnar samkvæmt skipulagi. Eðlilegast væri að það væri gert samhliða uppbyggingu Holtahverfis til að tryggja öryggi barna á leið í skóla. Eins þarf að fara strax í að tryggja öryggi barna við Norðurtorg.


Sindri Kristjánsson S-lista óskar bókað eftirfarandi:

Ég tek undir bókun Sunnu Hlínar Jóhannesdóttur en bendi á að víðar er pottur brotinn en einungis við Krossanesbraut og Austursíðu. Dæmi má nefna af Byggðavegi á milli Þingvallastrætis og Hrafnagilsstrætis en þar fara um daglega m.a. tugir barna og ungmenna án þess að nokkur gönguþverun sé til staðar. Enn fremur tel ég nauðsynlegt að árétta að það er umferðaröryggi gangandi, hjólandi og þeirra sem nýta aðra virka ferðamáta sem er mest stefnt í voða hér í bæ. Árangursríkasta leiðin til að auka öryggi nefndra hópa er að lækka hámarkshraða sem allra víðast í 30 km/klst og framfylgja þeim reglum af festu. Þá á að leggja áherslu á að breyta ásýnd bílagatna þannig að upplifun ökumanna bifreiða sé sú að umhverfið bjóði hreinlega ekki upp á hraðan og óábyrgan akstur. Þá er afar mikilvægt að vinnu við umferðaröryggisáætlun samkvæmt ákvörðun bæjarstjórnar frá 15. mars 2022 sé hraðað eins og kostur er.

Tekið er undir áskorun Skógræktarfélagsins um mikilvægi gróðurs í bæjarlandinu. Í deiliskipulagi nýjasta íbúðahverfisins, Móahverfis, er mikil áhersla lögð á gróður bæði á landi bæjarins sem og á fjölbýlishúsalóðum. Sem dæmi eru settar kvaðir um ákveðinn fjölda trjáa sem hlutfall af byggingarmagni á öllum fjölbýlishúsalóðum í hverfinu.