Skipulagsráð

Lögð fram drög að fundaáætlun skipulagsráðs fyrir árið 2023.

Lögð fram til umræðu gögn Aðalskipulags Akureyrar 2018-2030 en skv. 35. gr. skipulagslaga nr. 123/2010 skal bæjarstjórn taka ákvörðun um endurskoðun aðalskipulags innan tólf mánaða frá sveitarstjórnarkosningum.

Málið var áður á dagskrá skipulagsráðs þann 14. september sl.

Auglýsingu tillögu að breytingu á Aðalskipulagi Akureyrar 2018-2030 vegna stækkunar á lóð fyrir íbúðakjarna við Hafnarstræti 16 lauk þann 28. nóvember sl. Tillagan var auglýst samhliða tillögu að breytingu á deiliskipulagi Innbæjar.

Sex athugasemdir bárust við auglýstar tillögur auk undirskriftarlista með undirskriftum 137 einstaklinga og eru þessi gögn lögð fram undir fundarlið nr. 4 ásamt umsögn velferðarsviðs Akureyrarbæjar og drögum að svörum skipulagsfulltrúa við efni athugasemda.

Auglýsingu tillögu að breytingu á deiliskipulagi Innbæjar vegna áforma við Hafnarstræti 16 lauk þann 28. nóvember sl. Í breytingunni felst að gert er ráð fyrir stækkun á lóð fyrir íbúðakjarna og jafnframt stækkun og endurbótum á aðliggjandi leiksvæði.

Tillagan var auglýst samhliða tillögu að breytingu á Aðalskipulagi Akureyrar 2018-2030.

Sex athugasemdir bárust auk undirskriftarlista með undirskriftum 137 einstaklinga. Umsögn barst frá velferðarsviði Akureyrarbæjar.

Ofangreind gögn eru lögð fram nú ásamt drögum að svörum skipulagsfulltrúa við efni athugasemda.

Auglýsingu tillögu að nýju deiliskipulagi fyrir Tryggvabraut og atvinnusvæði norðan hennar lauk þann 28. nóvember sl.

Engar athugasemdir bárust. Umsögn barst frá Vegagerðinni og er hún lögð fram nú auk tillögu nafnanefndar að heiti á nýrri götu innan deiliskipulagssvæðisins.

Lögð fram tillaga að breytingu á deiliskipulagi fyrir hafnarsvæði sunnan Glerár. Forsendur breytingarinnar eru þær að vinna við nýtt deiliskipulag fyrir Tryggvabraut og atvinnusvæði norðan hennar kallar á smávægilega breytingu á mörkum aðliggjandi deiliskipulagssvæða.

Lögð fram tillaga að breytingu á deiliskipulagi fyrir Hvannavallareit. Forsendur breytingarinnar eru þær að vinna við nýtt deiliskipulag fyrir Tryggvabraut og atvinnusvæði norðan hennar kallar á smávægilega breytingu á mörkum aðliggjandi deiliskipulagssvæða.

Lögð fram tillaga Landslags ehf. að breytingu á deiliskipulagi fyrir Glerá frá stíflu til sjávar. Forsendur breytingarinnar eru þær að vinna við nýtt deiliskipulag fyrir Tryggvabraut og atvinnusvæði norðan hennar kallar á smávægilega breytingu á mörkum aðliggjandi deiliskipulagssvæða.

Lögð fram tillaga Landslags ehf. að breytingu á deiliskipulagi fyrir verksmiðjusvæði á Gleráreyrum. Forsendur breytingarinnar eru þær að vinna við við nýtt deiliskipulag fyrir Tryggvabraut og atvinnusvæði norðan hennar kallar á smávægilega breytingu á mörkum aðliggjandi deiliskipulagssvæða.

Á fundi skipulagsráðs þann 23. nóvember sl. var lögð fram tillaga Kollgátu teiknistofu f.h. umhverfis- og mannvirkjasviðs Akureyrarbæjar að breytingu á deiliskipulagi KA svæðis - Lundarskóla - Lundarsels. Er málið lagt fyrir að nýju þar sem gera þurfti lagfæringar á tillögunni.

Deiliskipulagsbreytingin felst í eftirfarandi:

- Hámarkshæð áhorfendastúku hækkar úr 9,5 m í 13 m og heildarfjöldi hæða í stúkubyggingu eykst í þrjár hæðir. Heildarbyggingarmagn minnkar úr 3.206 m² í 2.900 m².

- Byggingarreitur B, tengibygging, breikkar um 4 m til suðurs og reitur fyrir sjónvarpsupptökuhús færist lítillega til suðurs og vesturs.

- Vallarstæði nýs aðalvallar er fært um 10 m til suðurs til að vernda trjágróður meðfram Þingvallastræti. Byggingarreitir fyrir ljósamöstur færast til samræmis.

- Kvaðir um frágang ljósamastra eru settar inn vegna ákvæða í flugvallareglugerð nr. 464/2007.

- Settir eru inn nýir byggingarreitir fyrir fjögur ljósamöstur.

- Hæð ljósamastra hækkar úr 25 m í 27 m.

Lögð fram að nýju tillaga AVH verkfræðistofu að breytingu á deiliskipulagi Háskólans á Akureyri. Í breytingunni felst eftirfarandi:

- Skipulagsmörk færast til austurs að Dalsbraut.

- Á svæði norðan Norðurslóðar, merkt reitur C, er afmarkaður byggingarreitur fyrir allt að 8.600 m² skrifstofuhúsnæði.

- Á svæði meðfram Dalsbraut eru afmarkaðar þrjár lóðir, merktar D, E og F, fyrir uppbyggingu stúdentagarða, samtals allt að 7.600 m², fyrir einstaklingsherbergi með sameiginlegri aðstöðu, stúdíó- og tveggja herbergja íbúðir.


Málið var áður á dagskrá skipulagsráðs þann 9. nóvember sl. þar sem afgreiðslu var frestað og skipulagsfulltrúa falið að ræða við umsækjendur um framhald málsins.

Nú liggur fyrir minnisblað Félagsstofnunar stúdenta varðandi málið.

Lögð fram tillaga Kollgátu teiknistofu að breytingu á deiliskipulagi miðbæjar Akureyrar vegna áforma um hótelbyggingu á lóð Glerárgötu 7.

Breytingin felur m.a. í sér eftirfarandi:

- Hámarksfjöldi hæða verði 5-6 með 5. og 6. hæðirnar inndregnar.

- Meðfram Glerárgötu verði heimilt að reisa fimm hæða hús með grunnflöt fimmtu hæðar að hámarki 75% af grunnfleti fjórðu hæðar. Hámarkshæð fimm hæða byggingar verði 18,2 m frá gólfkóta 1. hæðar.

- Meðfram Gránufélagsgötu verði heimilt að reisa sex hæða hús með grunnflöt fimmtu og sjöttu hæðar að hámarki 75% af grunnfleti fjórðu hæðar. Efstu tvær hæðirnar verði inndregnar frá Gránufélagsgötu og Geislagötu og hámarkshæð hússins verði 21,2 m.

- Gert er ráð fyrir allt að 1.200 m² bílakjallara með allt að 38 bílastæði. Hámarkshæð bílakjallara er 3,53 m.

Erindi dagsett 17. nóvember 2022 þar sem Hólmgeir Þorsteinsson sækir um breytingu á deiliskipulagi fyrir Eyrarlandsveg 12 og 14. Breytingin felur í sér tilfærslu á lóðamörkum og stækkun byggingarreits fyrir bílgeymslu á lóð nr. 14. Meðfylgjandi eru uppdráttur og samþykki eigenda.

Erindi dagsett 6. desember 2022 þar sem Ingólfur Freyr Guðmundsson f.h. Klettáss ehf. sækir um breytingu á deiliskipulagi fyrir lóðir nr. 1A og 1B við Sjafnargötu. Breytingin felur í sér eftirfarandi:

- Nýtingarhlutfall hækkar úr 0,3 í 0,4.

- Hús verða á einni hæð en leyfilegt verður að byggja millipall.

- Mænishæð verður óbreytt en hámarksvegghæð hækkar í 8,0 m og leyfilegt verður að hafa flöt eða einhalla þök.

Meðfylgjandi er uppdráttur.

Erindi dagsett 21. nóvember 2022 þar sem Jónas Vigfússon f.h. Jóns Ómars Hraundal Halldórssonar sækir um breytingu á deiliskipulagi fyrir lóð nr. 2 við Hafnarstræti.

Breytingin felst í snúningi á byggingarreit fyrir bílgeymslu um 90 gráður.

Meðfylgjandi er deiliskipulagsuppdráttur.

Erindi dagsett 7. desember 2022 þar sem Ágúst Hafsteinsson f.h. Klettabjargar ehf. sækir um breytingu á deiliskipulagi fyrir lóð nr. 1 við Viðjulund.

Breytingin felst í því að núverandi hús verði rifið og reist verði tvö sex hæða fjölbýlishús með hálfniðurgröfnum bílakjallara.

Í breytingunni felst m.a. eftirfarandi:

- Allar byggingar á lóð Viðjulundar 1 verði rifnar og í stað þeirra yrðu reist tvö stakstæð fjölbýlishús á allt að sex hæðum auk kjallara.

- Fjöldi íbúða yrði allt að 36 og þrjár íbúðir á hverri hæð hvorrar byggingar.

- Að hálfniðurgrafinn bílastæðakjallari yrði byggður með 36 bílastæðum í kjallara og 30 stæðum á þaki.

- Innakstur í bílakjallara yrði frá Skógarlundi að austan og inn á þak frá Furulundi að vestan.

- Lóð Viðjulundar 1 yrði stækkuð til norðvesturs um 91 m² og sameiginleg innkeyrsla Viðjulundar 1, 2A og 2B yrði einungis fyrir Viðjulund 1.

Meðfylgjandi eru greinargerð og kynningargögn.

Erindi dagsett 29. nóvember 2022 þar sem Fanney Hauksdóttir f.h. atNorth ehf. sækir um breytingu á deiliskipulagi fyrir lóð nr. 1 við Hlíðarvelli. Breytingin felur í sér að bætt er við byggingarreit fyrir varaaflstöð á norðurhluta lóðarinnar. Meðfylgjandi er skýringarmynd.

Erindi dagsett 29. nóvember 2022 þar sem Þorvarður Lárus Björgvinsson f.h. Arkís arkitekta ehf. leggur inn fyrirspurn varðandi áform um viðbyggingu við hús nr. 17 við Furuvelli. Meðfylgjandi eru greinargerð og tillöguuppdráttur.

Lagðar fram tillögur Landslags ehf. að breytingu á deiliskipulagi fyrir lóð Krákustígs 1 (áður Oddeyrargötu 4B) til samræmis við bókun skipulagsráðs frá 9. nóvember sl. Tillögurnar gera ráð fyrir lítilsháttar breytingu á afmörkun lóðarinnar til að afmarka aðgengi að lóð Krabbastígs 4 um bæjarland.

Erindi dagsett 24. nóvember 2022 þar sem Magni Thor Geirsson f.h. Íslandsþara ehf. sækir um lóð nr. 18 við Týsnes.

Meðfylgjandi eru greinargerð um byggingaráform og yfirlýsing viðskiptabanka.

Jafnframt er sótt um lóð nr. 20 við Týsnes og að lóðirnar verði sameinaðar í eina lóð.

Erindi dagsett 24. nóvember 2022 þar sem Magni Thor Geirsson f.h. Íslandsþara ehf. sækir um lóð nr. 20 við Týsnes.

Meðfylgjandi eru greinargerð um byggingaráform og yfirlýsing viðskiptabanka.

Jafnframt er sótt um lóð nr. 18 við Týsnes og að lóðirnar verði sameinaðar.

Erindi þar sem Sigurður Berndsen sækir um frest til að hefja framkvæmdir á lóð nr. 8 við Matthíasarhaga. Fyrir liggja drög að teikningum að húsi á lóðinni.

Erindi dagsett 23. nóvember 2022 þar sem Guðbjörg Harpa Þorvaldsdóttir sækir um frest til 12 mánaða til að hefja framkvæmdir á lóð nr. 23 við Hulduholt.

Erindi dagsett 16. nóvember 2022 þar sem Franz Viðar Árnason f.h. Fallorku og Norðurorku sækir um framkvæmdaleyfi til vatnstöku úr Fossalæk á Glerárdal. Fyrirhugað er að koma fyrir litlu inntaksmannvirki úr stáli.

Meðfylgjandi eru skýringarmyndir.

Erindi dagsett 24. nóvember 2022 þar sem Magnús Magnússon f.h. Norðurorku sækir um framkvæmdaleyfi fyrir síðasta áfanga nýrrar aðveitu hitaveitu Norðurorku frá Hjalteyri til Akureyrar. Samhliða verður lögð þrýstilögn skólps frá skólpdælustöð við Sjafnargötu að skólpbrunni við Austursíðu 2. Meðfylgjandi eru greinargerð og skýringaruppdráttur.

Erindi dagsett 18. nóvember 2022 þar sem Baldur Hólm Jóhannsson f.h. Norðurorku sækir um framkvæmdaleyfi fyrir lagningu jarðstrengja á Hömrum. Um er að ræða dreifikerfi til að þjónusta tjaldsvæðið.

Meðfylgjandi eru greinargerð og skýringarmynd.

Erindi dagsett 29. nóvember 2022 þar sem Sigurgeir Kristjánsson f.h. Bryggjufélagsins sækir um að fá sérmerkt bílastæði gegnt veitingastaðnum Bryggjunni við Strandgötu 49.

Erindi dagsett 8. desember 2022 þar sem Hólmkell Hreinsson f.h. Amtsbókasafnsins á Akureyri sækir um að fá að merkja bílastæðin við húsið fyrir viðskiptavini þar sem aukning er á notkun þeirra vegna gjaldtöku á stæðum í miðbænum.

Erindi dagsett 1. desember 2022 þar sem Henný Lind f.h. Samskipa innanlands óskar eftir að bannað verði að leggja bílum meðfram gangstétt í Goðanesi þar sem það þrengir að umferð stórra ökutækja um götuna.

Erindi dagsett 17. nóvember 2022 þar sem Atlantsolía ehf. sækir um leyfi til að setja upp skilti á lóð nr. 3 við Baldursnes.

Stærð skiltis er 1 m x 2,04 m, hæð er 1,3 m.

Erindi dagsett 22. nóvember 2022 þar sem Bjarki Sigurðsson f.h. KKA akstursíþróttafélags sækir um leyfi til að halda Íslandsmeistaramót í Snocross á Akureyrarvelli 25. febrúar 2023 frá kl. 08 til 18.

Á fundi skipulagsráðs þann 6. júlí sl. var samþykkt að leggja dagsektir að upphæð kr. 50.000 / dag á Finn ehf. frá og með 1. október 2022 ef starfsemi á Norðurtanga hefði ekki verið hætt og gengið frá svæðinu með ásættanlegum hætti.

Er nú lagt fram bréf Finns Aðalbjörnssonar f.h. Finns ehf. dagsett 28. nóvember 2022 þar sem óskað er eftir afnotum af landi við Norðurtanga fyrir efnislager fyrirtækisins og að gerður verði leigusamningur þar um þar til ákveðið hefur verið að nýta svæðið undir aðra starfsemi.

Erindi dagsett 24. nóvember 2022 þar sem Kári Magnússon f.h. G34 fasteigna ehf. sækir um byggingarleyfi fyrir hjólageymslu á lóð Glerárgötu 34.

Ekki er í gildi deiliskipulag fyrir svæðið.

Meðfylgjandi eru afstöðumyndir.

Skipulagsfulltrúi fór yfir stöðu mála varðandi gerð húsnæðisáætlunar fyrir árið 2023 með áherslu á áætlun um úthlutun íbúðarhúsalóða.

Lögð fram drög að úthlutunarskilmálum fyrir lóðir í 1. áfanga Móahverfis sem fyrirhugað er að auglýsa fljótlega á nýju ári.

Lögð fram til kynningar fundargerð 890. fundar, dagsett 16. nóvember 2022, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.

Lögð fram til kynningar fundargerð 891. fundar, dagsett 24. nóvember 2022, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.

Lögð fram til kynningar fundargerð 892. fundar, dagsett 1. desember 2022, með fullnaðarafgreiðslum erinda. Fundargerðin er í 8 liðum og er að finna á heimasíðu Akureyrarbæjar.

Lögð fram til kynningar fundargerð 893. fundar, dagsett 8. desember 2022, með fullnaðarafgreiðslum erinda. Fundargerðin er í 3 liðum og er að finna á heimasíðu Akureyrarbæjar.