Skipulagsráð

Að mati skipulagsráðs er breytingin veruleg skv. 1. mgr. 36. gr. skipulagslaga nr. 123/2010 og samþykkir að fela sviðsstjóra skipulagssviðs að kynna lýsingu breytingar skv. 1. mgr. 30. gr. skipulagslaga nr. 123/2010 sem byggir á fyrirliggjandi gögnum.

Afgreiðslu frestað og sviðsstjóra skipulagssviðs falið að vinna tillögu að svörum við innkomnum athugasemdum og umsögnum.

Frestað.

Stækkun lóðarinnar felur í sér að breyta þarf aðalskipulagi og stækka núverandi íbúðarsvæði á kostnað opins svæðis og leiksvæðis. Skipulagsráð samþykkir að fela sviðsstjóra skipulagssviðs að kynna lýsingu skv. 1. mgr. 30. gr. skipulagsslaga nr. 123/2010 sem felur í sér stækkun íbúðarsvæðis í samræmi við umsókn.

Skipulagsráð hafnar erindinu þar sem í deiliskipulagi svæðisins kemur fram að ekki sé heimilt að breyta fjölda íbúða í núverandi íbúðarhúsum. Veittar hafa verið undanþágur á þessu ákvæði en þá eingöngu þar sem koma má fyrir bílastæðum innan lóðar. Ekki er möguleiki á því á lóð Oddeyrargötu 6B og er erindinu því hafnað.

Skipulagsráð leggur til við bæjarstjórn að Búfesti verði veitt formlegt vilyrði fyrir lóðum 2-6 og 8-10 nyrst á skipulagssvæðinu án auglýsingar í samræmi við ákvæði gr. 2.4 í reglum um lóðarveitingar og með vísan til viljayfirlýsingar Akureyrarbæjar og Búfesti frá 5. janúar 2018. Hefur Búfesti komið að vinnu við gerð deiliskipulags Holtahverfis norður frá upphafi og eru umræddar lóðir útfærðar í samráði við félagið.

Skipulagsráð leggur til við bæjarstjórn að tillaga að breytingu á deiliskipulagi verði auglýst samkvæmt 1. mgr. 41. gr. skipulagslaga nr. 123/2010.

Skipulagsráð leggur til við bæjarstjórn að aðalskipulagsbreytingin verði samþykkt ásamt tillögu að svörum við innkominni athugasemd.

Afgreiðslu frestað þar til fyrir liggja viðbrögð frá umsækjanda um efni fyrirliggjandi athugasemda og umsagna.

Meirihluti skipulagsráðs samþykkir að vísa til bæjarstjórnar ákvörðun um hvort heimila eigi umsækjanda að vinna að gerð breytingar á skipulagi svæðisins til samræmis við fyrirliggjandi umsókn í samráði við skipulagssvið og skipulagsráð, samanber þá fyrirvara sem komu fram í lóðarumsókn. Fæli það í sér að umsækjanda yrði veitt vilyrði fyrir lóðum á þessu svæði, með vísun í heimild sem fram kemur í gr. 2.4 í reglum um úthlutun lóða. Endanleg úthlutun færi þó ekki fram fyrr en að loknum skipulagsbreytingum, náist samkomulag um breytingu á skipulagi svæðisins að loknu skipulagsferli í samræmi við ákvæði skipulagslaga nr. 123/2010.

Arnfríður Kjartansdóttir V-lista óskar bókað að gera þurfi nýtt deiliskipulag og auglýsa lausar lóðir aftur til að gæta jafnræðis.

Sindri Kristjánsson S-lista situr hjá og óskar bókað: Fyrir liggur að eftirspurn virðist vera eftir lóðum á svæðinu undir fjölbýlishús. Á sama tíma liggur fyrir að lóðir á svæðinu hafa verið lausar til úthlutunar fyrir einbýlishús í lengri tíma og lítill sem enginn áhugi virðist vera fyrir hendi á uppbyggingu svæðisins samkvæmt slíku skipulagi. Í stað þeirrar leiðar sem valin hefur verið að fara, að vinna í átt að úthlutun lóðanna sem einbýlishúsalóða með fyrirvörum um breytingar á deiliskipulagi, telur sá sem þetta bókar að réttast væri að svæðið verði deiliskipulagt á ný og fjölbýlishúsalóðir auglýstar lausar til umsóknar á opnum markaði. Er eindregið hvatt til þess að þegar bæjarstjórn tekur málið fyrir verði horft til þessarar afstöðu og sjónarmið um jafnræði og gagnsæi höfð að leiðarljósi.

Skipulagsráð leggur til við bæjarstjórn að tillagan verði auglýst skv. 1. mgr. 41. gr. skipulagslaga nr. 123/2010 með minniháttar lagfæringum í samræmi við umræður á fundinum.

Skipulagsráð samþykkir að núverandi bakhúsi á lóð Laxagötu 4 verði breytt í þrjár gistieiningar. Umrætt svæði er á miðsvæði samkvæmt gildandi aðalskipulagi þar sem heimilt er að vera með rekstrarleyfisskylda gististarfsemi. Þá eru þegar 3 bílastæði á lóðinni auk þess sem gott aðgengi er að almennum bílastæðum í næsta nágrenni. Skipulagsráð samþykkir jafnframt tillögu að svörum við efni athugasemdar. Er afgreiðslu byggingarleyfis vísað til byggingarfulltrúa þegar umsókn berst.

Þar sem engin athugasemd barst við grenndarkynningu málsins gerir skipulagsráð ekki athugasemd við breytingu á notkun og vísar málinu til afgreiðslu bygggingarfulltrúa.

Skipulagsráð samþykkir erindið. Deiliskipulagsskilmálar ásamt almennum byggingarskilmálum gilda.

Skipulagsráð samþykkir að veita umsækjanda lóðina og heimilar honum að leggja fram tillögu að breytingu á deiliskipulagi til samræmis við umsókn í samráði við sviðsstjóra skipulagssviðs. Breytingin verði unnin í samræmi við 2. mgr. 43. gr. skipulagslaga nr. 123/2010.

Að mati skipulagsráðs samræmist það ekki gildandi aðalskipulagi að vera með rekstrarleyfisskylda gististarfsemi í húsinu þar sem engin bílastæði eru á lóðinni. Samkvæmt ákvæðum aðalskipulagsins þyrftu að vera a.m.k. 2 bílastæði til staðar innan lóðar.

Skipulagsráð samþykkir að útbúið verði eitt stæði miðsvæðis fyrir deilibíl í samvinnu við umhverfis- og mannvirkjasvið og Zipcar.

Skipulagsráð samþykkir að gefið verði út framkvæmdaleyfi til samræmis við umsókn, með eftirfarandi skilyrðum.

- Hafa þarf samráð við Landsnet vegna nálægðar framkvæmda við fyrirhugaða Hólasandslínu 3.

- Fara þarf eftir ákvæðum 24. gr. Lögreglusamþykktar fyrir Akureyrarbæ en þar eru ákvæði um farmflutninga og hreinsun ökutækja áður en farið er inn á malbikaðar götur.