Miðbær - uppfærsla deiliskipulags - erindisbréf stýrihóps

Sviðsstjóri skipulagssviðs og formaður skipulagsráðs leggja til að ráðist verði í kostnaðargreiningu og áfangaskiptingu miðbæjarskipulags. Ennfremur hvaða úrbætur eru nauðsynlegar, t.a.m. vegna friðunar húsa, afmörkun byggingareita og möguleika á uppbyggingu bílastæðahúss.

Sviðsstjóri skipulagssviðs og formaður skipulagsráðs lögðu til að ráðist yrði í kostnaðargreiningu og áfangaskiptingu miðbæjarskipulags. Ennfremur hvaða úrbætur væru nauðsynlegar, t.a.m. vegna friðunar húsa, afmörkunar byggingarreita og möguleika á uppbyggingu bílastæðahúss. Skipulagsráð fól sviðsstjóra skipulagssviðs þann 8. febrúar 2017 að undirbúa málið með það að markmiði að leggja endanlegt minnisblað fyrir skipulagsráð fyrir lok apríl næstkomandi.

Lögð fram tillaga sviðsstjóra að verkþáttum uppfærslunnar.

Sviðsstjóri skipulagssviðs og formaður skipulagsráðs lögðu til þann 26. apríl 2017 að ráðist yrði í kostnaðargreiningu og áfangaskiptingu miðbæjarskipulags. Ennfremur hvaða úrbætur væru nauðsynlegar, t.a.m. vegna friðunar húsa, afmörkunar byggingarreita og möguleika á uppbyggingu bílastæðahúss.

Á fundinn mættu Kristinn Magnússon frá Eflu og Árni Ólafsson frá Teiknistofu arkitekta, Gylfa Guðjónssonar og félaga.

Undanfarin ár hefur verið unnið að því að skoða forsendur fyrir uppbyggingu í miðbæ Akureyrar í samræmi við gildandi deiliskipulag. Landslag vann greinargerð um staðarval samgöngumiðstöðvar vorið 2017 og fyrri part árs 2018 vann Efla minnisblað um kostnað við færslu Glerárgötu auk þess sem Teiknistofa arkitekta skoðaði möguleika á staðsetningu bílastæðahúss. Eru ofangreind gögn lögð fram til kynningar.

Á fundinn komu Ingólfur Freyr Guðmundsson og Valþór Brynjarsson frá Kollgátu, sem vann að gerð deiliskipulagsins, og fóru yfir helstu forsendur deiliskipulagsins.

Lagt fram minnisblað formanns skipulagsráðs og sviðsstjóra skipulagssviðs dagsett í júní 2019 um skipulag miðbæjar Akureyrar. Er þar lagt til að hafinn verði vinna við endurskoðun deiliskipulagsins.

Liður 2 í fundargerð skipulagsráðs dagsettri 26. júní 2019:

Lagt fram minnisblað formanns skipulagsráðs og sviðsstjóra skipulagssviðs dagsett í júní 2019 um skipulag miðbæjar Akureyrar. Er þar lagt til að hafin verði vinna við endurskoðun deiliskipulagsins.

Skipulagsráð leggur til við bæjarstjórn að samþykkt verði að fara í vinnu við endurskoðun deiliskipulags miðbæjar Akureyrar þar sem m.a. verður skoðað hvort að áfram eigi að miða við færslu Glerárgötu eða miða við núverandi legu hennar.

Orri Kristjánsson S-lista sat hjá við afgreiðsluna.

Á fundi skipulagsráðs 26. júní 2019 var lagt til að farið yrði í vinnu við endurskoðun deiliskipulags miðbæjar Akureyrar og var það samþykkt á fundi bæjarráðs 4. júlí 2019. Undirbúningsvinna hófst í lok árs 2019 og næsta skref er að skipa stýrihóp til að halda utan um verkefnið.

Liður 3 í fundargerð skipulagsráðs dagsettri 15. janúar 2020:

Á fundi skipulagsráðs 26. júní 2019 var lagt til að farið yrði í vinnu við endurskoðun deiliskipulags miðbæjar Akureyrar og var það samþykkt á fundi bæjarráðs 4. júlí 2019. Undirbúningsvinna hófst í lok árs 2019 og næsta skref er að skipa stýrihóp til að halda utan um verkefnið.

Skipulagsráð vísar ákvörðun um tilnefningu í stýrihóp til bæjarráðs.

Lögð fram drög að erindisbréfi stýrihóps um endurskoðun deiliskipulags miðbæjar Akureyrar til að flýta fyrir uppbyggingu miðbæjarins.

Lagt fram minnisblað um stöðu mála.

Lagt fram minnisblað dagsett 9. júlí 2020 um endurskoðun deiliskipulags miðbæjar Akureyrar.

Pétur Ingi Haraldsson sviðsstjóri skipulagssviðs mætti og kynnti skipulagið.

Hrafn Svavarsson forstöðumaður umhverfismiðstöðvar sat fundinn undir þessum lið.

Lögð fram til kynningar drög að breytingu á deiliskipulagi miðbæjar Akureyrar.

Lögð fram tillaga að breytingu á deiliskipulagi miðbæjar Akureyrar sem nær til svæðis sem afmarkast af Skipagötu, Hofsbót, Glerárgötu og Kaupvangsstræti. Er gert ráð fyrir að drögin verði kynnt á streymisfundi á morgun, 10. desember 2020.

Lögð fram að lokinni kynningu tillaga að breytingu á deiliskipulagi miðbæjar Akureyrar ásamt athugasemdum og umsögnum sem hafa borist.

Lögð fram endurskoðuð tillaga að breytingu á deiliskipulagi miðbæjar Akureyrar. Hafa verið gerðar ýmsar breytingar á tillögunni til að koma til móts við athugasemdir og umsagnir sem bárust við drög að tillögu sem kynnt var í desember sl. auk þess sem niðurstaða vindgreiningar hefur haft áhrif á útfærslu byggingarreita, gróðurskipulags og skilmála.

Liður 2 í fundargerð skipulagsráðs dagsettri 24. febrúar 2021:

Lögð fram endurskoðuð tillaga að breytingu á deiliskipulagi miðbæjar Akureyrar. Hafa verið gerðar ýmsar breytingar á tillögunni til að koma til móts við athugasemdir og umsagnir sem bárust við drög að tillögu sem kynnt var í desember sl. auk þess sem niðurstaða vindgreiningar hefur haft áhrif á útfærslu byggingarreita, gróðurskipulags og skilmála.

Skipulagsráð leggur til við bæjarstjórn að tillaga að breytingu á deiliskipulagi miðbæjar Akureyrar verði auglýst skv. 1. mgr. 41. gr. skipulagslaga nr. 123/2010.

Þórhallur Jónsson kynnti tillögu skipulagsráðs.

Í umræðum tóku til máls Hilda Jana Gísladóttir og Andri Teitsson.

Lagt fram til kynningar.

Bæjarstjórn Akureyrarbæjar auglýsir hér með skv. 1. mgr. 41. gr. skipulagslaga nr. 123/2010, tillögu að deiliskipulagsbreytingu fyrir miðbæ Akureyrar.


Skipulagssvæðið afmarkast af Glerárgötu, Kaupvangsstræti, Skipagötu, Hofsbót og Strandgötu. Leiðarljós núverandi skipulags eru óbreytt og er markmiðið sem fyrr að nýta betur opið landrými milli Skipagötu og Glerárgötu með nýjum húsaröðum, stækka þannig miðbæinn og bæta tengingu við höfnina og Hof með rúmgóðum austur-vestur gönguásum. Helstu breytingar frá gildandi skipulagi eru að Glerárgata verður áfram 2 2 vegur í núverandi legu en með þrengingu og veglegri gönguþverun, afmarkað er pláss fyrir nýjan hjólastíg eftir Skipagötu, byggingareitir eru aðlagaðir að breytingum á Glerárgötu og Skipagötu, heimiluð hæð hluta húsa hækkar og þakform breytist. Gert er ráð fyrir að hluti Skipagötu verði einstefna til suðurs og að það sama muni gilda um Hofsbót frá Skipagötu að Strandgötu.


Gögn er hægt að sjá hér: https://www.akureyri.is/is/frettir/category/40/midbaer-tillaga-ad-deiliskipulagsbreytingu

Skipulagsráð óskar eftir umsögn.

Lögð fram að lokinni auglýsingu skv. 1. mgr. 41. gr. skipulagslaga nr. 123/2010, tillaga að breytingu á deiliskipulagi miðbæjar Akureyrar. Tillagan var auglýst 10. mars með athugasemdafresti til 21. apríl 2021 og er hún lögð fram ásamt innkomnum athugasemdum og umsögnum frá Vegagerðinni, Minjastofnun og hverfisnefnd Oddeyrar.

Lögð fram að nýju að lokinni auglýsingu skv. 1. mgr. 41. gr. skipulagslaga nr. 123/2010, tillaga að breytingu á deiliskipulagi miðbæjar Akureyrar. Tillagan var auglýst 10. mars með athugasemdafresti til 21. apríl 2021 og er hún lögð fram ásamt innkomnum athugasemdum og umsögnum frá Vegagerðinni, Minjastofnun og hverfisnefnd Oddeyrar. Er tillagan lögð fram með minniháttar breytingum til að koma til móts við efni innkominna athugasemda og umsagna auk þess sem fyrir liggur tillaga að svörum við athugasemdum.

Liður 1 í fundargerð skipulagsráðs dagsettri 12. maí 2021:

Lögð fram að nýju að lokinni auglýsingu skv. 1. mgr. 41. gr. skipulagslaga nr. 123/2010, tillaga að breytingu á deiliskipulagi miðbæjar Akureyrar. Tillagan var auglýst 10. mars með athugasemdafresti til 21. apríl 2021 og er hún lögð fram ásamt innkomnum athugasemdum og umsögnum frá Vegagerðinni, Minjastofnun og hverfisnefnd Oddeyrar. Er tillagan lögð fram með minniháttar breytingum til að koma til móts við efni innkominna athugasemda og umsagna auk þess sem fyrir liggur tillaga að svörum við athugasemdum.

Skipulagsráð leggur til við bæjarstjórn að deiliskipulagsbreytingin verði samþykkt með minniháttar breytingum auk þess að samþykkja tillögu að svörum við athugasemdum.

Þórhallur Jónsson kynnti tillögur skipulagsráðs. Auk hans tók Sóley Björk Stefánsdóttir til máls.