Skipulagsráð

Skipulagsráð leggur til við bæjarstjórn að deiliskipulagsbreytingin verði samþykkt með þeirri breytingu að lóð Sólskóga stækki til vesturs yfir núverandi og fyrirhugað ræktunarsvæði. Að mati ráðsins er ekki um grundvallarbreytingu á deiliskipulaginu að ræða og er því ekki talin þörf á að auglýsa breytinguna að nýju.

Skipulagsráð felur skipulagssviði að vinna aðgerðaáætlun í samræmi við stefnuna og leggja fyrir næsta fund skipulagsráðs.

Skipulagsráð felur sviðsstjóra skipulagssviðs að vinna í málinu með búsetusviði.

Skipulagsráð vísar málinu til umsagnar skipulagssviðs og umhverfis- og mannvirkjasviðs.

Skipulagsráð fellst á byggingu bílskúrs á lóðinni og vísar málinu til afgreiðslu byggingarfulltrúa.

Fram komu tvær tillögur að afgreiðslu og voru þær bornar upp til atkvæða.



Fyrri tillaga:

Skipulagsráð gerir ekki athugasemd við stækkun lóðarinnar og leggur til við bæjarstjórn að samþykkt verði breyting á aðalskipulagi sem felur í sér stækkun á athafnasvæði merkt AT13 til samræmis við fyrirliggjandi gögn. Að mati ráðsins er breytingin óveruleg skv. 2. mgr. 36. gr. skipulagslaga þar sem stækkun lóðarinnar mun ekki hafa áhrif á aðra en umsækjendur og Akureyrarbæ.

Meirihluti skipulagsráðs gerir jafnframt ekki athugasemd við byggingu á nýju húsi á svæðinu en frestar afgreiðslu þess hluta erindisins þar til búið er að stækka lóðina og lögð hefur verið fram umsókn um byggingarleyfi ásamt teikningum.

Tillagan var felld með þremur atkvæðum Tryggva Más Ingvarssonar B-lista, Orra Kristjánssonar S-lista og Þórhalls Jónssonar D-lista gegn tveimur atkvæðum Helga Snæbjarnarsonar L-lista og Ólafs Kjartanssonar V-lista.



Seinni tillaga:

Að mati skipulagsráðs hafa forsendur ákvörðunar um að hafna lóðarstækkun ekki breyst þar sem ekki er talið æskilegt að auka umfang iðnaðar- og athafnastarfsemi frá því sem nú er á þessu svæði.

Tillagan var samþykkt með þremur atkvæðum Tryggva Más Ingvarssonar B-lista, Orra Kristjánssonar S-lista og Þórhalls Jónssonar D-lista gegn einu atkvæði Helga Snæbjarnarsonar L-lista.

Ólafur Kjartansson V-lista sat hjá við afgreiðsluna.

Skipulagsráð þakkar Bjarka Jóhannessyni fyrir kynninguna.

Skipulagsráð leggur til við bæjarstjórn að breyting á deiliskipulagi í samræmi við fyrirliggjandi gögn verði auglýst skv. 1. mgr. 41. gr. skipulagslaga. Er skipulagssviði falið að sjá um framkvæmdina þegar endanleg gögn liggja fyrir.

Að mati skipulagsráðs er breytingin óveruleg og samþykkir að grenndarkynna hana skv. 2. mgr. 43. gr. skipulagslaga með fyrirvara um að gert verði ráð fyrir bindandi byggingarlínu meðfram Eyrarlandsvegi. Verður tillagan send til umsagnar Minjastofnunar Íslands og Minjasafnsins á Akureyri.

Skipulagsráð heimilar umsækjendum að láta vinna að breytingu á deiliskipulagi í samræmi við fyrirliggjandi erindi sem felur í sér breytingar á afmörkun byggingarreita, hæð húsa, nýtingarhlutfall, fjölda bílastæða, afmörkun umferðarsvæðis að austan og nýrri inn/útkeyrslu. Ekki er heimiluð breyting sem felur í sér að heimilt verði að keyra beint inn á almenn bílastæði frá Gránufélagsgötu og Grímseyjargötu.

Skipulagsráð leggur til við bæjarstjórn að samþykkt verði að auglýsa tillögu að breytingu á deiliskipulagi skv. 1. mgr. 41. gr. skipulagslaga sem gerir ráð fyrir stækkun á lóð nr. 4 og byggingarreit sem á henni er.

Skipulagsráð samþykkir að gerð verði breyting til samræmis við fyrirliggjandi erindi. Er breytingin óveruleg skv. 2. mgr. 43. gr. skipulagslaga að mati ráðsins og er ekki talin þörf á að grenndarkynna hana með vísun í heimild 2. ml. 3. mgr. 44. gr. laganna. Er skipulagssviði falið að annast gildistöku breytingarinnar þegar endanleg gögn liggja fyrir frá umsækjanda.

Að mati skipulagsráðs gefa fyrirliggjandi ábendingar ekki tilefni til breytinga á aðgerðaáætluninni og er lagt til við bæjarstjórn að hún verði samþykkt óbreytt. Skipulagssviði er falið að svara ábendingunum.

Afgreiðslu frestað.

Skipulagsráð þakkar Bjarka Jóhannessyni fyrir kynninguna og samþykkir að senda fyrirliggjandi gögn til umsagnar Minjastofnunar Íslands og Minjasafnsins á Akureyri.