Oddeyri - deiliskipulag íbúðasvæðis

Sviðsstjóri skipulagssviðs leggur til að hafin verði vinna við deiliskipulag Oddeyrar sem tekur til íbúðasvæðisins sem afmarkast af Hjalteyrargötu, Strandgötu, Glerárgötu og Eiðsvallagötu. Deiliskipulagið verði unnið í náinni samvinnu við íbúa svæðisins.

Lögð fram fyrstu drög að skipulagslýsingu og uppfærðri húsaskrá fyrir suðurhluta íbúðarsvæðis á Oddeyri, unnin af Bjarka Jóhannessyni byggingarfulltrúa.

Á fundi skipulagsráðs þann 4. apríl 2018 var samþykkt að fela sviðsstjóra skipulagssviðs að hefja undirbúning að deiliskipulagi svæðis á Oddeyri sem afmarkast af Hjalteyrargötu, Strandgötu, Glerárgötu og Eiðsvallagötu. Hafin er vinna við endurskoðun húsakönnunar á svæðinu og gerð forsendna fyrir skipulagsvinnuna. Eftir nánari skoðun á verkefninu leggur sviðsstjóri skipulagssviðs til að skipulagsmörk deiliskipulagsins verði útvíkkuð þannig að þau nái yfir alla núverandi íbúðabyggð Oddeyrar. Sú afmörkun samræmist svæði sem merkt er sem svæði A í rammhluta aðalskipulags fyrir Oddeyri sem tók gildi í maí sl.

Á fundi skipulagsráðs 4. apríl 2018 var samþykkt að hefja undirbúning að endurskoðun deiliskipulags sem afmarkast af Hjalteyrargötu, Strandgötu, Glerárgötu og Eiðsvallagötu og á fundi 29. ágúst sama ár var samþykkt að útvíkka skipulagsmörkin þannig að þau nái yfir alla núverandi íbúðabyggð á Oddeyri.

Vinna við húsaskráningu á svæðinu og gerð forsendna fyrir skipulagsvinnunni hófst sumarið 2018 og er nú lögð fram tillaga að húsaskráningu svæðisins ásamt tillögu að forsendum fyrir gerð deiliskipulags sem unnar eru af Bjarka Jóhannessyni arkitekt sem kom á fundinn og kynnti tillögurnar.