Dalsbraut sunnan Þingvallastrætis og nágrenni - deiliskipulag

Frestað.

Meirihluti skipulagsnefndar leggur til við bæjarstjórn að skipulagslýsingin verði kynnt almenningi, leitað verði umsagnar skipulagsstofnunar og annarra umsagnaraðila um skipulagslýsinguna og framkvæmdin verði tilkynnt í samræmi við 6. gr. laga um umhverfismat.

Edward H. Huijbens V-lista sat hjá við afgreiðslu málsins.

Ólafur Jónsson D-lista lagði fram svohljóðandi tillögu:
Í ljósi þess að L-listinn hefur svikið stóra kosningaloforðið um að leggja Dalsbraut að hluta til í stokk tel ég eðlilegt og nauðsynlegt að nýjar hönnunarforsendur götunnar komi fyrir bæjarstjórn til umræðu og afgreiðslu, enda hér um algjöra kúvendingu að ræða af hálfu L-listans. Þegar síðan við bætist að þær hönnunarforsendur sem nú liggja fyrir bæjarráði eru mjög óljósar er varða veigamikil atriði s.s. hámarkshraða og hljóðvist er enn mikilvægara að umræða um þær fari fram í bæjarstjórn í heyranda hljóði þannig að skýr afstaða allra bæjarfulltrúa komi fram um skipulagsforsendur götunnar. Hér er um gamalt og erfitt deilumál að ræða sem oft hefur ratað á bæjarstjórnarfundi og tíðum verið kosningamál, því er það óásættanlegt að fyrirliggjandi skipulagsforsendur séu afgreiddar af innan við helmingi kjörinna fulltrúa í bæjarstjórn. Þá liggur heldur ekki fyrir hvernig bærinn hyggst koma til móts við íþróttafélagið KA vegna þeirrar skerðingar og breytinga sem verða á þeirra svæði með tilkomu Dalsbrautar.
Ég legg því til að afgreiðslu á þessari skýrslu um skipulagsforsendur Dalsbrautar verði vísað til fyrsta fundar bæjarstjórnar eftir sumarfrí til umræðu og afgreiðslu.

Tillagan var felld með þremur atkvæðum fulltrúa L-lista.
Ólafur Jónsson D-lista greiddi tillögunni atkvæði og Hermann Jón Tómasson S-lista sat hjá við afgreiðslu tillögunnar.

Ólafur Jónsson D-lista lagði fram svohljóðandi tillögu:
Legg til að hámarkshraði á væntanlegri Dalsbraut milli Miðhúsabrautar og Þingvallastrætis verði 30 km/klst.

Skipulagsnefnd þakkar Ómari og Kristni fyrir kynninguna.

Tekið verður tillit til athugasemda Skipulagsstofnunar er varða matslýsingu í endanlegum gögnum. Ábendingum íbúa er vísað áfram til vinnuhópsins til frekari úrvinnslu.

Skipulagsnefnd leggur til að haldinn verði íbúafundur um tillöguna þann 8. september nk. 

Skipulagsnefnd frestar afgreiðslu málsins að öðru leyti.

Skipulagsnefnd þakkar X2 hönnun - skipulagi ehf. fyrir kynninguna. Meirihluti skipulagsnefndar leggur til við bæjarstjórn að tillagan verði auglýst skv. 1. mgr. 41.gr. skipulagslaga nr. 123/2010.
Auður Jónasdóttir V-lista óskar bókað: Ég greiði atkvæði gegn tillögunni og ítreka þá skoðun mína að framkvæmdin sé ótímabær.

Ólafur Jónsson D-lista lagði fram eftirfarandi tillögu:

Í skipulagsnefnd þann 14. september sl. var samþykktur skipulagsuppdráttur sem sýndi nýja götutengingu af væntanlegri Dalsbraut alla leið að Lundarskóla, enda hafði sá skipulagsuppdráttur verið kynntur íbúum á almennum fundi.  Ég tel ekki hægt að samþykkja í bæjarstjórn þá breytingu sem hér er lögð fram á samþykktum uppdrætti í þá veru að fella út þessa götutengingu því hér er um verulega breytingu að ræða.  Skólastjórnendur Lundarskóla hafa gert alvarlegar athugasemdir við þessa götutengingu og mikilvægt að öll gögn fari út í auglýsingu í samræmi við kynningu og samþykkt skipulagsnefndar.  Ég legg því til að deiliskipulagstillögunni í heild sinni verði vísað aftur til skipulagsnefndar til umræðu og afgreiðslu.

Tillagan var borin upp og felld með 7 atkvæðum gegn 4 atkvæðum Ólafs Jónssonar D-lista, Andreu Sigrúnar Hjálmsdóttur V-lista, Hermanns Jóns Tómassonar S-lista og Guðmundar Baldvins Guðmundssonar B-lista.

Fram kom tillaga frá Guðmundi Baldvini Guðmundssyni B-lista svohljóðandi:

Bæjarstjórn Akureyrar samþykkir að fresta áformuðum framkvæmdum við Dalsbraut þar sem ekki er þörf á lagningu götunnar.

Tillagan var borin upp og felld með 7 atkvæðum gegn 3 atkvæðum Andreu Sigrúnar Hjálmsdóttur V-lista, Guðmundar Baldvins Guðmundssonar B-lista og Ólafs Jónssonar D-lista.

Hermann Jón Tómasson S-lista sat hjá við afgreiðslu.

Bæjarstjórn samþykkir tillögu meirihluta skipulagsnefndar með 8 samhljóða atkvæðum.

Andrea Sigrún Hjálmsdóttir V-lista, Guðmundur Baldvin Guðmundsson B-lista og Ólafur Jónsson D-lista sátu hjá við afgreiðslu.

Sigurður Guðmundsson A-lista lagði fram eftirfarandi bókun:

Bæjarlistinn fagnar þeim áfanga sem nú er náð og telur að með lagningu Dalsbrautar muni umferðarflæði á Brekkunni verða dreifðara og öruggara fyrir vikið.  Allar vegstyttingar og vegabætur eru fjárhagslega hagkvæmar.  Við berjumst sem eitt í styttingu þjóðvegarins og ættum að gera það einnig hér innan bæjarmarka.

Innsendar athugasemdir lagðar fram og  yfirfarnar.

Frestað.

Svör við athugasemdum koma fram í skjali merktu "Dalsbraut - svör við athugasemdum 30.11.11".

Meirihluti skipulagsnefndar leggur til við bæjarstjórn að deiliskipulagstillagan þannig breytt verði samþykkt og skipulagsstjóra falið að annast gildistöku hennar.

Edward H. Huijbens sat hjá við afgreiðsluna.

Bæjarstjórn samþykkir tillögu meirihluta skipulagsnefndar með 9 atkvæðum gegn 2 atkvæðum Andreu Sigrúnar Hjálmsdóttur V-lista og Guðmundar Baldvins Guðmundssonar B-lista.

Skipulagsnefnd felur skipulagsstjóra í samráði við bæjarlögmann að svara athugasemdinni efnislega í samræmi við umræður á fundinum.

Skipulagsnefnd bendir á sbr. neðangreint, að gert hefur verið ráð fyrir tengibrautinni Dalsbraut í aðalskipulagi Akureyrar allt frá árinu 1975:
Aðalskipulag Akureyrar 1972-1993 var staðfest af félagsmálaráðuneyti 17. desember 1975.
Aðalskipulag Akureyrar 1990-2010 var staðfest af félagsmálaráðuneyti 30. nóvember 1990.
Aðalskipulag Akureyrar 1998-2018 var staðfest af umhverfisráðherra 4. september 1998.
Aðalskipulag Akureyrar 2005-2018 var staðfest af umhverfisráðherra 15. desember 2006.
Allar ofangreindar aðalskipulagsáætlanir gera ráð fyrir lagningu tengibrautarinnar Dalsbrautar og mátti því íbúum vera ljóst frá þeim tíma að gatan kæmi. Öll uppbygging á íbúðarsvæðunum í nágrenni vegstæðisins bera þess merki að gert var ráð fyrir lagningu hennar.

Bæjarlögmanni í samráði við skipulagsstjóra er falið að senda úrskurðarnefndinni umbeðin gögn ásamt greinargerð.

Lagt fram til kynningar.

Skipulagsstjóra falið að gera nauðsynlegar breytingar á aðalskipulagi vegna tenginga að lóð Lundarskóla og íþróttasvæði KA.