Lystigarður - framtíðarsýn

Stjórn Fasteigna Akureyrarbæjar frestar afgreiðslu málsins.

Stjórn Fasteigna Akureyrarbæjar samþykkir tillögu dómnefndar um að gengið verði til samninga við Njál Trausta Friðbertsson sem átti tillögu nr. 91969. Tillagan fékk hæstu einkunn dómnefndar og var verðtilboðið einnig það hagstæðasta.

Stjórn Fasteigna Akureyrarbæjar tilnefnir Sigríði Maríu Hammer í verkefnislið fyrir framkvæmdina.

Sigfús Karlsson, B-lista, óskar bókað:

Eftir allt það sem á undan er gengið í stjórnmálum á Íslandi og þeirri umræðu í þjóðfélaginu að stjórnmálamenn, hvort sem þeir eru í landsmálum eða sveitarstjórnarmálum, um að allt sé gegnsætt og uppi á borðum, er það mín skoðun að þessir aðilar eigi ekki að stofna til nýrra viðskiptasambanda þar sem hagsmunaárekstrar milli stjórnmála og einkareksturs geta komið upp.

Þrátt fyrir þessa skoðun mína verður ekki hægt að horfa framhjá að hagstæðasta tilboðið í rekstur kaffihúss og minjagripasölu í Lystigarðinum á Akureyri er það hagstætt og vel unnið í alla staði og gefur afar skýra og greinargóða mynd af þeirri starfsemi sem gengið var út frá að yrði í Lystigarðinum. Einnig er það ljóst að sú fjárfesting sem Fasteignir Akureyrarbæjar hyggjast fara út í mun borga sig með þeim leigugreiðslum sem boðnar eru í hagstæðasta tilboðinu. Á þeim forsendum hversu hagstætt tilboðið er greiði ég atkvæði með tillögu dómnefndar um að taka tillögu nr. 91969 sem kom frá Njáli Trausta Friðbertssyni.

Stjórn Fasteigna Akureyrarbæjar samþykkir að ganga til samninga við 1912 Veitingar, Njál Trausta Friðbertsson. Stjórnin felur framkvæmdastjóra að ganga til samninga í samræmi við umræðu á fundinum.

Stjórn Fasteigna Akureyrarbæjar samþykkir að ganga til samninga við Kollgátu ehf samkvæmt fyrirliggjandi drögum. Stjórnin felur framkvæmdastjóra að ganga til samninga í samræmi við umræðu á fundinum.

Stjórn Fasteigna Akureyrarbæjar samþykkir að samið verði við lægstbjóðanda, Verkís hf.

Stjórn Fasteigna Akureyrarbæjar samþykkir að samið verði við Verkís hf á grundvelli tilboðs þeirra.

Stjórn Fasteigna Akureyrarbæjar samþykkir að auglýsa útboð á byggingu hússins.

Stjórn Fasteigna Akureyrarbæjar hafnar öllum tilboðunum og felur framkvæmdastjóra og Sigríði Maríu Hammer fulltrúa stjórnar Fasteigna Akureyrarbæjar að taka upp viðræður við hlutaðeigandi aðila.

Stjórn Fasteigna Akureyrarbæjar samþykkir að gengið verði til samninga við BB Byggingar. Stjórnin leggur á það mikla áherslu að kostnaðaráætlun standist.

Þar sem ekkert uppsagnarákvæði er í leigusamningnum nema vanefndarákvæði felur stjórn Fasteigna Akureyrarbæjar formanni og framkvæmdastjóra að vinna áfram að lausn málsins.

Húsaleigusamningi milli Fasteigna Akureyrarbæjar, kt. 410169-6229 og 1912 Veitinga ehf, kt. 480805-0540, hefur nú verið slitið á grundvelli 3. og 11. greinar húsaleigusamningsins dags. 19. júlí 2011.

Stjórn Fasteigna Akureyrarbæjar felur framkvæmdastjóra og bæjarlögmanni að ganga endanlega frá málum tengdum samningsslitum.