Ungmennaráð

Rætt um fyrirkomulag komandi kosninga í ungmennaráð. Staðan á nýju myndbandi, glærukynningu, hvernig kynningu í skólana verði háttað, umsóknarferli, spurningar fyrir umsækjendur og fleira.


Rætt var um hvernig fyrirkomulagið á kosningunum ætti að vera. Spurningar fyrir umsóknina eru tilbúnar og búið að setja upp í jotform. Einnig var rætt um hver staðan væri á kynningarmyndbandinu og eru upptökur vel komnar af stað og verður það tilbúið um helgina. Karen, umsjónarmaður ráðsins, mun senda tölvupósta á grunn- og framhaldsskólana með hlekk á bæði kynningarmyndband ráðsins og á umsóknareyðublaðið ásamt stuttum kynningartexta um ungmennaráðið og umsóknarferlið sem komið verður til nemenda.

Varðandi nýtingu á húsnæðinu Rósenborg.

Rætt var um hvernig húsnæðið var nýtt á þeim tíma sem Akureyrarbær var í fyrsta hringnum í verkefninu Barnvænt sveitarfélag, sem eins konar miðstöð ungs fólks. Því var hampað m.a. af mennta- og barnamálaráðherra og litu önnur sveitarfélög á þetta sem eins konar fyrirmynd. Fram komu hugmyndir um að hægt væri að koma Virkinu og Berginu Headspace niður í Rósenborg. Einnig að hægt væri að nýta húsnæðið fyrir klúbbastarf á vegum ungmenna, auka þjónustu við félagsmiðstöðvarnar og lengja opnunartímann eins og óskað hefur verið eftir á Stórþingi ungmenna síðustu tvö skipti og jafnvel fyrir einhverja starfsemi tengdri félagslegri liðveislu.

Rætt var um að hægt væri að nýta húsnæðið í félagsstarf á borð við EBAK og skátana en það myndi þá hugsanlega koma í veg fyrir hinar pælingarnar.

Ungmennaráð ræddi um mikilvægi góðrar hljóðvistar í leik- og grunnskólum, bæði innandyra og utandyra. Heimir benti á að huga þyrfti að því að tré og annar gróður þyrfti að vera við leikskólann sem til stendur að reisa í Hagahverfi til að gæta að hljóðvist í hverfinu. Þá var rætt um að huga þyrfti að hljóðvist bæði í nýbyggingum sem og þegar farið er í endurbætur á eldra húsnæði eins og verið er að gera núna við grunnskólana.

Rætt var um húsnæðismál og fjárhagslegan stuðning til KFUM og KFUK á Akureyri.

Rætt um tillögur að endurbótum á innisundlaug Akureyrarlaugar.

Rætt um þá staðreynd að til standi að leggja niður starf skólasálfræðings í Verkmenntaskólanum á Akureyri. Ungmennaráð var sammála um að þetta væri mikið áhyggjuefni og mun styðja við yfirlýsingu skólafélags VMA varðandi málið.

Rætt um stöðuna á leiksvæði Hlíðarskóla. Fram kom tillaga um að ungmennaráð myndi senda frá sér yfirlýsingu þar sem lýst væri yfir óánægju með málið.