Skipulagsnefnd

Tekið fyrir að nýju í framhaldi af fundi þann 16. júní 2015 með fulltrúum Umhverfisstofnunar og umhverfis- og auðlindaráðuneytisins, þar sem óskað var eftir að gerðar yrðu breytingar á orðalagi á 2. gr., 5. gr. og 7. gr. tillögu um fólkvang á Glerárdal.

Erindi dagsett 3. júlí 2015 þar sem Egill Guðmundsson f.h. Eikar fasteignafélags hf., kt. 590902-3730, óskar eftir viðræðum og samstarfi við Akureyrarbæ vegna uppbyggingar á lóð nr. 6-8 við Gleráreyrar.

Erindi dagsett 1. júlí 2015 þar sem Jónas Valdimarsson f.h. framkvæmdadeildar Akureyjarbæjar, kt. 410169-6229, sækir um framkvæmdaleyfi vegna gerðar hringtorgs á gatnamótum Bugðusíðu og Borgarbrautar.

Erindi dagsett 1. júlí 2015 þar sem Árni Gunnar Kristjánsson f.h. Leifs Kristjáns Þormóðssonar sækir um byggingarleyfi fyrir viðbyggingu við hús nr. 2 við Duggufjöru. Meðfylgjandi eru teikningar eftir Árna Gunnar Kristjánsson.

Skipulagsstjóri kynnti stöðuna á rekstri skipulagsdeildar fyrstu fimm mánuði ársins 2015.

Tekið fyrir að nýju erindi dagsett 16. júní 2015 þar sem Baldur Dýrfjörð f.h. Norðurorku hf., kt. 550978-0169, sækir um uppsetningu á hraðhleðslustöðvum fyrir rafmagnsbíla á lóðum nr. 1 við Gleráreyrar og nr. 12 við Strandgötu. Meðfylgjandi eru myndir.

Baldur Dýrfjörð mætti á fundinn og kynnti tillöguna.

Edward H. Huijbens V-lista bar upp vanhæfi í málinu og var það samþykkt. Vék hann af fundi við afgreiðslu málsins.

Tekið fyrir að nýju erindi móttekið 22. júní 2015, þar sem Guðmundur Haukur Sigurðarson f.h. Vistorku ehf., kt. 670515-0950, óskar eftir að skipulagsdeild og framkvæmdadeild Akureyrarbæjar í samráði við Akureyrarstofu merki með áberandi hætti nokkur bílastæði í og við miðbæinn sem yrðu þannig frátekin fyrir bíla sem aðeins nota innlent eldsneyti.

Í framhaldi verður óskað eftir því að Norðurorka setji upp rafhleðslutengla við þessi stæði.

Meðfylgjandi er kort sem sýnir hugmynd að staðsetningu stæðanna.

Guðmundur Haukur Sigurðarson mætti á fundinn og kynnti tillöguna.

Erindi dagsett 20. febrúar 2014 og 17. febrúar 2015 frá Ingólfi Frey Guðmundssyni þar sem hann f.h. SS Byggis ehf., kt. 620687-2519, óskar eftir breytingu á deiliskipulagi lóðarinnar Undirhlíðar 1-3.

Óskað er eftir að íbúðum verði fjölgað um 11, úr 25 í 36, í Undirhlíð 1, og að skilyrði um að íbúðirnar verði fyrir 50 ára og eldri verði fellt út.

Skipulagsnefnd heimilaði umsækjanda þann 29. apríl 2015 að leggja fram tillögu að breytingu á deiliskipulagi á grundvelli ofangreindra breytinga.

Innkomin tölvupóstur dagsettur 3. júní 2015 frá Helga Erni Eyþórssyni fh. SS Byggis þar sem óskað er eftir að ákvæði skilmála núgildandi deiliskipulags, er fram koma í kafla 5.2 er fjallar um jarðvegsframkvæmdir og grundun fjölbýlishússins og um óháð eftirlit með stöðu vatnsborðs í jarðvegi í nágrenni lóðar vegna hugsanlegs jarðsigs á meðan á framkvæmdum stendur, verði felld niður.

Skipulagsnefnd frestaði erindinu þann 10. júní sl. og fól skipulagsstjóra að óska eftir því að jarðvegssérfræðingur yrði fenginn til þess að endurmeta aðstæður vegna hugsanlegs jarðsigs á svæðinu.

Fulltrúi Mannvits mætti á fundinn og fór yfir fyrirliggjandi gögn vegna jarðvegsframkvæmda.

Erindi dagsett 7. maí 2015 þar sem Ágúst Hafsteinsson f.h. Bókhalds og ráðgjafar Auditor ehf., kt. 440302-3270, sækir um stækkun byggingarreits á lóð nr. 21 við Krókeyrarnöf.

Innkominn breytingaruppdráttur dagsettur 27. maí 2015 eftir Ágúst Hafsteinsson frá Formi ehf.

Erindið var grenndarkynnt frá 3. júní til 1. júlí 2015.

Ein athugasemd barst og ein fyrirspurn.

Evert Sveinbjörn Magnússon og Hugrún Stefánsdóttir, dagsett 15. júní 2015.

Athugasemd er gerð við skjólvegg á útisvæði og farið fram á að hann verði ekki hærri en 90 cm.

Fyrirspurn móttekin 18. júní 2015 frá Brynjari Bragasyni og Höllu B. Halldórsdóttur, Krókeyrarnöf 16.

Bent er á að framkvæmt hefur verið norðan við húsið sem er ekki í samræmi við samþykktar teikningar.

Spurt er hvað má veggur norðan húss vera hár skv. byggingarreglugerð og hver er heimild þeirra í Krókeyrarnöf 16 til þess að óska eftir hæðarmörkum á veggnum.

Erindi dagsett 19. janúar 2015 þar sem Ingólfur Guðmundsson frá Kollgátu f.h. Gunnars Kristjáns Jónassonar sækir um deiliskipulagsbreytingu vegna viðbyggingar við Krókeyrarnöf 25.

Innkominn breytingaruppdráttur dagsettur 27. maí 2015 eftir Loga Má Einarsson.

Erindið var grenndarkynnt frá 3. júní með athugasemdarfresti til 1. júlí 2015.

Ein athugasemd barst frá íbúum við Krókeyrarnöf 22 - 28, dagsett 25. júní 2015 og undirrituð af öllum þeim er grenndarkynninguna fengu.

Mótmælt er fyrirhugaðri stækkun byggingarreitsins við Krókeyrarnöf 25, þar sem stækkun hússins mun skerða verulega útsýni en nú þegar er búið að skerða útsýni með 2 metra háum garði. Óljóst er á teikningum hvaða áhrif sólpallur og skjólveggir geti haft á útsýni. Meðfylgjandi eru myndir.

Formaður skipulagsnefndar í samráði við Akureyrarstofu lagði fram tillögu að verklagsreglum um lokun göngugötunnar í Hafnarstræti að Ráðhústorgi sumarið 2015.

Lagt er til að göngugötunni verði lokað fyrir almenna bílaumferð um helgar, á föstudögum og laugardögum frá kl. 11:00 - 16:00 til loka ágúst 2015.

Í framhaldinu verði unnar verklagsreglur og nánari útlistun á lokun götunnar í samráði við hagsmunaðila á svæðinu.

Erindi dagsett 3. júlí 2015 þar sem Helgi Magnús Hermannsson sækir um breytta notkun hluta hússins nr. 32 við Glerárgötu. Sótt er um að breyta 3. og 4. hæð hússins í gistiheimili/hótelíbúðir eða íbúðir.

Meðfylgjandi eru teikningar.

Erindi dagsett 2. júlí 2015 frá Davíð R. Gunnarssyni f.h. Viðburðastofu Norðurlands, þar sem hann sækir um afnot af landsvæði sunnan við Réttarhvamm frá miðvikudegi 29. júlí til 3. ágúst 2015 undir starfsemi á borð við vatnabolta, paintball og loftbolta.

Þar sem svæðið er utan samþykktra svæða sem tilgreind eru í "Samþykkt Akureyrarkaupstaðar um götu- og torgsölu" er sótt um leyfi skipulagsnefndar fyrir afnotunum af svæðinu.

Erindi dagsett 29. júní 2015 þar sem Guðrún Pálmadóttir réttindagæslumaður fatlaðs fólks á Norðurlandi, spyrst fyrir um aðgengi fatlaðra í Listagili, sýn skipulagsnefndar á algilda hönnun og úttektir á aðgengi fyrir fatlaða á Akureyri.

Fundargerð dagsett 25. júní 2015. Lögð var fram fundargerð 546. fundar með fullnaðarafgreiðslum erinda. Fundargerðin er í 12 liðum.

Fundargerð dagsett 2. júlí 2015. Lögð var fram fundargerð 547. fundar með fullnaðarafgreiðslum erinda. Fundargerðin er í 10 liðum.